ᱦᱟᱱᱥ ᱠᱨᱤᱥᱴᱤᱭᱟᱱ ᱟᱱᱰᱤᱨᱥᱮᱱ (/ˈændərsən/; Danish: (᱒ ᱮᱯᱨᱤᱞ ᱑᱘᱐᱕ᱼ ᱔ ᱚᱜᱚᱥᱴ ᱑᱘᱗᱕), ᱫᱚ ᱢᱤᱫ ᱰᱟᱱᱤᱥ ᱚᱱᱚᱞᱤᱭᱟᱹ ᱠᱟᱱᱟᱭ ᱥᱠᱟᱱᱰᱤᱵᱷᱤᱭᱟᱱ ᱨᱮ ᱮᱪ ᱪᱥᱤ ᱟᱱᱰᱤᱨᱥᱮᱱ ᱞᱮᱠᱟ ᱛᱮᱦᱚᱸ ᱠᱚ ᱧᱩᱢ ᱮᱭᱟ ᱾ ᱟᱱᱰᱤᱨᱥᱮᱱ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱵᱚᱸᱜᱟ ᱠᱩᱲᱤ ᱠᱟᱹᱦᱱᱤ ᱞᱟᱹᱜᱤᱫ ᱡᱟᱥᱛᱤ ᱠᱚ ᱩᱭᱦᱟᱹᱨ ᱮᱭᱟ ᱾ ᱮᱱ ᱨᱮ ᱦᱚᱸ ᱟᱡᱟᱜ ᱠᱟᱹᱦᱱᱤ ᱥᱟᱱᱟᱢ ᱩᱢᱮᱨ ᱥᱟᱶ ᱡᱟᱹᱛᱤᱭᱟᱹᱨᱤ ᱨᱮᱱᱟᱜ ᱠᱟᱛᱷᱟ ᱦᱚᱸᱭ ᱯᱷᱚᱴᱮᱞ ᱨᱟᱠᱟᱵ ᱛᱟᱦᱮᱸᱫ ᱾ ᱟᱱᱰᱤᱨᱥᱮᱱ ᱟᱜ ᱵᱚᱸᱜᱟ ᱠᱩᱲᱤ ᱠᱟᱹᱦᱱᱤ ᱡᱟᱦᱟᱸᱫᱚ ᱓᱓᱘᱑ ᱠᱷᱚᱱ ᱠᱚᱢ ᱜᱮᱭᱟ ᱚᱱᱟᱠᱚ ᱑᱒᱕ ᱯᱟᱹᱨᱥᱤ ᱛᱮ ᱚᱱᱩᱵᱟᱫᱽ ᱟᱠᱟᱱᱟ ᱾ ᱟᱡᱟᱜ ᱟᱭᱢᱟ ᱠᱟᱹᱦᱱᱤ ᱯᱟᱪᱮ ᱫᱤᱥᱚᱢ ᱨᱮ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱟᱞᱟᱜᱟ ᱛᱮ ᱧᱟᱢᱚᱜᱼᱟ ᱾ ᱟᱡᱟᱜ ᱠᱟᱹᱦᱱᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱡᱟᱦᱟᱸ ᱛᱤᱱᱟᱹᱜ ᱨᱟᱹᱥᱠᱟ ᱥᱮᱬᱟ ᱠᱚ ᱞᱟᱹᱜᱤᱫ ᱮᱴᱠᱮᱴᱚᱬᱮ ᱨᱮ ᱥᱩᱢᱵᱷᱨᱟᱹᱣ ᱟᱨ ᱪᱮᱛᱱᱟᱣ ᱨᱮᱱᱟᱜ ᱥᱮᱪᱮᱫ ᱮ ᱮᱢᱚᱜᱼᱟ ᱾ ᱟᱡᱟᱜ ᱧᱩᱛᱩᱢᱟᱱ ᱠᱟᱹᱦᱱᱤ ᱠᱚ ᱦᱩᱭᱩᱜ ᱠᱟᱱᱟ The Emperor's New Clothes, The Little Mermaid, The Nightingale, The Snow Queen, The Ugly Duckling, Thumbelina, ᱟᱨ ᱦᱚᱸ ᱟᱭᱢᱟ ᱱᱚᱸᱠᱟᱱᱟᱜ ᱜᱮ ᱚᱞ ᱟᱠᱟᱫᱼᱟᱭ ᱾ ᱟᱡᱟᱜ ᱠᱟᱹᱦᱱᱤ ᱛᱮ ᱟᱹᱰᱤᱜᱟᱱ ᱯᱷᱤᱞᱢ ᱠᱟᱨᱴᱩᱱ ᱠᱷᱮᱞ ᱠᱚ ᱦᱚᱸ ᱵᱮᱨᱮᱫ ᱟᱠᱟᱱᱟ ᱾ ᱠᱳᱯᱮᱱᱦᱮᱜᱟᱱ ᱨᱮᱱᱟᱜ ᱢᱤᱫ ᱵᱷᱤᱲ ᱟᱨ ᱚᱥᱟᱨ ᱦᱚᱨ ᱮᱪ ᱥᱤ ᱟᱱᱰᱤᱨᱥᱮᱱ ᱰᱟᱦᱟᱨ ᱢᱮᱱᱛᱮᱫ ᱠᱚ ᱧᱩᱛᱩᱢ ᱟᱠᱟᱫᱼᱟ ᱾
ᱦᱟᱱᱥ ᱠᱤᱨᱤᱥᱴᱤᱭᱟᱱ ᱟᱱᱰᱤᱨᱮᱱ ᱫᱚ ᱒ ᱮᱯᱨᱤᱞ ᱑᱘᱐᱕ ᱥᱟᱞ ᱨᱮ ᱰᱮᱱᱢᱟᱨᱠ ᱨᱮᱱᱟᱜ ᱳᱰᱮᱱ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱱᱰᱤᱨᱥᱮᱱ ᱮᱠᱞᱟ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱦᱚᱸ ᱦᱟᱱᱥ ᱟᱡ ᱦᱟᱱᱥ ᱠᱤᱨᱤᱥᱴᱤᱭᱟᱱ ᱟᱨᱚᱵᱤᱭᱟᱱ ᱱᱟᱭᱤᱴᱥ ᱠᱟᱹᱦᱱᱤ ᱥᱟᱞᱟᱜ ᱮ ᱩᱯᱩᱨᱩᱢ ᱠᱮᱫᱮᱭᱟ ᱾
ᱟᱱᱰᱤᱨᱥᱮᱱ ᱟᱡ ᱟᱭᱳ ᱟᱱᱤ ᱢᱟᱨᱤ ᱟᱱᱰᱤᱨᱮᱥᱰᱮᱴᱚᱨ ᱫᱚ ᱢᱩᱨᱩᱠ ᱮ ᱛᱟᱦᱮᱸ ᱠᱟᱱᱟ ᱟᱨ ᱫᱷᱩᱵᱤ ᱛᱟᱦᱮᱸ ᱠᱟᱱᱟᱭ ᱾ ᱑᱘᱑᱖ ᱨᱮ ᱟᱡ ᱡᱟᱶᱟᱭ ᱜᱚᱡ ᱮᱱ ᱛᱟᱭᱚᱢ ᱑᱘᱑᱘ ᱨᱮ ᱫᱚᱦᱲᱟᱭ ᱡᱟᱶᱟᱭ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱟᱱᱰᱤᱨᱥᱮᱱ ᱫᱚ ᱨᱮᱸᱜᱮᱡ ᱜᱤᱫᱽᱨᱟᱹ ᱞᱟᱹᱜᱤᱫ ᱢᱮᱱᱟᱜ ᱢᱤᱫ ᱟᱥᱲᱟ ᱨᱮ ᱠᱚ ᱵᱷᱩᱨᱛᱤ ᱠᱮᱫᱮᱭᱟ ᱾ ᱚᱱᱟ ᱟᱥᱲᱟ ᱨᱮ ᱟᱡ ᱟᱡᱟᱜ ᱯᱚᱲᱦᱚᱱ ᱨᱮᱱᱟᱜ ᱢᱩᱲᱩᱛ ᱥᱤᱠᱷᱱᱟᱹᱛ ᱮ ᱧᱟᱢ ᱠᱮᱫᱼᱟ ᱥᱟᱶᱛᱮ ᱟᱡ ᱟᱹᱥᱩᱞᱚᱜ ᱞᱟᱹᱜᱤᱫ ᱞᱩᱜᱲᱤ ᱛᱮᱧ ᱟᱨ ᱥᱤᱞᱟᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱑᱔ ᱥᱟᱞ ᱩᱢᱮᱨ ᱨᱮ ᱠᱳᱯᱮᱱᱦᱮᱜᱟᱱ ᱛᱮ ᱪᱟᱹᱠᱨᱤ ᱯᱟᱸᱡᱟᱭ ᱪᱟᱞᱟᱣ ᱮᱱᱟ, ᱟᱨ ᱵᱟᱰᱚᱦᱤ ᱠᱟᱹᱢᱤ ᱮᱛᱚᱦᱚᱵ ᱠᱮᱫᱼᱟᱭ ᱾ ᱟᱡᱟᱜ ᱥᱚᱨᱮᱥ ᱟᱲᱟᱝ ᱠᱷᱟᱹᱛᱤᱨ ᱨᱚᱭᱟᱞ ᱰᱟᱱᱤᱥ ᱛᱷᱤᱭᱴᱚᱨ ᱨᱮ ᱥᱮᱞᱮᱫ ᱮᱱᱟᱭ ᱾ ᱤᱠᱷᱟᱹᱱ ᱠᱷᱟᱹᱴᱚ ᱫᱤᱱ ᱛᱟᱭᱚᱢ ᱟᱡᱟᱜ ᱟᱲᱟᱝ ᱵᱟᱹᱲᱤᱡ ᱮᱱᱟ ᱾ ᱟᱡ ᱥᱟᱶ ᱛᱷᱤᱭᱮᱴᱚᱨ ᱨᱮ ᱠᱟᱹᱢᱤ ᱠᱟᱱ ᱡᱚᱴᱟᱣ ᱟᱡ ᱟᱱᱦᱚᱬᱤᱭᱟᱹ ᱞᱮᱠᱟᱭ ᱵᱷᱟᱵᱤ ᱮ ᱠᱟᱱᱟᱭ ᱢᱮᱱ ᱛᱮᱫ ᱮ ᱢᱮᱛᱟ ᱟᱫᱮᱭᱟ ᱾ ᱤᱱᱟᱹ ᱛᱟᱭᱚᱢ ᱚᱱᱦᱚᱬᱮ ᱚᱞ ᱨᱮ ᱟᱹᱰᱤ ᱜᱮ ᱢᱚᱱᱮ ᱠᱮᱫᱼᱟ ᱾
ᱟᱡᱟᱜ ᱟᱹᱰᱤ ᱟᱬᱜᱟᱛ ᱵᱚᱸᱜᱟ ᱠᱩᱲᱤ ᱠᱟᱹᱦᱟᱱᱤ "The Tallow Candle" (Danish: Tællelyset) ᱡᱟᱦᱟᱸ ᱑᱘᱒᱐ ᱨᱮ ᱚᱞ ᱞᱮᱱ ᱛᱟᱦᱮᱸᱫ ᱟᱨ ᱚᱠᱴᱳᱵᱚᱨ ᱒᱐᱑᱒ ᱨᱮ ᱢᱤᱫ ᱰᱟᱱᱤᱥ ᱟᱨᱠᱟᱭᱤᱵ ᱨᱮ ᱧᱟᱢ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱠᱟᱹᱦᱱᱤ ᱨᱮ ᱢᱤᱫ ᱢᱚᱦᱚᱢ ᱵᱟᱹᱛᱤ ᱤᱫᱤ ᱠᱟᱛᱮᱫ ᱚᱞ ᱞᱮᱱᱟ ᱚᱱᱟᱨᱮ ᱚᱱᱟ ᱵᱟᱹᱛᱤ ᱵᱷᱟᱹᱵᱤᱛᱳᱜ ᱠᱟᱱᱟᱭ ᱥᱟᱨᱦᱟᱣ ᱵᱟᱭ ᱧᱟᱢ ᱮᱫᱼᱟ ᱾ ᱱᱤᱭᱟᱹ ᱚᱠᱛᱚ ᱫᱚ ᱟᱱᱰᱤᱨᱥᱮᱱ ᱤᱥᱠᱩᱞ ᱨᱮ ᱜᱮ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱑᱘᱒᱙ ᱨᱮ ᱟᱱᱰᱤᱨᱥᱮᱱ ᱟᱹᱰᱤᱜᱟᱱ ᱟᱡᱟᱜ ᱠᱷᱟᱴᱚ ᱠᱟᱹᱦᱱᱤ "A Journey on Foot from Holmen's Canal to the East Point of Amager" ᱟᱹᱰᱤᱜᱟᱱ ᱧᱩᱛᱩᱢ ᱮ ᱟᱢᱮᱴ ᱟᱱ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱟᱱᱰᱤᱨᱥᱮᱱ, ᱦᱟᱱᱥ ᱠᱨᱤᱥᱴᱤᱭᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.