ᱡᱚᱜᱽᱡᱤᱛ ᱠᱚᱣᱨ
ᱡᱚᱜᱽᱡᱤᱛ ᱠᱚᱣᱨ ᱫᱚ ᱦᱤᱱᱫᱤ ᱯᱷᱤᱞᱤᱢ ᱡᱮᱜᱮᱛ ᱨᱤᱱᱤᱡ ᱢᱩᱫ ᱧᱩᱛᱩᱢᱟᱱ ᱨᱩ~ᱚᱨᱚᱝᱤᱭᱟᱹ ᱠᱷᱚᱭᱭᱟᱢ ᱤᱡ ᱫᱷᱚᱨᱚᱢ ᱮᱨᱟ ᱟᱨ ᱟᱡ ᱦᱚᱸ ᱢᱤᱫ ᱧᱩᱛᱩᱢᱟᱱ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱡᱚᱜᱽᱡᱤᱛ ᱠᱚᱣᱨ ᱫᱚ ᱠᱷᱚᱭᱭᱟᱢ ᱦᱚᱛᱮᱛᱮ ᱨᱩ~ ᱥᱮᱨᱮᱧ ᱮ ᱥᱮᱬᱟ ᱠᱮᱫ-ᱟ ᱾ ᱦᱚᱲ ᱥᱮᱨᱮᱧ, ᱫᱷᱚᱨᱚᱢ ᱥᱮᱨᱮᱧ ᱟᱨ ᱜᱚᱡᱚᱞ ᱥᱮᱨᱮᱧ ᱠᱚᱭ ᱥᱮᱨᱮᱧ ᱞᱮᱠᱟᱛᱮ ᱦᱚᱲ ᱴᱷᱮᱱ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱑᱙᱕᱐ ᱨᱮᱱᱟᱜ ᱫᱚᱥᱚᱠ ᱨᱮ ᱩᱱᱤ ᱫᱚ ᱯᱷᱤᱞᱤᱢ ᱞᱟᱹᱜᱤᱫ ᱥᱮᱨᱮᱧ ᱮ ᱮᱛᱚᱦᱚᱵ ᱠᱮᱫ-ᱟ ᱟᱨ ᱑᱙᱘᱐ ᱫᱷᱟᱹᱵᱤᱡ ᱞᱮᱛᱟᱲ ᱥᱤᱱᱮ ᱡᱮᱜᱮᱛ ᱥᱟᱶ ᱡᱩᱲᱟᱹᱭ ᱠᱟᱛᱮᱭ ᱛᱟᱦᱮᱸ ᱮᱱᱟ ᱾ ᱠᱷᱚᱭᱟᱢ ᱦᱚᱛᱮᱛᱮ ᱥᱮᱨᱮᱧ ᱠᱚᱢᱯᱳᱡᱽ ᱟᱠᱟᱱ ᱯᱷᱤᱞᱤᱢ ᱥᱚᱜᱩᱱ ᱨᱮᱱᱟᱜ ᱦᱤᱴ ᱥᱮᱨᱮᱧ - ᱛᱩᱢ ᱟᱯᱱᱟ ᱨᱚᱸᱡᱳ ᱜᱚᱢ ᱟᱯᱱᱤ ᱯᱚᱨᱤᱥᱟᱱᱤ ᱢᱩᱡᱷᱮ ᱫᱮ ᱫᱚ ...
ᱡᱚᱜᱽᱡᱤᱛ ᱠᱚᱣᱨ ᱦᱚᱛᱮᱛᱮ ᱥᱮᱨᱮᱧ ᱟᱠᱟᱫ ᱥᱟᱱᱫᱟᱨ ᱥᱮᱨᱮᱧ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱡᱚᱜᱽᱡᱤᱛ ᱠᱚᱣᱨ ᱦᱚᱛᱮᱛᱮ ᱥᱮᱨᱮᱧ ᱟᱠᱟᱫ ᱵᱟᱹᱲᱛᱤ ᱥᱮᱨᱮᱧ ᱫᱚ ᱦᱚᱲ ᱥᱮᱨᱮᱧ ᱪᱮᱛᱟᱱ ᱨᱮ ᱟᱫᱷᱟᱨᱤᱛ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱫᱚ ᱱᱮᱛᱟᱨ ᱦᱚᱸ ᱟᱸᱡᱚᱢᱮᱫ ᱦᱚᱲ ᱠᱚᱣᱟᱜ ᱩᱭᱦᱟᱹᱨ ᱨᱮᱫᱚ ᱵᱟᱥᱟ ᱠᱟᱛᱮ ᱛᱟᱦᱮᱸᱱᱟ ᱾
| ᱡᱚᱜᱽᱡᱤᱛ ᱠᱚᱣᱨ | |
|---|---|
 ᱒᱐᱑᱖ ᱨᱮ ᱡᱚᱜᱽᱡᱤᱛ ᱠᱚᱣᱨ | |
| ᱵᱤᱵᱚᱨᱚᱱ | |
| ᱡᱟᱱᱟᱢ | 1930/1931 (age ᱞᱟᱹᱭᱟᱜ ᱦᱩᱲᱟᱹᱜ : ᱵᱟᱝᱩᱭᱦᱟᱹᱨ < ᱠᱟᱹᱢᱤᱭᱟᱹ ᱾–ᱞᱟᱹᱭᱟᱜ ᱦᱩᱲᱟᱹᱜ : ᱵᱟᱝᱩᱭᱦᱟᱹᱨ < ᱠᱟᱹᱢᱤᱭᱟᱹ ᱾) |
| ᱢᱩᱬ | ᱯᱚᱧᱡᱟᱵᱽ, ᱥᱤᱧᱚᱛ |
| ᱡᱮᱱᱨᱮᱥ | ᱯᱷᱚᱞᱠ, ᱜᱷᱟᱡᱚᱞ, ᱯᱞᱮᱵᱮᱠ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ |
| ᱵᱟᱡᱽᱱᱟ | Vocals |
| ᱠᱟᱹᱢᱤ ᱚᱠᱛᱚ | ᱑᱙᱕᱐-᱑᱙᱙᱐ |
ᱮᱛᱚᱦᱚᱵ ᱡᱤᱭᱚᱱ
ᱡᱚᱜᱽᱡᱤᱛ ᱠᱚᱣᱨ ᱟᱜ ᱡᱟᱱᱟᱢ ᱫᱚ ᱑᱙᱓᱐-᱓᱑ ᱨᱮᱱᱟᱜ ᱥᱩᱨᱥᱩᱯᱩᱨ ᱪᱚᱱᱰᱤᱜᱚᱰ (ᱯᱚᱧᱡᱟᱵᱽ) ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱟᱨ ᱢᱟᱱᱟᱣ ᱵᱟᱛᱟᱣᱟᱱ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱯᱷᱤᱞᱤᱢ ᱨᱮ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱨᱮᱱᱟᱜ ᱠᱩᱠᱢᱩ ᱤᱫᱤ ᱠᱟᱛᱮ ᱡᱚᱜᱽᱡᱤᱛ ᱠᱚᱣᱨ ᱫᱚ ᱢᱩᱢᱵᱟᱭ ᱮ ᱦᱮᱡ ᱮᱱᱟ ᱾ ᱱᱚᱶᱟ ᱫᱚ ᱑᱙᱕᱔ ᱥᱟᱞᱮ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱢᱤᱫ ᱫᱤᱱ ᱢᱩᱢᱵᱟᱭ ᱨᱮᱱᱟᱜ ᱫᱟᱫᱚᱨ ᱥᱴᱮᱥᱚᱱ ᱨᱮᱱᱟᱜ ᱳᱵᱷᱚᱨ ᱵᱽᱨᱤᱡᱽ ᱪᱮᱛᱟᱱ ᱨᱮ ᱡᱚᱜᱽᱡᱤᱛ ᱠᱚᱣᱨ ᱱᱚᱝᱠᱟᱭ ᱟᱹᱭᱠᱟᱹᱣ ᱠᱮᱫ-ᱟ ᱫᱚ ᱚᱠᱚᱭ ᱪᱚᱝ ᱩᱱᱤᱭ ᱯᱟᱸᱡᱟ ᱟᱠᱟᱫᱮᱭᱟ ᱾ ᱩᱱᱤ ᱥᱚᱱᱛᱚᱨ ᱠᱟᱛᱮ ᱟᱞᱟᱨᱢ ᱵᱟᱡᱟᱣ ᱜᱮ ᱥᱟᱱᱟ ᱮ ᱠᱟᱱ ᱛᱟᱦᱮᱸᱱ ᱤᱠᱷᱟᱹᱱ ᱩᱱᱤ ᱦᱚᱲ ᱥᱮᱴᱮᱨ ᱠᱟᱛᱮ ᱟᱡᱟᱜ ᱩᱯᱨᱩᱢ ᱯᱷᱤᱞᱤᱢ ᱨᱮᱱᱤᱡ ᱨᱩ~ᱚᱨᱚᱝᱤᱭᱟᱹ ᱞᱮᱠᱟᱛᱮᱭ ᱮᱢ ᱠᱮᱫ-ᱟ ᱾ ᱩᱱᱤ ᱦᱚᱲ ᱫᱚᱭ ᱛᱟᱦᱮᱸ ᱠᱟᱱᱟ ᱧᱩᱛᱩᱢᱟᱱ ᱨᱩ~ᱚᱨᱚᱝᱤᱭᱟᱹ ᱢᱳ. ᱡᱚᱦᱩᱨ ᱠᱷᱚᱭᱭᱟᱢ ᱡᱟᱦᱟᱸᱭ ᱫᱚ ᱛᱮᱦᱮᱧ ᱫᱩᱱᱤᱭᱟᱹ ᱠᱷᱚᱭᱭᱟᱢ ᱥᱟᱦᱮᱵᱽ ᱧᱩᱛᱩᱢ ᱛᱮᱭ ᱵᱟᱰᱟᱭ ᱟᱨᱵᱟᱝ ᱩᱨᱩᱢ ᱮᱭᱟ ᱾
ᱵᱟᱱᱟ ᱦᱚᱲᱟᱜ ᱱᱚᱶᱟ ᱧᱮᱯᱮᱞ ᱧᱟᱯᱟᱢ ᱫᱚ ᱡᱚᱴᱟᱣ ᱨᱮ ᱟᱹᱨᱩ ᱮᱱᱟ ᱟᱨ ᱡᱚᱜᱽᱡᱤᱛ ᱠᱚᱣᱨ ᱟᱡ ᱵᱟᱵᱟ ᱟᱜ ᱵᱤᱨᱩᱫᱷ ᱛᱟᱭᱚᱢ ᱦᱚᱸ ᱵᱟᱱᱟ ᱦᱚᱲ ᱵᱟᱯᱞᱟ ᱥᱟᱹᱜᱟᱹᱭ ᱛᱮ ᱠᱤᱱ ᱛᱚᱞ ᱢᱤᱫ ᱮᱱᱟ ᱾ ᱢᱮᱱ ᱟᱠᱚ ᱫᱚ ᱚᱛᱮ ᱱᱩᱠᱤᱱ ᱵᱟᱱᱟ ᱦᱚᱲᱟᱜ ᱵᱟᱯᱞᱟ ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱤᱢ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱤᱱᱴᱚᱨᱠᱟᱥᱴ ᱵᱟᱯᱞᱟ ᱛᱟᱦᱮᱸ ᱠᱟᱱᱟ ᱾ ᱑᱙᱕᱔ ᱥᱟᱞᱮ ᱨᱮ ᱮᱛᱚᱦᱚᱵ ᱮᱱ ᱱᱚᱶᱟ ᱫᱩᱞᱟᱹᱲ ᱠᱟᱹᱦᱱᱤ (᱑᱙ ᱚᱜᱚᱥᱴ ᱒᱐᱑᱙ )ᱠᱷᱚᱭᱟᱢ ᱥᱟᱦᱮᱵᱽ ᱟᱜ ᱜᱩᱨᱚᱜ ᱫᱷᱟᱹᱵᱤᱡ ᱡᱩᱲᱟᱹᱭ ᱨᱮ ᱞᱮᱛᱟᱲ ᱛᱟᱦᱮᱸ ᱠᱟᱱᱟ ᱾
ᱛᱤᱱᱟᱹᱝ ᱜᱟᱱ ᱨᱳᱸᱪᱟᱱ ᱠᱟᱛᱷᱟ
᱑. ᱡᱚᱜᱽᱡᱤᱛ ᱠᱚᱣᱨ ᱫᱚ ᱠᱷᱚᱭᱭᱟᱢ ᱥᱟᱦᱮᱵᱽ ᱮ ᱜᱚᱲᱚ ᱥᱚᱦᱚᱫ ᱟᱭ ᱞᱟᱹᱜᱤᱫ ᱩᱱᱤᱭᱟᱜ ᱫᱷᱩᱱ ᱨᱮ ᱟᱡᱟᱜ ᱟᱲᱟᱝ ᱢᱟᱭ ᱮᱢ ᱟᱠᱟᱣᱟᱫ ᱜᱮᱭᱟ, ᱩᱱᱤ ᱠᱚᱢᱯᱳᱡᱤᱝ ᱨᱮᱦᱚᱸᱭ ᱜᱚᱲᱚ ᱟᱭ ᱛᱟᱦᱮᱸᱫ ᱾ᱠᱷᱚᱭᱭᱟᱢ ᱥᱟᱦᱮᱵᱽ ᱮ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱡᱮ ᱱᱚᱶᱟ ᱨᱮᱱᱟᱜ ᱥᱟᱨᱦᱟᱣ ᱫᱚ ᱟᱡ ᱦᱚᱸᱭ ᱧᱟᱢ ᱢᱟ ᱟᱨ ᱩᱱᱤ ᱧᱩᱛᱩᱢ ᱦᱚᱸ ᱮᱢᱟᱦᱟᱭ ᱥᱟᱱᱟ ᱮ ᱠᱟᱱ ᱛᱟᱦᱮᱸᱫ - ᱠᱷᱚᱭᱭᱟᱢ-ᱡᱚᱜᱽᱡᱤᱛ ᱠᱚᱣᱨ, ᱤᱠᱷᱟᱹᱱ ᱡᱚᱜᱽᱡᱤᱛ ᱠᱚᱣᱨ ᱫᱚ ᱱᱚᱶᱟ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱟᱡ ᱡᱟᱶᱟᱭ ᱵᱤᱱ ᱧᱩᱛᱩᱢ ᱛᱮᱜᱮ ᱜᱚᱲᱚ ᱟᱠᱟᱭ ᱛᱟᱦᱮᱸ ᱮᱱᱟ ᱾
᱒. ᱡᱚᱜᱽᱡᱤᱛ ᱠᱚᱣᱨ ᱫᱚ ᱡᱚᱛᱚ ᱚᱱᱟ ᱯᱷᱤᱞᱤᱢ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱥᱮᱨᱮᱧ ᱮ ᱥᱮᱨᱮᱧ ᱠᱮᱫ-ᱟ ᱡᱟᱦᱟᱸ ᱨᱮᱱᱟᱜ ᱠᱚᱢᱯᱳᱡᱤᱝ ᱫᱚ ᱠᱷᱚᱭᱭᱟᱢ ᱥᱟᱦᱮᱵᱽ ᱮ ᱮᱢ ᱟᱠᱟᱫ-ᱟ ᱾
᱓. ᱠᱚᱢᱟᱞ ᱟᱢᱨᱳᱦᱤ ᱟᱡᱟᱜ ᱰᱨᱤᱢ ᱯᱨᱚᱡᱮᱠᱴ ᱯᱟᱠᱤᱡᱟ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱟᱨ ᱯᱷᱤᱞᱤᱢ ᱯᱩᱨᱟᱹᱣ ᱥᱟᱹᱛ ᱨᱮ ᱟᱹᱰᱤ ᱜᱟᱱ ᱚᱠᱛᱚ ᱞᱟᱜᱟᱣᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱ ᱟᱠᱚ ᱫᱚ ᱚᱱᱟ ᱚᱠᱛᱚ ᱨᱮ ᱡᱚᱜᱽᱡᱤᱛ ᱠᱚᱣᱨ ᱫᱚ ᱩᱱᱤᱭ ᱩᱫᱽᱜᱟᱹᱣ ᱠᱮᱫᱮᱭᱟ ᱟᱨ ᱯᱷᱤᱞᱤᱢ ᱯᱩᱨᱟᱹᱣ ᱦᱚᱪᱚᱭ ᱞᱟᱹᱜᱤᱫ ᱩᱱᱤᱭᱟᱜ ᱟᱹᱰᱤ ᱜᱮ ᱫᱟᱢᱟᱱ ᱴᱷᱟᱶ ᱛᱟᱦᱮᱸ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱡᱚᱜᱽᱡᱤᱛ ᱠᱚᱣᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.