ᱦᱚᱢᱤᱨ ᱫᱚ ᱭᱩᱱᱟᱱ ᱨᱤᱱᱤᱡ ᱢᱤᱫ ᱱᱚᱝᱠᱟᱱ ᱢᱟᱨᱮ ᱚᱱᱚᱬᱦᱤᱭᱟ.
ᱠᱟᱱᱟᱭ, ᱡᱟᱦᱟᱸᱭᱟᱜ ᱚᱞ-ᱵᱮᱞ ᱱᱤᱛᱚᱜ ᱫᱷᱟ.ᱵᱤᱡ ᱪᱟ.ᱞᱩᱜ ᱠᱟᱱᱟ ᱾ ᱟᱨ ᱡᱟᱦᱟᱸ ᱫᱚ ᱟ.ᱰᱤ ᱢᱚᱱᱚᱛ ᱛᱮ ᱭᱩᱨᱳᱯ ᱨᱤᱱᱤᱡ ᱡᱚᱛᱚ ᱠᱷᱚᱱ ᱥᱮᱬᱟᱛ ᱚᱱᱚᱬᱦᱤᱭᱟ. ᱞᱮᱠᱟᱛᱮ ᱟᱯᱱᱟᱨ ᱢᱮᱱᱟᱜ ᱟᱠᱟ ᱫᱮᱭᱟ ᱾ ᱩᱱᱤ ᱫᱚ ᱤᱱᱟ. ᱚᱠᱛᱚ ᱨᱤᱱᱤᱡ ᱥᱟᱶᱛᱟ ᱟᱨ ᱞᱟ.ᱭ ᱞᱟᱠᱪᱟᱨ ᱪᱮᱛᱟᱱ ᱨᱮ ᱜᱟᱺᱦᱤᱨ ᱯᱟ.ᱛᱭᱟ.ᱣ ᱟᱨ ᱫᱩᱞᱟ.ᱲ ᱛᱟᱦᱮᱸ ᱠᱟᱱ ᱛᱟᱭᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ ᱛᱟᱠᱚᱣᱟ ᱾ ᱠᱟᱬᱟ ᱦᱚᱲ ᱦᱩᱭ ᱠᱟᱛᱮ ᱨᱮᱦᱚᱸ ᱩᱱᱤ ᱵᱟᱨᱭᱟ ᱞᱟ.ᱴᱩᱯᱩᱛᱷᱤᱭ ᱚᱞ ᱛᱚᱞ ᱟᱠᱟᱜᱼᱟ - ᱤᱞᱤᱭᱚᱰ ᱟᱨ ᱳᱰᱤᱥᱤ ᱾ ᱢᱮᱱ ᱞᱮᱠᱷᱟᱱ ᱱᱩᱭ ᱤᱫᱤ ᱠᱟᱛᱮ ᱢᱟᱨᱮ ᱡᱩᱜᱽ ᱨᱮ ᱡᱟᱦᱟᱸ ᱛᱤᱱᱟ.ᱝ ᱵᱤᱵᱟ.ᱫᱽ ᱛᱟᱦᱮᱸ ᱠᱟᱱᱟ, ᱱᱤᱛ ᱫᱷᱟ.ᱵᱤᱡ ᱦᱚᱸ ᱚᱱᱠᱟ ᱜᱮ ᱢᱮᱱᱟᱜᱼᱟ ᱾ ᱛᱤᱱᱟ.ᱝ ᱜᱟᱱ ᱦᱚᱲ ᱟᱡᱟᱜ ᱚᱠᱛᱚ ᱫᱚ ᱴᱨᱳᱡᱚᱱ ᱦᱩᱞ ᱨᱮᱭᱟᱜ ᱚᱠᱛᱚ ᱥᱟᱞᱟᱜ ᱠᱚ ᱡᱩᱲᱟ.ᱭᱟ ᱾ ᱤᱠᱷᱟ.ᱱ ᱱᱤᱭᱟ. ᱫᱚ ᱴᱷᱟ.ᱣᱠᱟ. ᱜᱮᱭᱟ ᱡᱮ ᱭᱩᱱᱟᱱᱤ ᱱᱟᱜᱟᱢ ᱨᱮᱭᱟᱜ ᱢᱤᱫ ᱯᱩᱨᱟ. ᱠᱟᱞ ᱫᱚ ᱦᱚᱢᱤᱨ ᱡᱩᱜᱽ ᱧᱩᱛᱩᱢ ᱛᱮ ᱜᱟᱺᱦᱤᱨ ᱩᱯᱨᱩᱢ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱘᱕᱐ ᱵᱤ.ᱥᱤ. ᱢᱟᱬᱟᱝ ᱠᱷᱚᱱ ᱴᱨᱳᱡᱚᱱ ᱦᱩᱞ ᱨᱮᱭᱟᱜ ᱢᱟᱺᱦᱤᱛ ᱑᱑᱕᱐ ᱠᱷᱚᱱ ᱑᱑᱘᱔ ᱫᱷᱟ.ᱵᱤᱡ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜᱼᱟ ᱾ ᱤᱞᱤᱭᱚᱰ ᱨᱮ ᱴᱨᱟᱭ ᱯᱚᱱᱚᱛ ᱥᱟᱶ ᱜᱨᱤᱠ ᱨᱤᱱ ᱦᱚᱲ ᱠᱚᱣᱟᱜ ᱦᱩᱞ ᱪᱮᱛᱟᱱ ᱨᱮ ᱵᱤᱥᱲᱤ ᱢᱮᱱᱟᱜᱼᱟ ᱾ ᱱᱚᱶᱟ ᱢᱟᱦᱟᱯᱩᱛᱷᱤ ᱨᱮ ᱴᱨᱟᱭ ᱨᱮᱭᱟᱜ ᱡᱤᱛᱠᱟ.ᱨ ᱟᱨ ᱱᱟᱥ ᱪᱮᱛᱟᱱ ᱨᱮ ᱠᱟ.ᱦᱱᱤ ᱟᱨ ᱭᱩᱱᱟᱱᱤ ᱵᱤᱨᱵᱷᱟᱱᱴᱟ ᱤᱠᱞᱤᱥ ᱟᱜ ᱡᱤᱛᱠᱟ.ᱨ ᱨᱮᱭᱟᱜ ᱥᱟᱨᱦᱟᱣᱱᱟ ᱧᱩᱢ ᱦᱟᱞᱟᱝ ᱢᱮᱱᱟᱜᱼᱟ ᱾ ᱦᱚᱢᱤᱨ ᱟᱜ ᱢᱟᱦᱟᱯᱩᱛᱷᱤ ᱨᱮᱭᱟᱜ ᱯᱟ.ᱨᱥᱤ ᱫᱚ ᱯᱟ.ᱦᱤᱞ ᱢᱟᱨᱮ ᱭᱩᱱᱟᱱᱤ ᱟᱨᱵᱟᱝ ᱦᱮᱞᱤᱠᱟ ᱠᱟᱱᱟ ᱾
ᱳᱰᱤᱥᱤ ᱨᱮ ᱭᱩᱱᱟᱱ ᱵᱤᱨᱵᱷᱟᱱᱴᱟ ᱭᱩᱞᱤᱥᱤᱥ ᱟᱜ ᱠᱟᱛᱷᱟ ᱵᱤᱥᱲᱤ ᱟᱠᱟᱱᱟ ᱾ ᱴᱨᱟᱭ ᱨᱤᱱᱤᱡ ᱨᱟᱡᱽ ᱠᱩᱢᱟᱨ ᱥᱯᱟᱨᱴᱤᱭᱤᱡ ᱨᱟ.ᱱᱤ ᱦᱮᱞᱮᱱ ᱠᱩᱸᱵᱽᱲᱩ ᱠᱟᱛᱮ ᱴᱨᱟᱭ ᱱᱟᱜᱟᱨ ᱛᱮᱠᱚ ᱤᱫᱤ ᱠᱮᱫᱮᱭᱟ ᱾ ᱱᱚᱶᱟ ᱢᱟ.ᱱᱦᱟ.ᱱᱤ ᱨᱮᱭᱟᱜ ᱛᱮᱞᱟ ᱨᱩᱣᱟ.ᱲ ᱮᱢ ᱞᱟ.ᱜᱤᱫ ᱜᱮ ᱜᱨᱤᱥ ᱨᱤᱱ ᱡᱚᱛᱚ ᱨᱟᱡᱟ ᱟᱨ ᱵᱤᱨ ᱵᱷᱟᱱᱴᱟ ᱥᱮᱞᱮᱫ ᱠᱟᱛᱮ ᱴᱨᱟᱭ ᱨᱮᱠᱚ ᱡᱷᱟᱯᱴᱟᱣ ᱮᱱᱟ ᱾ ᱴᱨᱟᱭ ᱠᱷᱚᱱ ᱨᱩᱣᱟ.ᱲ ᱚᱠᱛᱚ ᱨᱮ ᱩᱱᱠᱩᱣᱟᱜ ᱡᱟᱦᱟᱡᱽ ᱦᱚᱭ ᱵᱟᱺᱨᱰᱩ ᱨᱮ ᱟ.ᱲᱡᱷᱟ.ᱣ ᱮᱱᱟ ᱾ ᱩᱱᱠᱩ ᱟ.ᱰᱤ ᱫᱤᱱ ᱫᱷᱟ.ᱵᱤᱡ ᱦᱟᱱᱛᱮ ᱱᱷᱟᱛᱮ ᱟ.ᱪᱩᱨ ᱟᱠᱟ ᱠᱚ ᱛᱟᱦᱮᱸ ᱮᱱᱟ ᱾ ᱤᱱᱟ. ᱛᱟᱭᱚᱢ ᱟᱡᱟᱜ ᱫᱤᱥᱚᱢ ᱮ ᱨᱩᱣᱟ.ᱲ ᱮᱱᱟ ᱾
ᱭᱩᱱᱟᱱ (ᱜᱨᱤᱥ) ᱨᱮᱭᱟᱜ ᱚᱠᱛᱚ ᱡᱟ.ᱱᱤ ᱥᱟᱣᱛᱟᱨᱤ, ᱨᱟᱡᱽᱟ.ᱨᱤ, ᱟᱨ ᱫᱷᱚᱨᱚᱢ ᱪᱮᱛᱟᱱ ᱨᱮ ᱵᱟᱰᱟᱭ ᱞᱟ.ᱜᱤᱫ ᱛᱮᱫᱚ ᱢᱤᱫ ᱴᱟ.ᱝ ᱜᱮ ᱵᱷᱚᱨᱥᱟ ᱫᱚᱦᱚᱭ ᱛᱚᱦᱚᱨ ᱞᱮᱠᱟᱛᱮ ᱱᱩᱭᱟᱜ ᱱᱚᱶᱟ ᱵᱟᱨᱭᱟ ᱱᱟᱦᱟᱯᱩᱛᱷᱤ ᱜᱮ ᱧᱟᱢᱚᱜᱼᱟ - ᱤᱞᱤᱭᱚᱰ ᱟᱨ ᱳᱰᱤᱥᱤ ᱾ ᱱᱚᱶᱟ ᱥᱟᱶᱛᱮ ᱟ.ᱰᱤᱜᱟᱱ ᱫᱷᱚᱨᱚᱢ ᱯᱩᱛᱷᱤ ᱚᱞ-ᱛᱚᱞ ᱦᱚᱸ ᱛᱟᱦᱮᱸ ᱠᱟᱱᱟ, ᱟᱫᱚ ᱚᱱᱟ ᱫᱚ ᱤᱱᱟ. ᱛᱟᱭᱚᱢ ᱚᱱᱚᱬᱦᱤᱭᱟ. ᱠᱚᱠᱚ ᱚᱞ-ᱛᱚᱞ ᱟᱠᱟᱜᱼᱟ ᱢᱚᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱜᱼᱟ ᱾ ᱱᱚᱝᱠᱟ ᱦᱚᱸᱠᱚ ᱢᱮᱱᱟ ᱚᱛᱮ, ᱤᱞᱤᱭᱚᱰ ᱟᱨ ᱳᱰᱤᱥᱤ ᱨᱮᱭᱟᱜ ᱮᱛᱚᱦᱚᱵ ᱨᱩᱯ ᱫᱚ ᱥᱮᱨᱮᱧ ᱞᱮᱠᱟ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱟᱨ ᱱᱚᱶᱟ ᱫᱚ ᱩᱱ ᱡᱚᱦᱚᱜ ᱜᱨᱤᱥ ᱨᱮ ᱥᱮᱨᱮᱧ ᱨᱩᱥᱤᱠᱟ ᱠᱚᱠᱚ ᱥᱮᱨᱮᱧ ᱮᱫ ᱛᱟᱦᱮᱸᱫ ᱾ ᱥᱮᱨᱮᱧ ᱡᱚᱦᱚᱜ ᱩᱱᱠᱩ ᱟ.ᱰᱤ ᱜᱟᱱ ᱥᱮᱨᱮᱧ ᱨᱮ ᱯᱚᱲᱛᱟᱜ ᱞᱮᱠᱟᱱ ᱟ.ᱲᱟ. ᱠᱚ ᱥᱮᱞᱮᱫ ᱢᱮᱥᱟ ᱮᱫ ᱛᱟᱦᱮᱸᱱ ᱾ ᱚᱱᱟ ᱠᱷᱟ.ᱛᱤᱨ ᱱᱚᱶᱟ ᱫᱚ ᱯᱩᱨᱟ. ᱞᱮᱠᱟᱛᱮ ᱦᱚᱢᱤᱨᱟᱜ ᱚᱞ-ᱵᱮᱞ ᱥᱩᱢᱩᱝ ᱢᱟᱱᱟᱣ ᱫᱚ ᱵᱟᱝ ᱴᱷᱤᱠᱚᱜ ᱠᱟᱱᱟ ᱾ ᱚᱱᱟ ᱞᱮᱠᱟᱛᱮ ᱩᱱᱠᱩ ᱦᱚᱢᱤᱨ ᱫᱚ ᱡᱟᱦᱟᱸᱭ ᱢᱤᱫ ᱦᱚᱲ ᱫᱚ ᱵᱟᱝᱼᱟ, ᱢᱮᱱ ᱞᱮᱠᱷᱟᱱ ᱯᱩᱨᱟ. ᱞᱮᱠᱟᱛᱮ ᱤᱞᱤᱭᱚᱰ ᱟᱨ ᱳᱰᱤᱥᱤ ᱨᱤᱱ ᱚᱱᱚᱞᱤᱭᱟ. ᱜᱮᱠᱚ ᱢᱟᱱᱟᱣ ᱠᱚᱣᱟ ᱾
This article uses material from the Wikipedia ᱥᱟᱱᱛᱟᱲᱤ article ᱦᱚᱢᱤᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.