ᱟᱨᱢᱮᱱᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱯᱟᱪᱷᱮ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱹᱝ ᱫᱤᱥᱚᱢ ᱾ ᱡᱚᱨᱡᱤᱭᱟ ᱟᱨ ᱟᱡᱟᱨᱵᱟᱭᱤᱡᱟᱱ ᱥᱟᱶᱛᱮ ᱠᱚᱧᱮ ᱠᱚᱠᱮᱥᱟᱥ ᱮᱞᱟᱠᱟ ᱨᱮᱱᱟᱜ ᱠᱨᱤᱥᱱᱚ ᱫᱚᱨᱮᱭᱟ ᱟᱨ ᱠᱟᱥᱯᱤᱭᱟᱱ ᱫᱚᱨᱮᱭᱟ ᱡᱚᱝᱲᱟᱣ ᱪᱮᱛᱟᱱ ᱨᱮ ᱱᱚᱣᱟ ᱫᱤᱥᱚᱢ ᱫᱚ ᱢᱮᱱᱟᱜᱼᱟ᱾ ᱤᱭᱮᱨᱮᱵᱷᱟᱱ ᱫᱚ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱨᱟᱡᱽᱜᱟᱲ ᱟᱨ ᱡᱚᱛᱚ ᱠᱷᱚᱡ ᱞᱟᱹᱴᱩ ᱥᱚᱦᱚᱨ ᱠᱟᱱᱟ ᱾ ᱟᱨᱢᱮᱱᱤᱭᱟ ᱨᱮᱱ ᱢᱟᱹᱱᱢᱤ ᱠᱚ ᱫᱚ ᱟᱠᱚ ᱛᱮ ᱫᱚ ᱦᱟᱭ (Հայ) ᱢᱮᱱᱛᱮ ᱠᱚ ᱞᱟᱹᱭᱩᱜᱼᱟ ᱾ ᱑᱙᱒᱒ ᱥᱮᱨᱢᱟ ᱨᱮ ᱱᱚᱣᱟ ᱫᱤᱥᱚᱢ ᱥᱳᱵᱷᱤᱭᱮᱛ ᱤᱭᱩᱱᱤᱭᱚᱱ ᱵᱷᱤᱛᱨᱤ ᱨᱮ ᱢᱮᱥᱟ ᱛᱟᱦᱮᱸ ᱠᱟᱱᱟ ᱾ ᱑᱙᱙᱑ ᱥᱮᱨᱢᱟ ᱨᱮ ᱱᱚᱣᱟ ᱫᱤᱥᱚᱢ ᱯᱷᱩᱨᱜᱟᱹᱞ ᱮ ᱧᱟᱢ ᱠᱮᱫᱼᱟ ᱾ ᱑᱙᱙᱕ ᱥᱮᱨᱢᱟ ᱨᱮ ᱱᱚᱣᱟ ᱫᱤᱥᱚᱢ ᱨᱮᱱᱟᱜ constitution ᱥᱚᱝᱥᱚᱫᱽ ᱨᱮ ᱯᱟᱥ ᱟᱠᱟᱱᱟ ᱾
Republic of Armenia Հայաստանի Հանրապետություն Hayastani Hanrapetut’yun (Armenian) | ||||||
---|---|---|---|---|---|---|
ᱡᱟᱹᱛᱤᱭᱟᱹᱨᱤ ᱥᱮᱱᱮᱨᱮᱧ: Մեր Հայրենիք Mer Hayrenik "Our Fatherland" | ||||||
ᱨᱟᱡᱽᱜᱟᱲ (and largest city) | Yerevan | |||||
ᱨᱟᱡᱽ ᱯᱟᱹᱨᱥᱤ | Armenian | |||||
ᱡᱟᱹᱛ (2011) |
| |||||
ᱢᱤᱫ ᱢᱮᱱᱮᱫ | Armenian | |||||
ᱥᱚᱨᱠᱟᱨ | Unitary parliamentary republic | |||||
- | President | Armen Sarkissian | ||||
- | Prime Minister | Nikol Pashinyan (acting) | ||||
- | President of the National Assembly | Ara Babloyan | ||||
ᱞᱮᱡᱤᱥᱞᱟᱪᱚᱨ | National Assembly | |||||
Establishment history | ||||||
- | Orontid dynasty | 6th century BC | ||||
- | Kingdom of Greater Armenia united under the Artaxiad Dynasty | 190 BC | ||||
- | Arsacid dynasty | 52–428 | ||||
- | Bagratid Armenia | 885–1045 | ||||
- | Kingdom of Cilicia | 1198–1375 | ||||
- | First Republic of Armenia declared | 28 May 1918 | ||||
- | Independence from the Soviet Union | 21 September 1991 | ||||
ᱮᱨᱤᱭᱟ | ||||||
- | ᱞᱮᱠᱷᱟᱜᱩᱴ | ᱒᱙,᱗᱔᱓ km2 (138th) ᱑᱑,᱔᱘᱔ m² | ||||
- | ᱫᱟᱜ ᱦᱟᱹᱴᱤᱧ (%) | 4.71 | ||||
ᱦᱚᱲᱮᱞ | ||||||
- | 2016 ᱞᱮᱠᱷᱟ ᱡᱚᱠᱷᱟ | 2,924,816 | ||||
- | 2011 census | 3,018,854 (134th) | ||||
- | ᱥᱟᱝᱜᱮ | 101.5/ᱠᱤᱹᱢᱤᱹ୨ (99th) ᱒᱖᱒.᱙/ᱜᱟᱺᱴ ᱢᱤᱹ | ||||
ᱡᱤ.ᱰᱤ.ᱯᱤ (ᱠᱤᱨᱤᱧ ᱫᱟᱲᱮ ᱵᱟᱨᱟᱵᱟᱹᱨᱤ) | 2018 ᱯᱟᱭᱛᱟᱨ | |||||
- | ᱡᱚᱛᱚᱨᱮ | $30 billion | ||||
- | ᱦᱚᱲ ᱯᱤᱪᱷᱤ | $9,999 | ||||
ᱡᱤ.ᱰᱤ.ᱯᱤ (ᱞᱮᱠᱷᱟ ᱦᱟᱠᱟᱱᱟ) | 2018 ᱞᱮᱠᱷᱟᱥᱚᱝ | |||||
- | ᱞᱮᱠᱷᱟᱜᱩᱴ | $12 billion | ||||
- | ᱦᱚᱲ ᱯᱤᱪᱷᱤ | $4,022 | ||||
ᱡᱤᱱᱤ (2013) | 31.5 | |||||
ᱢᱟᱹᱱᱢᱤ ᱩᱛᱱᱟᱹᱣ ᱩᱱᱩᱫᱩᱜ (2017) | 0.755 (83rd) | |||||
ᱠᱟᱹᱣᱰᱤ | Dram (֏) (AMD ) | |||||
ᱛᱟᱹᱨᱤ ᱚᱠᱛᱚ | AMT (ᱭᱩᱴᱤᱥᱤ+4) | |||||
ᱦᱚᱨ ᱨᱮᱱᱟᱜ ᱱᱚᱶᱟ ᱫᱷᱟᱨᱮ ᱛᱮ ᱛᱟᱲᱟᱢ ᱢᱮ | right | |||||
ᱤᱱᱴᱚᱨᱱᱮᱴ ᱴᱤᱹᱮᱞᱹᱰᱤᱹ |
| |||||
ᱯᱷᱚᱱ ᱠᱳᱰ | +374 | |||||
ᱯᱟᱴᱨᱚᱱ ᱥᱮᱱᱴ | St. Gregory |
ᱡᱤᱥᱩᱣᱟᱜ ᱡᱟᱱᱟᱢ ᱘᱐᱐ ᱥᱟᱭ ᱥᱮᱨᱢᱟ ᱞᱟᱦᱟᱨᱮ ᱟᱨᱢᱮᱱᱤᱭᱟ ᱫᱤᱥᱚᱢ ᱨᱮᱱᱟᱜ ᱩᱪᱷᱟᱹᱱ ᱦᱩᱭ ᱞᱮᱱᱟ ᱩᱨᱟᱨᱛᱩ ᱥᱮ ᱵᱷᱟᱱ ᱨᱟᱡᱽᱭᱚ ᱨᱮᱱᱟᱜ ᱦᱤᱸᱥ ᱞᱮᱠᱟᱛᱮ ᱾ ᱱᱚᱣᱟ ᱨᱟᱡᱽᱭᱚ ᱫᱚ ᱠᱚᱠᱮᱥᱟᱥ ᱮᱞᱟᱠᱟ ᱟᱨ ᱥᱟᱢᱟᱝ ᱮᱥᱤᱭᱟ ᱢᱟᱭᱱᱚᱨ ᱮᱞᱟᱠᱟ ᱨᱮ ᱡᱤᱥᱩᱣᱟᱜ ᱡᱟᱱᱟᱢ ᱖᱐᱐ ᱥᱟᱭ ᱥᱮᱨᱢᱟ ᱞᱟᱦᱟ ᱫᱷᱟᱹᱵᱤᱡ ᱵᱮᱨᱮᱫ ᱨᱟᱠᱟᱵ ᱞᱮᱱᱟ ᱾ ᱥᱮᱞᱮᱣᱥᱤᱫᱽ ᱥᱟᱢᱨᱟᱡᱽᱭᱚ ᱨᱟᱹᱯᱩᱫ ᱠᱟᱛᱮ ᱡᱤᱥᱩ ᱡᱟᱱᱟᱢ ᱑᱙᱐ ᱥᱮᱨᱢᱟ ᱞᱟᱦᱟᱨᱮ ᱯᱩᱭᱞᱩ ᱫᱷᱟᱣ ᱟᱨᱢᱮᱱᱤᱭᱟ ᱫᱤᱥᱚᱢ ᱫᱚ ᱛᱮᱭᱟᱨ ᱞᱮᱱᱟ ᱾ ᱡᱤᱥᱩ ᱡᱟᱱᱟᱢ ᱙᱕ ᱠᱷᱚᱱ ᱖᱕ ᱥᱮᱨᱢᱟ ᱞᱟᱦᱟ ᱫᱷᱟᱹᱵᱤᱡ ᱱᱚᱣᱟ ᱫᱤᱥᱚᱢ ᱟᱹᱰᱤᱛᱮᱫ ᱜᱮ ᱞᱟᱦᱟ ᱪᱟᱞᱟᱣ ᱞᱮᱱᱟ ᱾ ᱱᱚᱣᱟ ᱡᱚᱠᱷᱚᱡ ᱟᱨᱢᱮᱱᱤᱭᱟ ᱫᱚ ᱜᱚᱴᱟ ᱠᱚᱠᱮᱥᱟᱥ ᱮᱞᱟᱠᱟ ᱥᱟᱶ ᱵᱟᱨᱦᱮ ᱨᱮᱦᱚᱸ ᱱᱮᱛᱟᱨᱟᱜ ᱥᱟᱢᱟᱝ ᱛᱩᱨᱚᱥᱠᱚ, ᱥᱤᱨᱤᱭᱟ ᱟᱨ ᱞᱮᱵᱟᱱᱚᱱ ᱫᱷᱟᱹᱵᱤᱡ ᱥᱤᱢᱱᱟ ᱫᱚ ᱛᱟᱦᱮᱸ ᱠᱟᱱᱟ ᱾ ᱠᱤᱪᱷᱩ ᱚᱠᱛᱚ ᱫᱷᱟᱹᱵᱤᱡ ᱟᱨᱢᱮᱱᱤᱭᱟ ᱫᱚ ᱨᱳᱢᱟᱱ ᱥᱟᱢᱟᱝ ᱮᱞᱟᱠᱟ ᱨᱮᱱᱟᱜ ᱫᱟᱲᱮᱭᱟᱱ ᱫᱤᱥᱚᱢ ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱟᱨᱢᱮᱱᱤᱭᱟ ᱫᱚ ᱯᱟᱪᱷᱮ ᱫᱤᱥᱚᱢ ᱠᱚ ᱨᱮᱭᱟᱜ Philosophy ᱯᱟᱸᱡᱟᱭ ᱫᱷᱩᱨᱟᱹᱣ ᱞᱮᱱᱟ ᱾
ᱡᱤᱥᱩᱣᱟᱜ ᱡᱟᱱᱟᱢ ᱛᱟᱭᱚᱢ ᱓᱐᱑ ᱥᱮᱨᱢᱟ ᱨᱮ ᱫᱷᱟᱹᱨᱛᱤ ᱨᱮ ᱯᱩᱭᱞᱩ ᱫᱤᱥᱚᱢ ᱦᱤᱥᱟᱹᱵ ᱛᱮ ᱤᱥᱟᱹᱭ ᱫᱷᱚᱨᱚᱢ ᱫᱤᱥᱚᱢ ᱨᱮᱱᱟᱜ ᱨᱟᱡᱽ ᱫᱷᱚᱨᱚᱢ ᱢᱮᱱᱛᱮ ᱠᱚ ᱞᱮᱠᱷᱚ ᱠᱮᱫᱼᱟ ᱾ ᱟᱨᱢᱮᱱᱤᱭᱟ ᱨᱮ ᱫᱚ ᱠᱮᱛᱷᱚᱞᱤᱠ ᱤᱥᱟᱹᱭ ᱠᱚ ᱡᱟᱹᱥᱛᱤ ᱜᱮᱭᱟ ᱾
᱔ ᱥᱟᱭ ᱠᱷᱚᱱ ᱑᱙ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱟᱨᱢᱮᱱᱤᱭᱟ ᱫᱚ ᱞᱟᱹᱴᱩ ᱞᱟᱹᱴᱩ ᱫᱟᱲᱮᱣᱟᱱ ᱫᱤᱥᱚᱢ ᱠᱚᱣᱟᱜ ᱥᱟᱥᱚᱱ ᱨᱮ ᱛᱟᱦᱮᱸ ᱞᱮᱱᱟ ᱾ ᱑᱙᱑᱘ ᱥᱮᱨᱢᱟ ᱠᱷᱚᱱ ᱑᱙᱒᱐ ᱥᱮᱨᱢᱟ ᱫᱷᱟᱹᱵᱤᱡ ᱟᱹᱰᱤ ᱦᱩᱰᱤᱧ ᱚᱠᱛᱚ ᱞᱟᱹᱜᱤᱫ ᱟᱨᱢᱮᱱᱤᱭᱟ ᱯᱷᱩᱨᱜᱟᱹᱞ ᱮ ᱧᱟᱢ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱚᱱᱟ ᱫᱤᱥᱚᱢ ᱥᱳᱵᱷᱤᱭᱮᱛ ᱤᱭᱩᱱᱤᱭᱚᱱ ᱥᱟᱶ ᱥᱮᱞᱮᱫ ᱮᱱᱟ ᱾ ᱑᱙᱙᱑ ᱥᱮᱨᱢᱟ ᱨᱮᱱᱟᱜ ᱒᱑ ᱥᱮᱯᱴᱮᱢᱵᱚᱨ ᱟᱨᱢᱮᱱᱤᱭᱟ ᱥᱳᱵᱷᱤᱭᱮᱛ ᱥᱟᱥᱚᱱ ᱠᱷᱚᱱ ᱯᱷᱩᱨᱜᱟᱹᱞ ᱮ ᱧᱟᱢ ᱠᱮᱫᱼᱟ ᱾
ᱟᱨᱢᱮᱱᱤᱭᱟ ᱨᱟᱥᱤᱭᱟ ᱨᱮᱱᱟᱜ ᱠᱚᱧᱮ-ᱯᱟᱪᱷᱮ ᱠᱨᱤᱥᱱᱚ ᱫᱚᱨᱮᱭᱟ ᱟᱨ ᱠᱟᱥᱯᱤᱭᱟᱱ ᱫᱚᱨᱮᱭᱟ ᱛᱟᱞᱟᱨᱮ ᱢᱮᱱᱟᱜᱼᱟ ᱾ ᱮᱛᱚᱢ ᱥᱮᱡ ᱨᱮ ᱠᱚᱠᱮᱥᱟᱥ ᱵᱩᱨᱩ ᱢᱟᱞᱟ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱮᱵᱷᱟᱱ ᱦᱨᱟᱫᱽ ᱟᱨ ᱟᱡᱟᱨᱵᱟᱭᱡᱟᱱ ᱛᱟᱞᱟᱛᱮ ᱤᱨᱟᱱ ᱥᱤᱢᱟᱹᱱᱟ ᱪᱟᱞᱟᱣ ᱟᱠᱟᱱᱟ ᱾ ᱱᱚᱣᱟ ᱠᱟᱨᱚᱱᱛᱮ ᱟᱨᱢᱮᱱᱤᱟ ᱨᱮᱱᱟᱜ ᱠᱚᱧᱮ ᱠᱷᱚᱱ ᱮᱛᱚᱢ ᱥᱮᱡ ᱫᱟᱬᱟ ᱵᱟᱲᱟᱭ ᱟᱹᱰᱤ ᱫᱚ ᱵᱟᱝ ᱢᱚᱡᱼᱟ ᱾ ᱟᱨᱢᱮᱱᱤᱭᱟ ᱨᱮᱱᱟᱜ ᱟᱫᱷᱟ ᱮᱞᱟᱠᱟ ᱜᱮ ᱫᱚᱨᱮᱭᱟ ᱠᱷᱚᱱ ᱒᱐᱐᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱥᱩᱢᱩᱝ ᱓ ᱵᱷᱟᱜᱽ ᱖᱕᱐ ᱢᱤᱴᱟᱨ ᱵᱷᱤᱛᱨᱤ ᱨᱮ ᱢᱮᱱᱟᱜᱼᱟ ᱾ ᱠᱚᱠᱮᱥᱟᱥ ᱵᱩᱨᱩ ᱢᱟᱞᱟ ᱠᱚᱧᱮ ᱨᱮ ᱥᱚᱢᱟᱱ ᱚᱛ ᱦᱟᱥᱟ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱠᱚᱧᱮ-ᱯᱟᱪᱷᱮ ᱥᱮᱡ ᱟᱨᱟᱥ ᱜᱟᱰᱟ ᱥᱮᱡ ᱯᱷᱮᱰ ᱟᱠᱟᱱᱟ ᱾ ᱱᱚᱣᱟ ᱡᱟᱜᱟ ᱨᱮ ᱫᱚ ᱜᱚᱡ ᱟᱠᱟᱱ ᱥᱮᱸᱜᱮᱞᱵᱩᱨᱩ ᱠᱚ ᱢᱮᱱᱟᱜᱼᱟ ᱾ ᱔᱔᱓᱐ ᱢᱤᱴᱟᱨ ᱩᱥᱩᱞ ᱟᱨᱟᱜᱟᱛᱥᱚ ᱵᱩᱨᱩ ᱜᱮ ᱟᱨᱢᱮᱱᱤᱭᱟ ᱨᱮᱱᱟᱜ ᱫᱚ ᱡᱚᱛᱚ ᱠᱷᱚᱱ ᱩᱥᱩᱞ ᱵᱩᱨᱩ ᱢᱟᱞᱟ ᱠᱟᱱᱟ ᱟᱨ ᱟᱨᱟᱥ ᱜᱟᱰᱟ ᱜᱮ ᱢᱩᱬᱩᱛ ᱜᱟᱰᱟ ᱠᱟᱱᱟ ᱾
ᱟᱨᱢᱮᱱᱤᱭᱟ ᱨᱮᱱ ᱙᱘ ᱵᱷᱟᱜᱽ ᱢᱟᱹᱱᱢᱤ ᱟᱨᱢᱮᱱᱤᱭᱳ ᱯᱟᱹᱨᱥᱤ ᱛᱮ ᱠᱟᱛᱷᱟ ᱠᱚ ᱨᱚᱲᱟ ᱾ ᱟᱨᱢᱮᱱᱤᱭᱳ ᱯᱟᱹᱨᱥᱤ ᱜᱮ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱨᱟᱡᱽ ᱯᱟᱹᱨᱥᱤ ᱠᱟᱱᱟ ᱾ ᱟᱨᱢᱮᱱᱤᱭᱟ ᱨᱮᱱᱟᱜ ᱜᱤᱨᱡᱟᱹ ᱚᱲᱟᱜ ᱠᱚᱨᱮ ᱜᱨᱟᱵᱟᱨ ᱧᱩᱛᱩᱢᱟᱱ ᱥᱮᱫᱟᱭ ᱟᱨᱢᱮᱱᱤᱭᱳ ᱯᱟᱹᱨᱥᱤ ᱠᱚ ᱦᱚᱸ ᱵᱮᱵᱷᱟᱨ ᱵᱟᱲᱟᱭ ᱜᱮᱭᱟ ᱾
ᱚᱱᱟᱠᱚ ᱵᱟᱫᱽ ᱠᱟᱛᱮ ᱦᱚᱸ ᱨᱩᱥ ᱯᱟᱹᱨᱥᱤ, ᱠᱩᱨᱢᱟᱱᱡᱤ ᱧᱩᱛᱩᱢᱟᱱ ᱠᱩᱨᱫᱤ sub ᱯᱟᱹᱨᱥᱤ, ᱱᱟᱣᱟ ᱟᱥᱤᱨᱤᱭᱳ, ᱜᱨᱤᱠ ᱟᱨ ᱤᱣᱠᱨᱮᱱᱤᱭᱳ ᱯᱟᱹᱨᱥᱤ ᱦᱚᱸ ᱠᱚ ᱵᱮᱵᱷᱟᱨ ᱜᱮᱭᱟ ᱾
ᱟᱨᱢᱮᱱᱤᱭᱟ ᱨᱮᱱᱟᱜ ᱤᱥᱠᱩᱞ ᱠᱚᱨᱮ ᱨᱩᱥ ᱟᱨ ᱤᱝᱨᱮᱡᱤ ᱯᱟᱹᱨᱥᱤ ᱦᱚᱸ ᱠᱟᱹᱴᱤᱡ ᱠᱷᱚᱡ ᱜᱮ ᱠᱚ ᱪᱮᱫ ᱚᱪᱚ ᱠᱚᱣᱟ ᱾ ᱱᱮᱛᱟᱨ ᱱᱟᱦᱟ ᱨᱮ ᱫᱚ ᱤᱝᱨᱮᱡᱤ ᱯᱟᱹᱨᱥᱤ ᱨᱮᱱᱟᱜ ᱠᱚᱫᱚᱨ ᱦᱚᱸ ᱰᱷᱮᱻᱨ ᱟᱠᱟᱱᱟ ᱾
ᱤᱥᱟᱹᱭ ᱫᱷᱚᱨᱚᱢ ᱜᱮ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱫᱷᱚᱨᱚᱢ ᱠᱟᱱᱟ ᱾ ᱛᱮᱥᱟᱨ ᱥᱟᱭ ᱥᱮᱨᱢᱟ ᱨᱮ ᱟᱨᱢᱮᱱᱤᱭᱟ ᱨᱮᱱ ᱨᱟᱡᱟ ᱤᱥᱟᱹᱭ ᱫᱷᱚᱨᱚᱢ ᱮ ᱦᱟᱛᱟᱣ ᱛᱟᱭᱚᱢ ᱱᱚᱰᱮᱱᱟᱜ ᱨᱟᱡᱽ ᱫᱷᱚᱨᱚᱢ ᱦᱚᱸ ᱤᱥᱟᱹᱭ ᱫᱷᱚᱨᱚᱢ ᱜᱮ ᱯᱟᱥᱱᱟᱣ ᱞᱮᱫᱼᱟ ᱾ ᱟᱫᱚ ᱤᱥᱟᱹᱭ ᱵᱟᱫᱽ ᱠᱟᱛᱮ ᱦᱚᱸ ᱤᱦᱩᱫᱤ, ᱤᱭᱟᱡᱟᱫᱤ ᱟᱨ ᱠᱤᱪᱷᱩ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱱᱚᱰᱮ ᱢᱮᱱᱟᱜ ᱠᱚᱣᱟ ᱾
ᱟᱨᱢᱮᱱᱤᱭᱳ ᱠᱚ ᱫᱚ ᱟᱠᱚᱣᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱥᱟᱹᱜᱟᱹᱭ ᱴᱷᱤᱠ ᱠᱚ ᱫᱚᱦᱚᱭᱟ ᱾ ᱱᱤᱭᱟᱹ ᱫᱚ ᱩᱱᱠᱩ ᱠᱚᱣᱟᱜ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱢᱤᱫᱴᱟᱹᱝ ᱞᱟᱹᱴᱩ ᱥᱟᱛᱟᱢ ᱠᱟᱱᱟ ᱾ ᱟᱹᱛᱳ ᱴᱚᱞᱟᱨᱮᱱ ᱢᱟᱹᱱᱢᱤ ᱠᱚ ᱫᱚ ᱢᱤᱫ ᱜᱷᱟᱨᱚᱸᱡᱽ ᱨᱮ ᱠᱚ ᱛᱟᱦᱮᱸᱱᱟ ᱟᱨ ᱥᱮᱬᱟ ᱦᱚᱲ ᱠᱚ ᱫᱚ ᱟᱹᱰᱤ ᱜᱮ ᱢᱟᱹᱱ ᱠᱚ ᱮᱢᱟ ᱠᱚᱣᱟ ᱾ ᱱᱚᱝᱠᱟ ᱛᱮ ᱜᱮ ᱢᱤᱫ ᱢᱤᱫ ᱡᱤᱭᱚᱱ ᱰᱟᱦᱟᱨ ᱠᱚ ᱯᱟᱨᱚᱢ ᱤᱫᱤᱭᱟ ᱾
This article uses material from the Wikipedia ᱥᱟᱱᱛᱟᱲᱤ article ᱟᱨᱢᱮᱱᱤᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.