ᱡᱮᱵᱽᱨᱟ (Zebras ( /ˈziːbrə/ ZEE-brə, /ˈzɛbrə/ ZEB-rə)) ᱫᱚ ᱟᱯᱷᱨᱤᱠᱟ ᱫᱤᱥᱚᱢ ᱨᱤᱱ ᱢᱤᱫ ᱞᱮᱠᱟᱱ ᱵᱤᱨ ᱡᱤᱭᱟᱹᱞᱤ ᱠᱟᱱᱟ ᱠᱚ (African) ᱾ ᱱᱩᱠᱩ ᱫᱚ ᱥᱟᱫᱚᱢ ᱜᱷᱟᱨᱚᱡᱽ (equids) ᱨᱤᱱ ᱥᱚᱦᱮᱫ ᱞᱮᱠᱟᱛᱮ ᱠᱚ ᱢᱟᱱᱟᱣ ᱠᱚᱣᱟ ᱟᱨ ᱱᱩᱠᱩᱣᱟᱜ ᱦᱚᱲᱢᱚ ᱨᱮ ᱦᱮᱸᱫᱮ ᱯᱩᱸᱰ ᱜᱟᱨ ᱛᱟᱦᱮᱸᱱ ᱛᱟᱠᱚᱣᱟ ᱾ᱩᱱᱠᱩ ᱫᱚ ᱥᱟᱫᱚᱢ ᱠᱚ ᱞᱮᱠᱟ ᱜᱮ ᱚᱲᱟᱜ ᱠᱚᱨᱮ ᱯᱚᱥᱶᱟ ᱞᱮᱠᱟ ᱛᱮ ᱫᱚ ᱵᱟᱠᱚ ᱛᱟᱦᱮᱸᱱᱟ ᱾
ᱱᱩᱠᱩ ᱫᱚ ᱯᱮ ᱞᱮᱠᱟᱱ ᱠᱚ ᱢᱮᱟᱱᱜ ᱠᱚᱣᱟ : ᱥᱟᱫᱷᱟᱨᱚᱱ ᱡᱮᱵᱽᱨᱟ (plains zebra), ᱢᱟᱶᱱᱴᱮᱱ ᱡᱮᱵᱽᱨᱟ (mountain zebra) ᱟᱨ ᱜᱽᱨᱮᱵᱷᱤᱥ ᱡᱮᱵᱽᱨᱟ (Grévy's zebra) ᱾ ᱥᱟᱫᱷᱟᱨᱚᱱ ᱡᱮᱵᱽᱨᱟ ᱟᱨ ᱢᱟᱶᱱᱴᱮᱱᱡᱮᱵᱽᱨᱟ ᱫᱚ ᱦᱤᱯᱯᱚᱴᱟᱭᱜᱽᱨᱤᱥ (Hippotigris) ᱥᱚᱵᱽ-ᱡᱮᱱᱚᱥ (ᱩᱯᱡᱟᱹᱛ) ᱟᱨ ᱜᱽᱨᱮᱵᱷᱤᱥ ᱡᱮᱵᱽᱨᱟ ᱫᱚ ᱰᱳᱞᱤᱠᱚᱦᱤᱯᱯᱥ ᱥᱚᱵᱽᱡᱮᱱᱚᱥ ᱛᱷᱚᱠ ᱨᱤᱱ ᱡᱤᱭᱟᱹᱞᱤ ᱠᱟᱱᱟ ᱠᱚ ᱾ ᱜᱽᱨᱮᱵᱷᱤᱥ ᱡᱮᱵᱽᱨᱟ ᱟᱜ ᱫᱚ ᱜᱟᱫᱷᱟ (ass) ᱥᱟᱶ ᱜᱩᱱ ᱢᱮᱥᱟ ᱫᱷᱟᱨᱟᱜᱼᱟ, ᱢᱮᱱᱠᱷᱟᱱ ᱥᱟᱫᱷᱟᱨᱚᱱ ᱟᱨ ᱢᱟᱶᱱᱴᱮᱱ ᱡᱮᱵᱽᱨᱟ ᱫᱚ ᱥᱟᱫᱚᱢ ᱥᱟᱶ ᱠᱤᱱ ᱯᱚᱲᱛᱟᱜᱼᱟ ᱜᱩᱱ ᱨᱮ ᱾
ᱱᱩᱠᱩᱣᱟᱜ ᱦᱚᱲᱢᱚ ᱨᱮᱱᱟᱜ ᱜᱟᱨ ᱪᱤᱠᱷᱱᱟᱹ ᱡᱚᱛᱚ ᱡᱤᱭᱟᱹᱞᱤ ᱠᱚᱨᱮ ᱠᱷᱚᱱ ᱵᱷᱮᱜᱟᱨ ᱜᱮᱛᱮ ᱞᱟᱜᱮ ᱠᱚ ᱩᱯᱨᱩᱢᱚᱜᱼᱟ ᱾ ᱱᱩᱠᱩ ᱫᱚ ᱜᱟᱥ ᱛᱟᱥᱟᱫ, ᱵᱩᱨᱩ, ᱱᱟᱹᱭ ᱰᱷᱤᱯ, ᱵᱤᱨ ᱟᱨ ᱡᱟᱹᱱᱩᱢ ᱮᱢᱟᱱ ᱛᱟᱦᱮᱸᱱ ᱴᱷᱟᱶ ᱨᱮ ᱠᱚ ᱛᱟᱦᱮᱸᱱᱟ ᱾ ᱜᱽᱨᱮᱵᱷᱤᱥ ᱟᱨ ᱢᱟᱶᱴᱮᱱ ᱡᱮᱵᱽᱨᱟ ᱫᱚ ᱱᱮᱛᱟᱨ ᱠᱚ ᱟᱫ ᱪᱟᱵᱟᱭᱮᱱᱟ ᱾
ᱥᱟᱫᱷᱟᱨᱚᱱ ᱡᱮᱵᱽᱨᱟ ᱠᱚᱣᱟᱜ ᱩᱥᱩᱞ ᱫᱚ ᱑ᱹ᱒ ᱢᱤᱴᱚᱨ ᱠᱷᱚᱱ ᱑ᱹ᱓ ᱢᱤᱴᱚᱨ ᱜᱟᱱ, ᱡᱤᱞᱤᱧ ᱒ ᱢᱤᱴᱚᱨ ᱠᱷᱚᱱ ᱒ᱹ᱖ ᱢᱤᱴᱚᱨ ᱟᱨ ᱪᱟᱭᱞᱚᱢ ᱫᱚ ᱐ᱹ᱕ ᱢᱤᱴᱚᱨ ᱛᱟᱦᱮᱸᱱᱟ ᱾ ᱱᱩᱠᱩᱣᱟᱜ ᱦᱟᱢᱟᱞ ᱫᱚ ᱓᱕᱐ ᱠᱤᱞᱚᱜᱽᱨᱟᱢ ᱜᱟᱱ ᱟᱨ ᱮᱸᱜᱟ ᱡᱮᱵᱽᱨᱟ ᱠᱚᱣᱟᱜ ᱫᱚ ᱱᱟᱥᱮ ᱠᱚᱢ ᱫᱷᱟᱨᱟ ᱾ ᱢᱟᱶᱱᱴᱮᱱ ᱡᱮᱵᱽᱨᱟ ᱫᱚ ᱦᱟᱢᱟᱞ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱟᱨ ᱜᱽᱨᱮᱵᱷᱤ ᱡᱮᱵᱽᱨᱟ ᱟᱜ ᱦᱟᱢᱟᱞ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾
ᱡᱮᱵᱽᱨᱟ ᱫᱚ ᱜᱟᱥ ᱠᱚ ᱡᱚᱢᱟ ᱟᱨ ᱞᱟᱹᱠᱛᱤ ᱯᱟᱲᱟᱣᱜ ᱠᱷᱟᱱ ᱰᱟᱹᱨ ᱥᱟᱠᱟᱢ, ᱦᱩᱰᱤᱧ ᱦᱩᱰᱤᱧ ᱯᱩᱨ ᱵᱩᱫᱟᱹ ᱮᱢᱟᱱᱟᱜ ᱠᱚ ᱡᱚᱢᱟ ᱾
This article uses material from the Wikipedia ᱥᱟᱱᱛᱟᱲᱤ article ᱡᱮᱵᱽᱨᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.