ᱳᱰᱤᱥᱟ ᱡᱟᱢᱰᱤ, ᱵᱟᱫᱟᱢᱯᱟᱦᱟᱰ
ᱡᱟᱢᱰᱤ ᱵᱟᱝᱢᱟ ᱡᱟᱢᱩᱰᱤᱦᱤ (ᱤᱝᱞᱤᱥ ᱺ Jamudihi) ᱫᱚ ᱢᱤᱫ ᱦᱩᱰᱤᱧ ᱟᱹᱛᱩ ᱠᱟᱱᱟ, ᱡᱟᱦᱟᱸ ᱫᱚ ᱠᱩᱥᱩᱢᱤ (ᱵᱟᱫᱟᱢᱯᱟᱦᱟᱰ) ᱵᱚᱱᱚᱛ (block), ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱳᱰᱤᱥᱟ ᱯᱚᱱᱚᱛ ᱥᱤᱧᱚᱛ ᱫᱤᱥᱚᱢ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱟᱹᱛᱩ ᱫᱚ ᱥᱟᱱᱛᱟᱲ ᱛᱮ ᱡᱟᱢᱰᱤ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱒᱐᱑᱑ ᱥᱟᱹᱦᱤᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱙᱗ ᱜᱷᱟᱨᱚᱸᱡᱽ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱕᱑᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱟᱹᱫᱽ ᱠᱷᱚᱱ ᱒᱕᱔ ᱜᱚᱴᱟᱝ ᱠᱩᱲᱤ ᱟᱨ ᱒᱖᱑ ᱜᱚᱴᱟᱝ ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ ᱾
ᱰᱮᱢᱚᱜᱽᱨᱟᱯᱷᱤᱠ
ᱥᱤᱧᱚᱛ ᱫᱤᱥᱚᱢ ᱒᱐᱑᱑ ᱥᱟᱹᱦᱤᱛ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱟᱹᱛᱩ ᱨᱮ ᱕᱑᱕ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱟᱹᱫᱽ ᱨᱮ ᱖᱗ ᱦᱚᱲ ᱫᱚ ᱐-᱖ ᱥᱮᱨᱢᱟ ᱵᱚᱭᱚᱥ ᱨᱤᱱ, ᱡᱟᱦᱟᱸ ᱫᱚ ᱜᱩᱴ ᱦᱚᱲ ᱮᱞ ᱨᱤᱱ ᱑᱓ᱹ᱐᱑᱗% ᱠᱚ ᱦᱩᱭᱩᱜ ᱠᱟᱱᱟ ᱾ ᱱᱚᱸᱰᱮ ᱠᱚ ᱛᱟᱦᱮᱸᱱ ᱠᱟᱱ ᱦᱚᱲ ᱢᱟᱹᱫᱽ ᱠᱷᱚᱱ ᱒᱕᱔ ᱜᱚᱴᱟᱝ ᱠᱩᱲᱤ ᱟᱨ ᱒᱖᱑ ᱜᱚᱴᱟᱝ ᱠᱚᱲᱟ ᱢᱮᱱᱟᱜ ᱠᱚᱣᱟ ᱾ ᱚᱱᱠᱟᱛᱮ ᱜᱷᱩᱸᱴ ᱡᱟᱱᱟᱝ ᱡᱟᱹᱱᱤ (Average Sex Ratio) ᱫᱚ ᱙᱗᱓, ᱡᱟᱦᱟᱸ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱜᱷᱩᱸᱴ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ (Child Sex Ratio) ᱫᱚ ᱙᱗᱓, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ ᱙᱗᱙ ᱠᱷᱚᱱ ᱠᱚᱢ ᱜᱮᱭᱟ ᱾ ᱡᱟᱢᱰᱤ ᱟᱹᱛᱩ ᱨᱮ ᱥᱤᱠᱷᱱᱟᱹᱛ ᱫᱚᱨ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱫᱚᱨ ᱠᱷᱚᱱ ᱠᱚᱢ ᱜᱮᱭᱟ ᱾ ᱒᱐᱑᱑ ᱥᱟᱹᱦᱤᱛ ᱨᱮ ᱥᱤᱠᱷᱟᱱᱟᱹᱛ ᱫᱚᱨ ᱫᱚ ᱖᱔ᱹ᱐᱖% ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱟᱹᱫᱽ ᱨᱮ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱕ᱹ᱘᱘%, ᱢᱮᱱᱠᱷᱟᱱ ᱠᱩᱲᱤ ᱠᱚᱣᱟᱜ ᱫᱚ ᱕᱑ᱹ᱘᱒ % ᱾
ᱪᱟᱪᱞᱟᱣ
ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ (constitution of India) ᱟᱨ ᱯᱚᱧᱪᱟᱭᱚᱛᱤ ᱨᱟᱡᱽ ᱠᱟᱹᱱᱩᱱ (Panchyati Raaj Act) ᱞᱮᱠᱟᱛᱮ ᱱᱚᱶᱟ ᱟᱹᱛᱩ ᱫᱚ ᱥᱚᱨᱯᱚᱧᱪ (Sarpanch) ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱᱟ ᱾ ᱥᱟᱶᱛᱮ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱨᱟᱭᱨᱤᱛ ᱞᱮᱠᱟᱛᱮ ᱡᱚᱜᱽ ᱢᱟᱹᱡᱷᱤ ᱟᱪᱟᱨ ᱵᱤᱪᱟᱹᱨ ᱠᱚ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱱᱚᱶᱟ ᱟᱹᱛᱩ ᱨᱮᱱᱟᱜ ᱜᱽᱨᱟᱢ ᱯᱚᱧᱪᱟᱭᱚᱛ ᱫᱚ ᱡᱚᱨᱫᱟ (ᱡᱩᱨᱫᱷᱟ) ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱟᱹᱛᱩ ᱫᱚ ᱵᱟᱫᱟᱢᱯᱟᱦᱟᱰ ᱛᱷᱟᱱᱟ ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾
ᱥᱮᱪᱮᱫ
ᱥᱮᱪᱮᱫᱚᱜ ᱞᱟᱹᱜᱤᱫ ᱛᱮ ᱱᱚᱶᱟ ᱟᱹᱛᱩ ᱨᱮ ᱥᱚᱨᱠᱟᱨᱤ ᱯᱨᱟᱭᱢᱮᱨᱤ ᱟᱥᱲᱟ ᱢᱮᱱᱟᱜᱼᱟ ᱾ ᱟᱹᱛᱩ ᱠᱷᱚᱱᱟᱜ ᱱᱟᱥᱮ ᱥᱟᱺᱜᱤᱧ ᱨᱮ ᱛᱟᱱᱟᱞᱟ ᱩᱥᱩᱞ ᱵᱤᱨᱫᱟᱹᱜᱟᱲ ᱢᱩᱦᱩᱞᱰᱷᱤᱭᱟᱹ (ᱢᱚᱦᱩᱞᱰᱤᱦᱟ) ᱟᱨ ᱵᱟᱫᱟᱢᱯᱟᱦᱟᱰ ᱨᱮ ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱯᱨᱟᱭᱵᱷᱮᱴ ᱤᱸᱡᱤᱱᱤᱭᱟᱹᱨᱤᱝ ᱠᱚᱞᱮᱡᱽ ᱫᱚ ᱡᱷᱟᱨᱯᱚᱠᱷᱚᱨᱤᱭᱟ ᱨᱮ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱡᱟᱢᱰᱤ, ᱵᱟᱫᱟᱢᱯᱟᱦᱟᱰ (ᱳᱰᱤᱥᱟ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.