ᱥᱚᱢᱵᱤᱫᱷᱟᱱ ᱥᱮ ᱥᱚᱝᱵᱤᱫᱷᱟᱱ(ᱤᱝᱨᱟᱹᱡᱤ ᱛᱮ: Constitution) ᱫᱚ ᱡᱟᱦᱟᱱ ᱥᱟᱥᱚᱱ ᱵᱮᱵᱚᱥᱛᱷᱟ ᱨᱮᱱᱟᱜ ᱜᱮ ᱨᱮᱦᱮᱫ ᱯᱚᱛᱚᱵ ᱥᱮ ᱯᱩᱛᱷᱤ ᱠᱟᱱᱟ᱾ ᱚᱠᱟ ᱨᱮ ᱫᱚ ᱚᱱᱟ ᱥᱟᱥᱚᱱ ᱵᱮᱵᱚᱥᱛᱷᱟ ᱨᱮᱱᱟᱜ ᱱᱤᱭᱚᱢ ᱠᱟᱹᱱᱩᱱ ᱠᱚ ᱚᱞ ᱛᱟᱦᱮᱱᱟ᱾ ᱡᱚᱛᱚ ᱫᱤᱥᱟᱹᱢ ᱞᱟᱜᱤᱫ ᱜᱮ ᱟᱠᱚ ᱞᱮᱠᱟ ᱥᱚᱝᱵᱤᱫᱷᱟᱱ ᱢᱮᱱᱟᱜ ᱛᱟᱠᱚᱣᱟ᱾ ᱚᱱᱰᱮ ᱜᱮ ᱚᱱᱟ ᱫᱤᱥᱟᱹᱢ ᱨᱮᱱ ᱥᱚᱨᱠᱟᱨ ᱪᱟᱞᱟᱣ ᱨᱮᱱᱟᱜ ᱱᱤᱭᱚᱢ, ᱨᱟᱡᱽᱱᱤᱛᱤ ᱨᱮᱱᱟᱜ ᱱᱤᱭᱚᱢ, ᱠᱷᱚᱢᱚᱛᱟ ᱚᱫᱚᱞ ᱵᱚᱫᱚᱞ ᱨᱮᱱᱟᱜ ᱱᱤᱭᱚᱢ, ᱠᱟᱹᱢᱤ ᱟᱨ ᱫᱟᱭᱤᱠᱛᱚ ᱠᱚ ᱨᱮᱱᱟᱜ ᱚᱞ ᱛᱟᱦᱮᱱᱟ᱾ ᱥᱚᱝᱵᱤᱫᱷᱟᱱ ᱨᱮ ᱚᱞᱟᱠᱟᱱ ᱠᱟᱹᱱᱩᱱ ᱠᱚ ᱜᱮ ᱚᱱᱟ ᱫᱤᱥᱟᱹᱢ ᱥᱮ ᱥᱚᱝᱜᱚᱴᱷᱚᱱ ᱨᱮᱱᱟᱜ ᱢᱟᱨᱟᱝ ᱠᱟᱹᱱᱩᱱ ᱠᱟᱱᱟ᱾
ᱥᱚᱝᱵᱤᱫᱷᱟᱱ ᱫᱚ ᱵᱟᱨ ᱞᱮᱠᱟᱛᱮ ᱦᱟᱹᱴᱤᱧᱚᱜᱼᱟ᱾ ᱢᱤᱫ ᱫᱚ ᱚᱞ ᱞᱮᱠᱟᱛᱮ ᱟᱨ ᱢᱤᱫ ᱫᱚ ᱵᱚᱫᱚᱞ ᱥᱮᱡ ᱞᱮᱠᱟᱛᱮ᱾ ᱚᱞ ᱞᱮᱠᱟᱛᱮ ᱥᱚᱝᱵᱤᱫᱷᱟᱱ ᱟᱨᱦᱚᱸ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧᱚᱜᱼᱟ –
᱑᱾ ᱚᱞ ᱥᱚᱝᱵᱤᱫᱷᱟᱱ
᱒᱾ ᱵᱟᱝ ᱚᱞ ᱥᱚᱝᱵᱤᱫᱷᱟᱱ
ᱵᱚᱫᱚᱞ ᱥᱮᱡ ᱞᱮᱠᱟᱛᱮ ᱦᱚᱸ ᱥᱚᱝᱵᱤᱫᱷᱟᱱ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧᱚᱜᱼᱟ –
᱑᱾ ᱵᱚᱫᱚᱞᱚᱜ ᱥᱚᱝᱵᱤᱫᱷᱟᱱ
᱒᱾ ᱵᱟᱝ ᱵᱚᱫᱚᱞᱚᱜ ᱥᱚᱝᱵᱤᱫᱷᱟᱱ
This article uses material from the Wikipedia ᱥᱟᱱᱛᱟᱲᱤ article ᱥᱚᱢᱵᱤᱫᱷᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.