ᱡᱮᱨᱩᱥᱟᱞᱤᱢ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱧᱩᱛᱩᱢᱟᱱ ᱫᱷᱚᱨᱚᱢ ᱠᱚ ᱠᱷᱟᱹᱛᱤᱨ ᱾ ᱡᱤᱣᱩᱡᱽ ᱠᱚ ᱢᱮᱱᱟ ᱡᱮᱨᱩᱥᱟᱞᱤᱢ ᱫᱚ ᱢᱤᱫ ᱯᱩᱱᱟᱹᱭᱟᱱ ᱴᱷᱟᱶ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱟᱠᱚᱣᱟᱜ ᱫᱷᱚᱨᱚᱢ ᱟᱨ ᱨᱟᱹᱡᱽᱟᱹᱨᱤ ᱛᱟᱞᱢᱟ ᱛᱟᱦᱮᱸᱠᱟᱱᱟ ᱵᱟᱭᱵᱞᱤᱠᱟᱞ ᱚᱠᱛᱚ ᱨᱮ ᱥᱟᱶᱛᱮ ᱚᱸᱰᱮᱜᱮ ᱴᱮᱢᱯᱩᱞ ᱚᱯᱷ ᱜᱚᱰ ᱛᱟᱦᱮᱸᱠᱟᱱᱟ ᱾ ᱠᱤᱨᱤᱥᱛᱟᱱ ᱦᱚᱸ ᱱᱚᱣᱟ ᱫᱚ ᱯᱩᱱᱟᱹᱭᱟᱱ ᱱᱟᱜᱟᱨ ᱠᱚ ᱢᱟᱱᱟᱣᱟ ᱪᱮᱫᱟᱜ ᱥᱮ ᱡᱤᱥᱩᱣᱟᱜ ᱟᱭᱢᱟ ᱜᱷᱚᱴᱚᱱ ᱱᱚᱸᱰᱮ ᱦᱩᱭ ᱞᱮᱱ ᱛᱟᱦᱮᱸᱱ ᱾ ᱛᱩᱲᱩᱠ (ᱢᱩᱥᱞᱤᱢ) ᱠᱚ ᱯᱟᱹᱛᱭᱟᱹᱣᱟ ᱪᱤ ᱯᱨᱚᱯᱷᱮᱴ ᱢᱚᱦᱢᱚᱫᱽ ᱫᱚ ᱱᱚᱸᱰᱮ ᱠᱷᱚᱱ ᱜᱮ ᱥᱚᱨᱚᱜᱽ ᱛᱮᱭ ᱨᱟᱠᱟᱵ ᱞᱮᱱ ᱛᱟᱦᱮᱸᱫ ᱾ ᱤᱥᱨᱟᱭᱮᱞ ᱟᱨ ᱯᱟᱞᱮᱥᱴᱤᱱ ᱦᱚᱸ ᱠᱚ ᱢᱮᱱᱟ ᱪᱤ ᱡᱮᱨᱩᱥᱟᱞ ᱫᱚ ᱟᱠᱚᱣᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱟᱭᱢᱟ ᱫᱤᱥᱚᱢ ᱟᱨ ᱡᱩᱢᱤᱫᱽ ᱯᱚᱱᱚᱛ ᱠᱚ ᱢᱮᱱᱟ ᱪᱤ ᱯᱪᱮ ᱡᱮᱨᱩᱥᱟᱞᱤᱢ ᱫᱚ ᱤᱥᱨᱟᱭᱮᱞ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱟᱨ ᱥᱟᱢᱟᱝ ᱡᱮᱨᱩᱥᱟᱞᱤᱢ ᱫᱤ ᱯᱟᱞᱮᱥᱴᱤᱱ ᱠᱚᱣᱟᱜ ᱢᱮᱱᱛᱮ ᱾ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱚᱠᱟ ᱫᱤᱥᱚᱢ ᱥᱟᱶ ᱦᱚᱸ ᱵᱟᱭ ᱢᱮᱥᱟ ᱞᱮᱱ ᱛᱟᱦᱮᱸᱫ, ᱱᱟᱜᱟᱨ ᱨᱮ ᱨᱟᱭᱵᱟᱨᱤᱭᱟᱹ ᱦᱚᱸ ᱵᱟᱝ ᱠᱚ ᱛᱟᱦᱮᱸᱠᱟᱱᱟ ᱾ ᱟᱭᱢᱟ ᱫᱤᱥᱚᱢ ᱨᱤᱱ ᱨᱟᱭᱵᱟᱨᱤᱭᱟᱹ (embassy) ᱫᱚ ᱛᱮᱞ ᱟᱵᱤᱵᱽ ᱟᱨ ᱨᱟᱢᱟᱞᱟᱦ ᱨᱮ ᱢᱮᱱᱟᱜ ᱠᱚᱣᱟ ᱾ ᱡᱚᱨᱩᱥᱟᱞᱤᱢ ᱫᱚ ᱢᱮᱰᱤᱴᱮᱨᱟᱱᱤᱭᱟᱱ ᱥᱟᱢᱩᱸᱫᱽ ᱠᱷᱚᱱ ᱖᱔ ᱠᱤᱞᱚᱢᱤᱴᱚᱨ ᱜᱟᱱ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱜ-ᱟ ᱾ ᱱᱚᱣᱟ ᱫᱚ ᱵᱩᱨᱩ ᱱᱟᱜᱟᱨ ᱠᱟᱱᱟ ᱥᱟᱶᱛᱮ ᱟᱭᱢᱟ ᱵᱷᱮᱞᱞᱤ ᱠᱚ ᱢᱮᱱᱟᱜ-ᱟ ᱾
ᱡᱮᱨᱩᱥᱟᱞᱤᱢ ᱫᱚ ᱟᱹᱰᱩ ᱢᱟᱨᱮ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱩᱰᱟᱭᱤᱡᱢ, ᱠᱨᱤᱥᱛᱟᱱ ᱟᱨ ᱤᱥᱞᱟᱢ ᱠᱚᱣᱟᱜ ᱞᱟᱹᱠᱛᱤᱭᱟᱱ ᱴᱷᱟᱶ ᱠᱟᱱᱟ ᱾ ᱵᱟᱭᱵᱮᱞ ᱨᱮᱱᱟᱜ ᱢᱮᱱ ᱞᱮᱠᱟᱛᱮ ᱰᱮᱵᱷᱤᱰ ᱫᱚ ᱤᱥᱨᱟᱭᱮᱞ ᱨᱤᱱᱤᱡ ᱫᱚᱥᱟᱨ ᱨᱟᱡᱟᱭ ᱛᱟᱦᱮᱸᱠᱟᱱᱟ, ᱱᱚᱣᱟ ᱱᱟᱜᱟᱨ ᱯᱚᱨᱜᱚᱱᱥ ᱠᱚ ᱠᱷᱚᱱ ᱤᱫᱤ ᱠᱟᱛᱮ ᱟᱡᱟᱜ ᱴᱟᱶᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱨᱟᱡᱟ ᱥᱚᱞᱚᱢᱚᱱ, ᱰᱮᱵᱷᱤᱰᱤᱡ ᱦᱚᱯᱚᱱ ᱟᱨ ᱫᱚᱥᱟᱨ ᱨᱟᱡᱟ ᱴᱮᱢᱯᱩᱞ ᱚᱯᱷ ᱥᱚᱞᱚᱢᱚᱱ ᱠᱤᱱ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱚᱱᱟᱛᱟᱭᱚᱢ ᱡᱩᱰᱟᱣ ᱠᱚᱣᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ , ᱡᱮᱨᱩᱥᱟᱞᱤᱢ ᱫᱚ ᱱᱚᱵᱪᱟᱱᱰᱮᱡᱟᱨ ᱒ ᱮ ᱜᱩᱸᱰᱟ ᱞᱮᱫ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱵᱮᱵᱤᱞᱚᱱ ᱨᱤᱱᱤᱡ ᱨᱟᱡᱟᱭ ᱛᱟᱦᱮᱸᱠᱟᱱᱟ ᱾ ᱨᱟᱡᱟ ᱰᱮᱵᱷᱤᱰᱟᱜ ᱵᱟᱥᱟ ᱟᱨ ᱥᱚᱞᱚᱢᱚᱱ ᱢᱩᱸᱫᱽᱨᱤ ᱫᱚ ᱠᱚ ᱟᱪᱟᱨ ᱠᱮᱫ-ᱟ ᱟᱨ ᱡᱤᱣᱩᱡᱽ ᱱᱚᱣᱟ ᱴᱷᱟᱶ ᱠᱚ ᱟᱢᱮᱴ ᱠᱮᱫ-ᱟ ᱾ ᱚᱱᱟ ᱨᱮᱱᱟᱜ ᱗᱐ ᱥᱮᱨᱢᱟ ᱛᱟᱭᱚᱢ ᱯᱚᱨᱥᱤᱭᱟᱱ ᱨᱤᱱᱤᱡ ᱨᱟᱡᱟ ᱡᱮᱨᱩᱥᱟᱞᱤᱢ ᱨᱩᱣᱟᱹᱲ ᱞᱟᱹᱜᱤᱫ ᱫᱟᱣ~ᱮ ᱮᱢᱟᱫ ᱠᱚᱣᱟ ᱟᱨ ᱫᱚᱲᱦᱟ ᱢᱩᱸᱫᱤᱨ ᱠᱚ ᱵᱮᱱᱟᱣ ᱠᱮᱫ-ᱟ ᱾
ᱡᱮᱨᱩᱥᱟᱞᱤᱢ ᱫᱚ ᱵᱚᱝᱜᱟ ᱵᱳᱨᱳ ᱟᱨ ᱯᱩᱱᱟᱹᱭ ᱴᱷᱟᱶ ᱛᱮ ᱯᱮᱨᱮᱡ ᱟᱠᱟᱱᱟ ᱟᱭᱢᱟ ᱫᱷᱚᱨᱚᱢ ᱨᱮᱱᱟᱜ, ᱡᱮᱢᱚᱱ ᱠᱩᱨᱤᱥᱛᱟᱱ, ᱡᱩᱰᱟᱭᱤᱡᱢ ᱟᱨ ᱤᱥᱞᱟᱢ ᱾
ᱡᱤᱣᱤᱥ ᱠᱚᱣᱟ ᱨᱟᱭᱨᱤᱛ ᱞᱮᱠᱟᱛᱮ, ᱡᱮᱨᱩᱥᱟᱞᱤᱢ ᱨᱮᱜᱮ ᱵᱳᱸᱜᱟ ᱯᱟᱴᱨᱤᱠ ᱟᱵᱽᱨᱟᱦᱟᱢ~ᱮ ᱢᱮᱛᱟᱫ ᱫᱮ ᱛᱟᱦᱮᱸᱫ ᱟᱡᱤᱡ ᱦᱚᱯᱚᱱ ᱟᱭᱡᱟᱠ ᱟᱞᱟᱭ~ᱮ ᱞᱟᱹᱜᱤᱫ ᱾ ᱡᱤᱣᱤᱡᱽ ᱠᱚ ᱢᱩᱸᱫᱤᱨ ᱠᱚ ᱛᱮᱭᱟᱨ ᱠᱮᱫ-ᱟ, ᱚᱱᱠᱟᱛᱮ ᱵᱳᱸᱜᱟ ᱵᱳᱨᱳ ᱨᱳᱱᱟᱜ ᱛᱟᱞᱢᱟ ᱞᱮᱠᱟᱛᱮ ᱛᱟᱦᱮᱸᱭᱮᱱᱟ ᱾
ᱡᱤᱥᱩ~ᱣᱟᱜ ᱟᱭᱢᱟ ᱠᱟᱹᱢᱤ ᱜᱷᱚᱴᱚᱱ ᱠᱚ ᱱᱚᱣᱟ ᱴᱟᱶ ᱨᱮ ᱧᱮᱞᱚᱜ-ᱟ,ᱠᱤᱨᱤᱥᱛᱟ ᱪᱚᱨᱪ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱾ ᱵᱟᱭᱵᱮᱞ ᱞᱮᱠᱟᱛᱮ ᱡᱤᱥᱩ ᱫᱮ ᱡᱮᱨᱩᱥᱟᱞᱩᱢ ᱨᱮᱜᱮ ᱜᱩᱱ ᱵᱤᱨᱫᱟᱹᱭ ᱪᱮᱫ ᱞᱮᱱ ᱛᱟᱦᱮᱸᱫ ᱾ ᱢᱟᱨᱮ ᱱᱟᱜᱟᱨ ᱨᱮᱱᱟᱜ ᱪᱚᱨᱪ ᱫᱚ ᱡᱤᱥᱩ~ᱣᱟᱜ ᱠᱨᱩᱥᱤᱯᱷᱤᱠᱥᱚᱱ (crucifixion) ᱠᱚ ᱢᱮᱛᱟᱜ ᱠᱟᱱᱟ ᱾
ᱡᱮᱨᱩᱥᱟᱞᱤᱢ ᱫᱚ ᱩᱥᱞᱟᱢᱤᱠ ᱠᱚᱣᱟᱜ ᱛᱮᱥᱟᱨ ᱯᱩᱱᱟᱹᱭᱟᱱ ᱱᱟᱜᱟᱨ ᱠᱟᱱᱟ, ᱥᱟᱣᱫᱤ ᱟᱨᱚᱵᱽ ᱨᱮᱱᱟᱜ ᱢᱮᱠᱠᱟ ᱟᱨ ᱢᱮᱰᱤᱱᱟ ᱛᱟᱭᱚᱢ ᱾ ᱢᱩᱥᱞᱤᱢ ᱠᱚᱣᱟᱜ ᱨᱟᱭᱨᱤᱛ ᱞᱮᱠᱟᱛᱮ, ᱯᱨᱚᱯᱷᱮᱴ ᱢᱚᱦᱢᱚᱫᱽ ᱫᱚ ᱡᱮᱨᱩᱥᱟᱞᱤᱢ ᱫᱚ ᱠᱤᱵᱽᱞᱟ (qibla) ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱫ-ᱟ, ᱡᱟᱦᱟᱸ ᱥᱮᱫ ᱢᱩᱥᱞᱤᱢ ᱠᱚ ᱚᱦᱬᱮ ᱡᱚᱠᱷᱚᱡ ᱠᱚ ᱥᱟᱢᱟᱝ~ᱮᱫ-ᱟ ᱾ ᱢᱮᱱᱠᱷᱟᱱ ᱚᱱᱟᱛᱟᱭᱚᱢ ᱟᱡ ᱨᱤᱱ ᱯᱟᱸᱡᱟᱭᱤᱭᱟᱹ ᱠᱚ ᱢᱮᱠᱠᱟ ᱥᱮᱫ ᱥᱟᱢᱟᱝ ᱞᱟᱹᱜᱤᱫ~ᱮ ᱢᱮᱛᱟᱫ ᱠᱚ ᱛᱟᱦᱮᱸᱫ ᱾
ᱡᱮᱨᱩᱥᱟᱞᱤᱢ ᱨᱮᱱᱟᱫ ᱛᱷᱟᱯᱱᱟᱣ (architecture) ᱫᱚ ᱢᱟᱨᱮ ᱱᱟᱶᱟ ᱨᱮᱱᱟᱜ ᱢᱮᱥᱟ ᱥᱟᱱᱟ ᱜᱮᱭᱟ ᱾ ᱢᱟᱨᱮ ᱱᱟᱜᱟᱨ ᱫᱚ ᱟᱹᱰᱤ ᱥᱮᱫᱟᱭ ᱱᱟᱜᱟᱢ ᱠᱷᱚᱱ ᱛᱷᱟᱯᱱᱟᱣ ᱫᱟᱹᱭᱠᱟᱹ ᱞᱮᱠᱟᱛᱮ ᱜᱮ ᱢᱮᱱᱟᱜ-ᱟ ᱾ ᱟᱭᱢᱟ ᱥᱮᱫᱟᱭ ᱱᱟᱜᱟᱢᱟᱱᱟᱜ ᱴᱷᱟᱶ ᱟᱨ ᱵᱳᱸᱜᱟ ᱛᱷᱟᱱ ᱠᱚ ᱱᱮᱛᱟᱨ ᱦᱟᱴ ᱛᱟᱞᱢᱟ ᱟᱨ ᱠᱟᱹᱨᱜᱟᱲ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱑᱘᱐᱐ ᱛᱟᱭᱚᱢ ᱟᱨ ᱑᱙᱐᱐ ᱥᱟᱞᱮ ᱢᱟᱬᱟᱝ ᱨᱮᱱᱟᱜ ᱛᱷᱟᱯᱱᱟᱣ ᱠᱚ ᱫᱚ ᱤᱣᱨᱚᱯᱤᱭᱟᱱ ᱨᱮᱱᱟᱜ ᱵᱨᱚᱵᱷᱟᱵᱽ ᱠᱟᱱᱟ ᱢᱮᱱᱛᱮ ᱧᱮᱞᱚᱜ-ᱟ ᱾ ᱟᱭᱢᱟ ᱵᱤᱞᱰᱤᱝ ᱢᱟᱨᱮ ᱟᱨ ᱱᱟᱣᱟ, ᱵᱟᱨᱦᱮ ᱯᱟᱴᱷᱟ ᱫᱚ ᱢᱤᱫᱩᱜ ᱜᱮᱭᱟ ᱪᱮᱫᱟᱜ ᱥᱮ ᱠᱨᱤᱢ ᱨᱚᱝᱟᱱ ᱫᱷᱤᱨᱤ ᱛᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱡᱮᱨᱩᱥᱟᱞᱤᱢ ᱫᱷᱨᱤᱨᱤ ᱠᱚ ᱢᱮᱛᱟᱜ ᱠᱟᱱᱟ ᱾
The Status of Jerusalem, United Nations document related to the recent dispute over Jerusalem
This article uses material from the Wikipedia ᱥᱟᱱᱛᱟᱲᱤ article ᱡᱮᱨᱩᱥᱟᱞᱤᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.