ᱟᱯᱷᱜᱟᱱᱤᱥᱛᱟᱱ (/æfˈɡænɪstæn, -ɡɑːnɪstɑːn/ (listen); Pashto/Dari: افغانستان, Pashto: Afġānistān , Dari: Afġānestān ) ᱫᱚ ᱮᱛᱚᱢ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱹᱝ ᱫᱤᱥᱚᱢ ᱠᱟᱱᱟ ᱾ ᱟᱯᱷᱜᱟᱱᱤᱥᱛᱟᱱ ᱫᱚ ᱤᱨᱟᱱ, ᱯᱟᱠᱤᱥᱛᱟᱱ, ᱪᱤᱱ, ᱛᱟᱡᱤᱠᱤᱥᱛᱟᱱ, ᱩᱡᱽᱵᱮᱠᱤᱥᱛᱟᱱ ᱟᱨ ᱛᱩᱨᱠᱢᱮᱱᱤᱥᱛᱟᱱ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾
᱕᱐᱐᱐᱐ ᱦᱟᱡᱟᱨ ᱥᱮᱨᱢᱟ ᱞᱟᱦᱟᱨᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱪᱟᱥᱟᱵᱟᱫᱽ ᱦᱚᱲ ᱜᱮ ᱱᱚᱸᱰᱮᱱ ᱨᱤᱱ ᱢᱟᱨᱮ ᱦᱚᱲ ᱠᱟᱱᱟ ᱠᱚ ᱾ ᱱᱩᱠᱩ ᱦᱚᱲ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱟᱨᱡᱚ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱠᱚ ᱫᱚ ᱤᱨᱟᱱ ᱟᱨ ᱥᱤᱧᱚᱛ ᱨᱮ ᱠᱚ ᱚᱲᱟᱜ ᱫᱩᱣᱟᱹᱨ ᱠᱟᱛᱮ ᱛᱟᱦᱮᱱ ᱠᱚ ᱫᱷᱩᱨᱟᱹᱣ ᱞᱮᱱᱟ ᱾ ᱩᱱ ᱡᱚᱠᱷᱚᱡ ᱱᱚᱣᱟ ᱡᱟᱜᱟ ᱫᱚ ᱟᱨᱤᱭᱟᱱᱟ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾
ᱟᱯᱷᱜᱟᱱᱤᱥᱛᱟᱱ ᱩᱛᱟᱹᱨ ᱥᱤᱢᱟᱹᱱᱟᱨᱮ ᱛᱩᱨᱠᱢᱮᱱᱤᱥᱛᱟᱱ, ᱩᱡᱽᱵᱮᱠᱤᱥᱛᱟᱱ ᱟᱨ ᱛᱟᱡᱤᱠᱤᱥᱛᱟᱱ, ᱥᱟᱢᱟᱝ ᱥᱮᱡ ᱫᱚ ᱪᱤᱱ ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱢᱢᱩ ᱟᱨ ᱠᱟᱹᱥᱢᱤᱨ, ᱮᱛᱚᱢ ᱥᱮᱡ ᱯᱟᱠᱤᱥᱛᱟᱱ ᱟᱨ ᱯᱟᱪᱮ ᱥᱮᱡ ᱤᱨᱟᱱ ᱢᱮᱱᱟᱜᱼᱟ ᱾ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ ᱖᱕᱒,᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱒᱕᱒,᱐᱐᱐ ᱜᱟᱺᱴ ᱢᱤᱞ) ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱡᱟᱹᱥᱛᱤ ᱵᱷᱟᱜᱽ ᱜᱮ ᱵᱩᱨᱩ ᱠᱟᱱᱟ ᱾ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱟᱨᱫᱷᱮᱠ ᱚᱛ ᱦᱟᱥᱟᱜᱮ ᱫᱚᱨᱮᱭᱟ ᱠᱷᱚᱱ ᱒᱐᱐᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾
ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱫᱤᱥᱚᱢ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱯᱳᱥᱛᱩ ᱟᱨ ᱫᱟᱨᱤ ᱾ ᱱᱚᱣᱟ ᱵᱟᱨᱮᱭᱟ ᱵᱟᱫᱽ ᱠᱟᱛᱮ ᱦᱚᱸ ᱟᱭᱢᱟ ᱯᱟᱹᱨᱥᱤ ᱨᱮᱱ ᱦᱚᱲ ᱱᱚᱸᱰᱮ ᱢᱮᱱᱟᱜ ᱠᱚᱣᱟ ᱾ ᱒᱐᱐᱔ ᱥᱮᱨᱢᱟ ᱠᱷᱚᱱ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱯᱟᱹᱨᱥᱤ ᱟᱨ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱠᱚᱣᱟᱜ ᱯᱟᱹᱨᱥᱤ ᱟᱨ ᱟᱹᱨᱤᱪᱟᱹᱞᱤ ᱵᱟᱱᱪᱟᱣ ᱫᱚᱦᱚ ᱞᱟᱹᱜᱤᱛ ᱟᱹᱭᱤᱱ ᱠᱟᱹᱱᱩᱱ ᱛᱮᱭᱟᱨ ᱟᱠᱟᱱᱟ ᱾ ᱯᱳᱥᱛᱩᱱ ᱫᱚ ᱤᱱᱫᱳ-ᱤᱨᱟᱱᱤᱭᱳ ᱯᱟᱹᱨᱥᱤ ᱠᱟᱱᱟ ᱾
ᱟᱯᱷᱜᱟᱱᱤᱥᱛᱟᱱ ᱨᱮ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱛᱟᱦᱮᱸ ᱨᱮᱦᱚᱸ ᱫᱷᱚᱨᱚᱢ ᱜᱮ ᱩᱝᱠᱩ ᱠᱳᱣᱟᱜ ᱥᱟᱹᱜᱟᱹᱭᱮ ᱛᱚᱞ ᱫᱚᱦᱚ ᱟᱠᱟᱫᱟ ᱾ ᱙᱙ ᱵᱷᱟᱜᱽ ᱜᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱟᱫᱚ ᱢᱤᱫ ᱵᱟᱨᱮᱭᱟ ᱦᱤᱱᱫᱩ, ᱥᱤᱠᱷ, ᱯᱟᱨᱥᱤᱠ ᱟᱨ ᱤᱦᱩᱫᱤ ᱫᱷᱚᱨᱚᱢ ᱨᱮᱱ ᱦᱚᱲ ᱠᱚ ᱦᱚᱸ ᱢᱮᱱᱟᱜ ᱠᱚ ᱜᱮᱭᱟ ᱾
This article uses material from the Wikipedia ᱥᱟᱱᱛᱟᱲᱤ article ᱟᱯᱷᱜᱟᱱᱤᱥᱛᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.