ᱡᱟᱢᱟᱞᱯᱩᱨ ᱵᱚᱱᱚᱛ
ᱡᱟᱢᱟᱞᱯᱩᱨ ᱫᱚ ᱢᱤᱫ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱟᱱᱟ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱥᱚᱫᱚᱨ ᱮᱛᱚᱢ ᱡᱚᱜᱚ ᱠᱷᱚᱸᱰ ᱨᱮ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱠᱷᱚᱸᱰᱮ ᱵᱮᱱᱟᱣᱟ ᱾
| ᱡᱟᱢᱟᱞᱯᱩᱨ | |
|---|---|
| ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ | |
.svg) ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ | |
| Coordinates: 23°04′00″N 87°59′00″E / 23.06667°N 87.98333°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱝᱞᱟ |
| ᱦᱚᱱᱚᱛ | ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱵᱚᱨᱫᱷᱚᱢᱟᱱ ᱥᱟᱢᱟᱝ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱡᱟᱢᱟᱞᱯᱩᱨ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | ᱑᱐᱑.᱕᱕ ᱜᱟᱺᱴ ᱢᱟᱭᱤᱞ (᱒᱖᱓.᱐᱒ ᱠᱤᱢᱤ২) |
| ᱩᱥᱩᱞ | ᱖᱙ ᱯᱷᱩᱴ (᱒᱑ ᱢᱤᱴᱚᱨ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱖᱖,᱓᱓᱘ |
| • ᱰᱮᱱᱥᱤᱴᱤ | ᱒,᱖᱐᱐/ᱜᱟᱺᱴ ᱢᱟᱹᱭᱤᱞ (᱑,᱐᱐᱐/ᱠᱤᱢᱤ᱒) |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱑᱓᱔᱐᱘ (ᱡᱟᱢᱟᱞᱯᱩᱨ) ᱗᱑᱓᱑᱖᱖ (ᱡᱚᱣᱜᱨᱟᱢ) ᱗᱑᱓᱔᱐᱔ (ᱠᱚᱪᱚᱫᱤᱜᱷᱤ) ᱗᱑᱓᱔᱐᱑ (ᱚᱡᱷᱟᱯᱩᱨ) |
| ᱴᱮᱞᱤᱯᱷᱚᱱ/STD ᱠᱳᱰ | ᱐᱓᱒᱑᱓ |
| ᱜᱟᱹᱰᱤ ᱨᱤᱡᱤᱥᱴᱨᱤ | WB-37,WB-38,WB-41,WB-42,WB-44 |
| ᱥᱤᱠᱷᱱᱟᱹᱛ ᱫᱚᱨ | ᱗᱔.᱐᱘ ᱥᱟᱭᱠᱚᱲᱟ |
| ᱣᱮᱵᱽᱥᱟᱭᱤᱴ | http://purbabardhaman.gov.in/ |
ᱚᱛᱱᱚᱜ
ᱴᱷᱟᱶ
ᱡᱟᱢᱟᱞᱯᱩᱨ 23°04′00″N 87°59′00″E / 23.066667°N 87.983333°E ᱨᱮ ᱢᱮᱱᱟᱜᱼᱟ ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱫᱚ ᱠᱷᱚᱱᱰᱚᱜᱷᱳᱥ ᱴᱟᱺᱰᱤ ᱨᱮᱱᱟᱜ ᱴᱷᱟᱶ ᱠᱟᱱᱟ, ᱱᱚᱣᱟ ᱫᱚ ᱦᱚᱱᱚᱛ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱫᱟᱢᱚᱫᱚᱨ ᱴᱚᱴᱷᱟ ᱞᱮᱠᱟᱛᱮ ᱞᱤᱸᱜᱤᱱᱟ ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱚᱧᱮ ᱨᱮ ᱢᱮᱢᱟᱨᱤ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱥᱟᱢᱟᱝ ᱟᱨ ᱮᱛᱚᱢ ᱨᱮ ᱦᱩᱜᱽᱞᱤ ᱦᱚᱱᱚᱛ ᱨᱮ ᱫᱷᱚᱱᱤᱭᱟᱠᱷᱟᱞᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱯᱟᱪᱮ ᱨᱮ ᱨᱟᱭᱱᱟ ᱑ ᱟᱨ ᱨᱟᱭᱱᱟ ᱒ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱒᱖᱓.᱐᱒ ᱠᱤᱞᱚᱢᱤᱴᱚᱨ᱒ ᱢᱮᱱᱟᱜᱼᱟ ᱾ ᱱᱚᱸᱰᱮ ᱢᱤᱫᱴᱟᱹᱝ ᱯᱟᱸᱪᱟᱭᱟᱛ ᱥᱟᱢᱤᱛᱤ, ᱑᱓ ᱜᱚᱴᱟᱝ ᱜᱨᱟᱢ ᱯᱟᱸᱪᱟᱭᱟᱛ, ᱒᱐᱕ ᱜᱚᱴᱟᱝ ᱜᱨᱟᱢ ᱥᱚᱸᱥᱚᱫᱽ (ᱟᱹᱛᱩ ᱵᱟᱹᱭᱥᱤ), ᱑᱒᱓ ᱜᱚᱴᱟᱝ ᱢᱚᱣᱡᱟ ᱟᱨ ᱑᱒᱑ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ᱾ ᱡᱟᱢᱟᱞᱯᱩᱨ ᱯᱩᱞᱤᱥ ᱥᱴᱮᱥᱚᱱ ᱫᱚ ᱱᱚᱣᱟ ᱵᱚᱱᱚᱛ ᱨᱮ ᱠᱟᱹᱢᱤᱭᱟ ᱾ ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱡᱟᱢᱟᱞᱯᱩᱨ ᱨᱮ ᱢᱮᱱᱟᱜᱼᱟ ᱾
ᱡᱟᱢᱟᱞᱯᱩᱨ ᱵᱚᱱᱚᱛ/ᱯᱚᱸᱪᱟᱭᱚᱛ ᱥᱟᱢᱤᱛᱤ ᱨᱮᱱᱟᱜ ᱜᱨᱟᱢ ᱯᱚᱸᱪᱟᱭᱚᱛ ᱠᱚ ᱢᱮᱱᱟᱜᱼᱟ: ᱟᱵᱩᱡᱷᱟᱛᱤ ᱑, ᱟᱵᱩᱡᱷᱟᱜᱤ ᱒, ᱚᱡᱷᱟᱯᱩᱨ, ᱵᱮᱨᱩᱜᱨᱟᱢ, ᱪᱚᱠᱚᱫᱤᱜᱷᱤ, ᱡᱟᱢᱟᱞᱯᱩᱨ ᱑, ᱡᱟᱢᱟᱞᱯᱩᱨ ᱒, ᱡᱟᱨᱳᱜᱨᱟᱢ, ᱡᱚᱣᱜᱨᱟᱢ, ᱡᱳᱛᱥᱨᱤᱨᱟᱢ, ᱯᱚᱸᱪᱨᱟ, ᱯᱚᱨᱛᱟᱞ ᱑ ᱟᱨ ᱯᱚᱨᱛᱟᱞ ᱒ ᱾
ᱦᱚᱲ ᱞᱮᱠᱷᱟ
ᱦᱚᱲ ᱮᱞ
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱟᱢᱞᱟᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱒᱖᱖,᱓᱓᱘ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱱᱩᱠᱩ ᱫᱚ ᱟᱹᱛᱩ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱑᱓᱔,᱔᱒᱙ (᱕᱑%) ᱠᱚᱲᱟ ᱟᱨ ᱑᱓᱑,᱘᱐᱙ (᱔᱙%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱫᱚ ᱒᱗,᱗᱓᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱫᱚ ᱙᱖,᱐᱙᱗ (᱓᱖.᱐᱘%) ᱟᱨ ᱟᱹᱫᱤᱵᱟᱹᱥᱤ ᱫᱚ ᱔᱐,᱔᱓᱒ (᱑᱕.᱑᱘%) ᱦᱚᱲ ᱢᱮᱱᱟᱜ ᱠᱚᱣᱟ ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱟᱨᱟᱝ ᱟᱹᱛᱩ ᱠᱚ (᱔,᱐᱐᱐+ ᱦᱚᱲ ᱮᱞ ᱟᱜ) ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱢᱟᱥᱟᱜᱨᱟᱢ (᱔,᱓᱑᱐), ᱨᱩᱯᱯᱩᱨ (᱖,᱘᱖᱖), ᱱᱚᱵᱟᱜᱨᱟᱢ (᱖,᱒᱙᱘), ᱚᱡᱷᱟᱯᱩᱨ (᱘,᱕᱐᱒), ᱥᱮᱞᱤᱭᱟᱵᱟᱫᱽ (᱕,᱔᱙᱑), ᱵᱚᱞᱨᱟᱢᱯᱩᱨ (᱕,᱔᱙᱐), ᱠᱚᱞᱮᱨᱟ (᱖,᱒᱓᱖), ᱥᱟᱦᱦᱳᱥᱮᱱᱯᱩᱨ (᱔,᱒᱐᱙), ᱥᱩᱨᱟ (᱖,᱓᱘᱔), ᱯᱨᱚᱬᱵᱚᱞᱞᱚᱵᱷᱯᱩᱨ (᱔,᱒᱗᱐), ᱟᱵᱩᱡᱷᱟᱛᱤ (᱔,᱖᱑᱑), ᱚᱢᱨᱟ (᱖,᱐᱓᱘), ᱡᱚᱣᱜᱨᱟᱢ (᱑᱑,᱔᱒᱑) ᱟᱨ ᱠᱩᱞᱤᱝᱜᱨᱟᱢ (᱗,᱗᱓᱐) ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱮᱴᱟᱜ ᱟᱹᱛᱩ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱵᱮᱨᱩᱜᱨᱟᱢ (᱒,᱕᱒᱐), ᱡᱳᱛᱥᱨᱤᱨᱟᱢ (᱑,᱗᱘᱐), ᱯᱚᱨᱛᱟᱞ (᱒,᱑᱘᱙), ᱪᱚᱠᱚᱫᱤᱜᱷᱤ (᱑,᱘᱓᱓), ᱜᱳᱯᱤᱠᱟᱸᱛᱯᱩᱨ (᱒,᱓᱘᱑) ᱾
ᱥᱤᱠᱷᱱᱟᱹᱛ
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱑᱗᱖,᱗᱕᱖ ᱜᱚᱴᱟᱝ (᱗᱔.᱐᱘%) ᱥᱤᱠᱷᱱᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱙᱗,᱑᱗᱒ (᱘᱐.᱖᱒%) ᱠᱚᱲᱟ ᱟᱨ ᱗᱙,᱕᱘᱔ (᱖᱗.᱔᱑%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱵᱷᱮᱜᱟᱨ (ᱛᱤᱨᱞᱟᱹ ᱟᱨ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱛᱟᱞᱟ ᱨᱮ ᱵᱷᱮᱜᱟᱨ) ᱫᱚ ᱑᱓.᱒᱑% ᱛᱟᱦᱮᱸ ᱠᱟᱱᱟ ᱾
ᱯᱟᱹᱨᱥᱤ ᱟᱨ ᱫᱷᱚᱨᱚᱢ
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱒᱑᱕,᱔᱐᱑ ᱜᱚᱴᱟᱝ ᱦᱤᱱᱫᱩ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱩᱱᱠᱩᱣᱟᱜ ᱦᱚᱲ ᱮᱞ ᱫᱚ ᱘᱐.᱘᱘% ᱛᱟᱦᱮᱸ ᱠᱟᱱᱟ ᱾ ᱢᱩᱥᱞᱤᱢ ᱫᱚ ᱔᱔,᱘᱖᱖ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱑᱖.᱘᱕% ᱛᱟᱦᱮᱸ ᱠᱟᱱᱟ ᱾ ᱤᱥᱟᱹᱭ ᱫᱚ ᱓᱒᱑ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱐.᱑᱒% ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱫᱚ ᱕,᱗᱕᱐ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱫᱚ ᱒.᱑᱖% ᱛᱟᱦᱮᱸ ᱠᱟᱱᱟ ᱾
ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮ ᱦᱤᱱᱫᱩ ᱦᱚᱲ ᱮᱞ ᱟᱜ ᱥᱟᱭᱠᱚᱲᱟ ᱫᱚ ᱑᱙᱖᱑ ᱥᱟᱞ ᱨᱮ ᱘᱔.᱓% ᱠᱷᱚᱱ ᱜᱷᱟᱴᱟᱣ ᱠᱟᱛᱮ ᱒᱐᱑᱑ ᱥᱟᱞ ᱨᱮ ᱗᱗.᱙% ᱦᱩᱭ ᱮᱱᱟ ᱟᱨ ᱢᱩᱥᱞᱤᱢ ᱦᱚᱲ ᱮᱞ ᱟᱜ ᱥᱟᱭᱠᱚᱲᱟ ᱫᱚ ᱑᱙᱖᱑ ᱥᱟᱞ ᱨᱮ ᱑᱕.᱒% ᱠᱷᱚᱱ ᱵᱟᱲᱦᱟᱣ ᱠᱟᱛᱮ ᱒᱐᱑᱑ ᱥᱟᱞ ᱨᱮ ᱒᱐.᱗% ᱦᱩᱭ ᱮᱱᱟ ᱾
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱘᱙.᱖᱖% ᱫᱚ ᱵᱟᱝᱞᱟ ᱟᱨ ᱙.᱒᱔% ᱫᱚ ᱥᱟᱱᱛᱟᱲᱤ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱮᱫ ᱛᱟᱦᱮᱸᱫ ᱾
ᱠᱟᱹᱣᱰᱤ ᱟᱹᱨᱤ
ᱵᱮᱸᱠᱤᱝ
᱒᱐᱑᱓-᱑᱔ ᱥᱟᱞ ᱨᱮ, ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱗ ᱜᱚᱴᱟᱝ ᱵᱮᱯᱟᱨ ᱵᱮᱸᱠ ᱟᱨ ᱢᱚᱬᱮ ᱜᱚᱴᱟᱝ ᱜᱨᱟᱢᱤᱬ ᱵᱮᱸᱠ ᱨᱮᱱᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ ᱾
ᱦᱮᱡ ᱥᱮᱱ
ᱪᱷᱟᱸᱪ:ᱵᱟᱸᱠᱩᱲᱟ-ᱢᱟᱥᱟᱜᱨᱟᱢ ᱞᱟᱭᱤᱱ ᱪᱷᱟᱸᱪ:ᱦᱟᱵᱽᱲᱟ-ᱵᱚᱨᱫᱷᱚᱢᱟᱱ ᱠᱚᱨᱰ
ᱦᱟᱵᱽᱲᱟ-ᱵᱚᱨᱫᱷᱚᱢᱟᱱ-ᱠᱚᱨᱰ ᱫᱚ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱟᱨ ᱢᱟᱥᱟᱜᱨᱟᱢ ᱟᱨ ᱱᱚᱵᱟᱜᱨᱟᱢ ᱨᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾
ᱵᱟᱸᱠᱩᱲᱟ-ᱢᱟᱥᱟᱜᱨᱟᱢ ᱞᱟᱭᱤᱱ ᱨᱮ ᱵᱟᱸᱠᱩᱲᱟ ᱟᱨ ᱢᱟᱥᱟᱜᱨᱟᱢ ᱛᱟᱞᱟ ᱨᱮ ᱰᱮᱢᱩ ᱥᱮᱵᱟ ᱢᱮᱱᱟᱜᱼᱟ ᱾ ᱫᱟᱢᱚᱫᱚᱨ ᱜᱟᱰᱟ ᱯᱟᱨᱚᱢ ᱢᱟᱲᱟᱝ ᱛᱮ, ᱜᱨᱟᱢᱢᱚᱥᱚᱜᱨᱟᱢ, ᱦᱚᱵᱟᱥᱯᱩᱨ ᱟᱨ ᱜᱨᱟᱢᱫᱟᱫᱽᱯᱩᱨ ᱫᱚ ᱱᱚᱣᱟ ᱞᱟᱭᱤᱱ ᱨᱮ ᱥᱴᱮᱥᱚᱱ ᱫᱚ ᱢᱮᱱᱟᱜᱼᱟ ᱾
ᱠᱚᱞᱠᱟᱛᱟ-ᱫᱤᱞᱞᱤ ᱮᱱᱹᱮᱪ ᱑᱙ (ᱢᱟᱨᱮ ᱮᱞ ᱮᱱ.ᱮᱪ ᱒) ᱫᱚ ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱾
ᱯᱚᱱᱚᱛ ᱨᱟᱡᱽᱰᱟᱦᱟᱨ ᱑᱕ ᱨᱮᱱᱟᱜ ᱢᱮᱢᱟᱨᱤ-ᱛᱟᱨᱠᱮᱥᱚᱨ ᱥᱮᱠᱴᱟᱨ ᱫᱚ ᱫᱮᱭᱱᱦᱟᱴ (ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮ) ᱠᱷᱚᱱ ᱜᱚᱰᱤᱭᱟᱨᱟ (ᱦᱟᱵᱽᱲᱟ ᱦᱚᱱᱚᱛ ᱨᱮ) ᱫᱷᱟᱹᱨᱤᱡ ᱪᱟᱞᱟᱜᱟᱜᱼᱟ, ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱞᱮᱠᱟᱛᱮ ᱥᱮᱱᱚᱜᱼᱟ ᱟᱨ ᱢᱟᱥᱟᱜᱨᱟᱢ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ ᱫᱚ ᱯᱟᱨᱚᱢᱟ ᱾
ᱥᱮᱪᱮᱫ
᱒᱐᱑᱓-᱑᱔ ᱥᱟᱞ ᱨᱮ, ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱑᱖᱗ ᱜᱚᱴᱟᱝ ᱯᱨᱟᱭᱢᱮᱨᱤ ᱤᱥᱠᱩᱞ ᱨᱮ ᱑᱓,᱑᱗᱒ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱗ ᱜᱚᱴᱟᱝ ᱛᱟᱱᱟᱞᱟ ᱟᱥᱲᱟ ᱨᱮ ᱖᱗᱗ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱑᱒ ᱜᱚᱴᱟᱝ ᱩᱱᱩᱥᱩᱞ ᱟᱥᱲᱟ ᱨᱮ ᱗,᱔᱐᱖ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱑᱑ ᱜᱚᱴᱟᱝ ᱩᱱᱩᱥᱩᱞ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱨᱮ ᱑᱐,᱖᱑᱙ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾
ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ, ᱑᱒᱑ ᱜᱚᱴᱟᱝ ᱟᱹᱛᱩ ᱠᱷᱚᱱ ᱯᱮᱭᱟ ᱟᱹᱛᱩ ᱨᱮ ᱤᱥᱠᱩᱞ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ, ᱕᱖ ᱟᱹᱛᱩ ᱨᱮ ᱵᱟᱨᱭᱟ ᱟᱨᱵᱟᱝ ᱰᱮᱦᱮᱨ ᱯᱨᱟᱭᱢᱮᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ, ᱔᱗ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱟᱨ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱓᱓ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫᱴᱟᱹᱝ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ ᱾
ᱡᱟᱢᱟᱞᱯᱩᱨ ᱢᱟᱦᱟᱵᱤᱫᱽᱭᱟᱞᱚᱭ ᱨᱮᱱᱟᱜ ᱛᱷᱟᱯᱚᱱ ᱫᱚ ᱒᱐᱑᱐ ᱥᱟᱞ ᱨᱮ ᱡᱟᱢᱟᱞᱯᱩᱨ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱨᱟᱫᱷᱟ ᱜᱚᱵᱤᱱᱫᱟ ᱵᱤ ᱮᱰ ᱴᱤᱪᱟᱨ ᱴᱨᱮᱱᱤᱝ ᱠᱚᱞᱮᱡᱽ ᱨᱮᱱᱟᱜ ᱛᱷᱟᱯᱚᱱ ᱫᱚ ᱡᱷᱚᱯᱟᱝᱰᱚᱝᱜᱟ, ᱯᱤ ᱳ ᱠᱮᱳᱛᱟᱨᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱦᱚᱲᱢᱚ ᱥᱟᱶᱟᱨ
᱒᱐᱑᱔ ᱥᱟᱞ ᱨᱮ, ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱤᱫᱴᱟᱹᱝ ᱵᱚᱱᱚᱛ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ, ᱯᱩᱱᱭᱟᱹ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱟᱨ ᱯᱮᱭᱟ ᱱᱤᱡᱮ ᱟᱥᱯᱟᱛᱟᱞ ᱚᱲᱟᱜ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱜᱩᱴ ᱙᱘ ᱵᱮᱰ ᱟᱨ ᱘ ᱜᱚᱴᱟᱝ ᱰᱚᱠᱴᱚᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱓᱘ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱡᱚᱜᱚ ᱛᱟᱞᱢᱟ ᱟᱨ ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾
ᱡᱟᱢᱟᱞᱯᱩᱨ ᱨᱮ ᱡᱟᱢᱟᱞᱯᱩᱨ ᱜᱨᱟᱢᱤᱬ ᱟᱥᱯᱟᱛᱟᱞ (᱓᱐ ᱵᱮᱰ ᱟᱜ) ᱫᱚ ᱡᱟᱢᱟᱞᱯᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱩᱬ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱪᱚᱠᱚᱫᱤᱜᱷᱤ (᱑᱐ ᱵᱮᱰ ᱟᱜ), ᱪᱚᱠᱥᱚᱢᱚᱱᱡᱚᱨᱤ (᱑᱐ ᱵᱮᱰ ᱟᱜ), ᱤᱞᱟᱥᱳᱨᱟ (᱔ ᱵᱮᱰ ᱟᱜ) ᱟᱨ ᱱᱚᱵᱟᱜᱨᱟᱢ (᱔ ᱵᱮᱰ ᱟᱜ) ᱨᱮ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
This article uses material from the Wikipedia ᱥᱟᱱᱛᱟᱲᱤ article ᱡᱟᱢᱟᱞᱯᱩᱨ ᱵᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.