ᱨᱟᱡᱟ ᱦᱟᱨᱤᱥᱪᱟᱱᱫᱽᱨᱟ ᱑᱙᱑᱓ ᱨᱮ ᱵᱟᱱᱟᱣ ᱞᱮᱱ ᱢᱤᱫ ᱥᱤᱧᱚᱛᱤᱭᱟ ᱢᱩᱠ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱯᱷᱤᱞᱢ ᱨᱮ ᱫᱤᱥᱟ ᱩᱫᱩᱜ ᱟᱱᱤᱡ ᱫᱟᱫᱟ ᱥᱟᱦᱟᱵᱽ ᱯᱷᱟᱞᱠᱮ ᱛᱟᱦᱮᱸ ᱠᱟᱱᱟᱭ ᱟᱨ ᱱᱚᱶᱟ ᱯᱷᱤᱞᱢ ᱫᱚ ᱯᱩᱭᱞᱩ ᱫᱷᱟᱣ ᱟᱹᱰᱤ ᱡᱮᱞᱮᱝ ᱱᱟᱴᱚᱠ ᱞᱮᱠᱟᱱ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱯᱷᱤᱞᱢ ᱫᱚ ᱥᱤᱧᱚᱛ ᱨᱮᱱᱟᱜ ᱠᱟᱹᱦᱱᱤ ᱠᱟᱛᱷᱟ ᱠᱚ ᱨᱮᱱᱟᱜ ᱢᱤᱫ ᱫᱚ ᱡᱟᱦᱟᱸ ᱨᱟᱡᱟ ᱦᱟᱨᱤᱥᱪᱟᱱᱫᱽᱨᱟ ᱟᱜ ᱠᱟᱹᱦᱱᱤ ᱞᱮᱠᱟᱛᱮ ᱥᱚᱫᱚᱨ ᱞᱮᱱᱟ ᱾ ᱱᱚᱶᱟ ᱯᱷᱤᱞᱢ ᱢᱩᱠ ᱜᱮᱭᱟ ᱢᱮᱱᱠᱷᱟᱱ ᱱᱚᱶᱟ ᱨᱮ ᱧᱮᱞᱚᱜ ᱠᱟᱱ ᱵᱷᱤᱛᱨᱤ ᱨᱮ ᱟᱝᱜᱽᱨᱮᱡᱤ ᱟᱨ ᱦᱤᱱᱫᱤ ᱨᱮ ᱠᱚᱛᱷᱚᱱ ᱠᱚ ᱚᱞ ᱠᱟᱛᱮ ᱠᱚ ᱞᱟᱹᱭ ᱥᱚᱫᱚᱨ ᱚᱪᱚ ᱟᱠᱟᱫ - ᱟ ᱾ ᱧᱮᱞ ᱨᱮ ᱯᱷᱤᱞᱢ ᱨᱮ ᱯᱟᱴ ᱟᱱᱤᱡ ᱥᱟᱱᱟᱢ ᱯᱟᱯᱟᱴᱤᱭᱟᱹ ᱠᱚ ᱢᱚᱨᱟᱴᱷᱤ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟ ᱛᱮ ᱚᱱᱟ ᱯᱷᱤᱞᱢ ᱫᱚ ᱢᱚᱨᱟᱴᱷᱤ ᱯᱷᱤᱞᱢ ᱨᱮᱱᱟᱜ ᱛᱟᱞᱠᱟ ᱨᱮ ᱠᱚ ᱫᱚᱦᱚ ᱠᱮᱫ - ᱟ ᱾
ᱱᱚᱶᱟ ᱯᱷᱤᱞᱢ ᱫᱚ ᱥᱤᱧᱚᱛᱤᱭᱟ ᱯᱷᱤᱞᱢ ᱡᱮᱜᱮᱫ ᱨᱮ ᱯᱩᱭᱞᱩ ᱱᱟᱜᱟᱢ ᱮ ᱟᱢᱮᱴ ᱠᱮᱫ-ᱟ ᱾
ᱯᱷᱤᱞᱢ ᱨᱮᱱᱟᱜ ᱮᱛᱚᱦᱚᱵ ᱫᱚ ᱨᱟᱡᱟ ᱨᱟᱵᱤ ᱣᱟᱨᱢᱟ ᱦᱚᱛᱮᱛᱮ ᱦᱩᱭ ᱞᱮᱱ ᱨᱟᱡᱟ ᱡᱟᱨᱤᱥᱪᱟᱱᱫᱽᱨᱟ, ᱩᱱᱤ ᱨᱮᱱ ᱡᱩᱨᱤ ᱟᱨ ᱦᱚᱯᱚᱱ ᱠᱤᱱᱟᱜ ᱪᱤᱛᱟᱹᱨ ᱛᱮ ᱵᱟᱱᱟᱣ ᱟᱠᱟᱱ ᱨᱮᱱᱟᱜ ᱯᱨᱚᱛᱤᱞᱤᱯᱤ ᱨᱮᱱᱜᱟ ᱡᱷᱟᱸᱠᱤ ᱠᱷᱚᱱ ᱮᱦᱚᱵᱚᱜ ᱠᱟᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱨᱟᱡᱟ ᱦᱟᱨᱤᱥᱪᱟᱱᱫᱽᱨᱟ (ᱯᱷᱤᱞᱢ ᱑᱙᱑᱓), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.