ᱟᱢᱥᱴᱚᱨᱰᱮᱢ
ᱟᱢᱥᱴᱚᱨᱰᱮᱢ ᱫᱚ ᱤᱣᱨᱚᱯᱤᱭᱟᱱ ᱫᱤᱥᱚᱢ ᱱᱮᱫᱚᱨᱞᱮᱸᱰ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱟᱨ ᱨᱟᱡᱽᱜᱟᱲ ᱠᱟᱱᱟ ᱟᱢᱥᱴᱚᱨᱰᱮᱢ ᱫᱚ ᱠᱮᱱᱟᱞ ᱟᱨ ᱜᱷᱟᱹᱴᱤ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱᱟ ᱾ ᱮᱴᱟᱜ ᱫᱤᱥᱚᱢ ᱞᱮᱠᱟ ᱫᱚ ᱡᱟᱹᱛᱤᱭᱟᱹᱨᱤ ᱥᱚᱨᱠᱟᱨ ᱚᱸᱰᱮ ᱵᱟᱹᱱᱩᱜ ᱮᱭᱟ ᱢᱮᱱᱠᱷᱟᱱ, ᱦᱮᱜᱩᱭ ᱨᱮ ᱢᱮᱱᱟᱭᱟ ᱾ ᱒᱐᱑᱖ ᱨᱮᱱᱟᱜ ᱞᱮᱠᱷᱟ ᱛᱮ ᱘᱓᱘,᱐᱐᱐ ᱜᱟᱱ ᱦᱚᱲ ᱟᱢᱥᱴᱚᱨᱰᱮᱢ ᱨᱮ ᱫᱚ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱸᱰᱮ ᱵᱟᱨᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱟᱨ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱜᱷᱟᱴ (ᱥᱤᱯᱚᱞ ᱩᱰᱟᱹᱱ ᱜᱷᱟᱴ) ᱾ ᱒.᱒ ᱢᱤᱞᱤᱭᱚᱢ ᱜᱟᱢ ᱦᱚᱲ ᱫᱚ ᱢᱮᱴᱨᱚᱯᱚᱞᱤᱴᱤᱭᱟᱱ ᱱᱟᱜᱟᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱱᱟᱜᱟᱨ ᱫᱚ ᱱᱟᱱᱟ ᱦᱩᱱᱟᱹᱨ ᱞᱟᱠᱪᱟᱨ ᱛᱮ ᱜᱟᱵᱮ ᱟᱠᱟᱱᱟ ᱾ ᱱᱚᱸᱰᱮ ᱑᱗᱕ ᱜᱚᱴᱟᱝ ᱫᱤᱥᱚᱢ ᱨᱤᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱮᱴᱟᱜ ᱱᱟᱜᱟᱨ ᱠᱚ ᱞᱮᱠᱟ ᱜᱮ ᱱᱚᱸᱰᱮ ᱦᱚᱸ ᱟᱭᱢᱟ ᱵᱟᱹᱲᱤᱡ ᱜᱷᱚᱴᱚᱱ ᱜᱚᱡ ᱜᱚᱯᱚᱡ ᱠᱚ ᱧᱮᱞ ᱵᱟᱲᱟᱜ ᱜᱮᱭᱟ ᱟᱹᱰᱤ ᱩᱥᱛᱟᱹᱭ ᱾
ᱱᱟᱜᱟᱢ
᱑᱓ ᱥᱟᱭ ᱥᱮᱨᱢᱟ ᱥᱮᱫ ᱨᱮ ᱟᱢᱥᱴᱮᱞ ᱜᱟᱰᱟ ᱨᱮ ᱢᱤᱫ ᱰᱮᱢ ᱠᱚ ᱛᱚᱞ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱱᱟᱜᱟᱨ ᱫᱚ ᱚᱱᱟ ᱟᱢᱥᱴᱮᱣ ᱜᱟᱰ ᱨᱮᱱᱟᱜ ᱰᱮᱢ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱚᱸᱰᱮ ᱠᱷᱚᱱ ᱜᱮ ᱱᱚᱣᱟ ᱱᱟᱜᱟᱨ ᱨᱮᱱᱟᱜ ᱧᱩᱛᱩᱢ ᱫᱚ ᱟᱢᱥᱴᱮᱨᱰᱮᱢ ᱠᱚ ᱫᱚᱦᱚ ᱠᱮᱫ-ᱟ ᱾ ᱱᱚᱣᱟ ᱫᱚ ᱯᱩᱭᱞᱩ ᱑᱒᱗᱕ ᱥᱟᱞᱮ ᱨᱮ ᱱᱟᱜᱟᱨ ᱞᱮᱠᱟᱛᱮ ᱠᱚ ᱢᱟᱹᱱ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱟᱜᱟᱨ ᱨᱮᱱᱟᱜ ᱟᱹᱭᱫᱟᱹᱨ ᱫᱚ ᱑᱓᱐᱖ ᱥᱟᱞᱮ ᱨᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱨᱮᱱᱟᱜ ᱛᱤᱢᱤᱱ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱱᱚᱣᱟ ᱱᱟᱜᱟᱨ ᱢᱤᱫ ᱢᱟᱨᱟᱝ ᱵᱮᱯᱟᱨ ᱱᱟᱜᱟᱨ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱟᱨ ᱵᱮᱯᱟᱨ ᱞᱟᱹᱜᱤᱫ ᱫᱚ ᱵᱟᱞᱴᱤ ᱥᱟᱸᱢᱩᱫᱽ ᱢᱩᱬ ᱦᱚᱨ ᱵᱮᱱᱟᱣ ᱮᱱᱟ ᱾ ᱱᱚᱣᱟ ᱱᱟᱜᱟᱨ ᱑᱕ ᱥᱟᱭ ᱥᱟᱞᱮ ᱥᱮᱫ ᱛᱮ ᱫᱚ ᱟᱹᱰᱤ ᱜᱮ ᱞᱟᱦᱟ ᱮᱱᱟ ᱾ ᱱᱚᱣᱟ ᱫᱚ ᱯᱟᱪᱮ ᱤᱭᱩᱨᱚᱯ ᱨᱮᱱᱟᱜ ᱮᱛᱚᱦᱚᱵ ᱱᱟᱜᱟᱨ ᱛᱟᱦᱮᱸ ᱠᱟᱱᱟ, ᱠᱤᱥᱟᱹᱬ ᱜᱚᱲ ᱠᱚ ᱫᱚ ᱱᱚᱣᱟ ᱱᱟᱜᱟᱨ ᱨᱤᱱ ᱟᱹᱭᱩᱨᱤᱭᱟᱹ ᱠᱚ ᱵᱮᱱᱟᱣ ᱮᱱᱟ ᱾
᱑᱙ ᱥᱟᱭ ᱥᱮᱨᱢᱟ ᱥᱮᱫ ᱫᱚ ᱱᱚᱸᱰᱮ ᱨᱮᱞᱜᱟᱹᱰᱤ ᱨᱮᱱᱟᱜ ᱦᱚᱨ ᱦᱚᱸ ᱠᱚ ᱵᱮᱱᱟᱣ ᱠᱮᱫ-ᱟ ᱟᱨ ᱟᱱᱟᱜᱚᱱᱟ ᱟᱨ ᱵᱮᱯᱟᱨ ᱤᱫᱤ ᱟᱹᱜᱩ ᱨᱮ ᱟᱹᱰᱤ ᱡᱩᱨ ᱠᱚ ᱥᱩᱵᱤᱫᱷᱟ ᱮᱱᱟ ᱾ ᱮᱛᱚᱦᱚᱵ ᱨᱮᱞᱜᱟᱹᱰᱤ ᱫᱚ ᱑᱘᱓᱙ ᱥᱟᱞᱮ ᱨᱮ ᱟᱢᱥᱴᱚᱨᱰᱮᱢ ᱠᱷᱚᱱ ᱦᱟᱨᱞᱮᱢ ᱦᱟᱹᱵᱤᱡ ᱮ ᱫᱟᱹᱲ ᱮᱫ ᱛᱟᱦᱮᱸᱫ ᱾ ᱦᱚᱲ ᱦᱚᱸ ᱚᱱᱟ ᱱᱟᱜᱟᱨ ᱨᱮ ᱠᱚ ᱵᱟᱹᱲᱛᱤ ᱤᱫᱤ ᱮᱱᱟ , ᱑᱘᱕᱐ ᱨᱮ ᱫᱚ ᱒᱕᱐,᱐᱐᱐ ᱮᱞ ᱠᱚ ᱥᱮᱴᱮᱨ ᱮᱱᱟ ᱟᱨ ᱑᱙᱐᱐ ᱥᱟᱞᱮ ᱨᱮ ᱫᱚ ᱕᱐᱐,᱐᱐᱐ ᱠᱚ ᱥᱮᱴᱮᱨ ᱮᱱᱟ ᱾ ᱚᱱᱟ ᱛᱟᱭᱚᱢ ᱢᱟᱨᱟᱝ ᱠᱟᱹᱨᱜᱟᱲ ᱱᱟᱜᱟᱨ ᱞᱮᱠᱟᱛᱮ ᱵᱮᱨᱮᱫ ᱮᱱᱟ ᱾ ᱒᱐᱒᱕ ᱥᱟᱞᱮ ᱥᱮᱫ ᱛᱮ ᱫᱚ ᱑᱒.᱖% ᱜᱟᱱ ᱦᱚᱲ ᱠᱚ ᱵᱟᱹᱲᱛᱤᱜ ᱢᱮᱱᱛᱮ ᱯᱟᱭᱛᱟᱨ ᱟᱠᱟᱱᱟ ᱾ ᱢᱮᱱ ᱫᱚ ᱙᱐᱐,᱐᱐᱐ ᱦᱚᱲ ᱱᱚᱣᱟ ᱱᱟᱜᱟᱨ ᱨᱮ ᱟᱨ ᱒.᱕ ᱢᱤᱞᱤᱭᱚᱱ ᱦᱚᱲ ᱱᱚᱣᱟ ᱱᱟᱜᱟᱨ ᱨᱮ ᱠᱚ ᱦᱩᱭᱩᱜ-ᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ ᱾
ᱦᱚᱱᱚᱛ
ᱟᱢᱥᱴᱚᱨᱰᱮᱢ ᱫᱚ ᱤᱨᱟᱹᱞ ᱜᱚᱴᱟᱝ ᱦᱚᱱᱚᱛ ᱛᱮ ᱵᱮᱱᱟᱣ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱾
- ᱥᱮᱱᱴᱨᱚᱢ
- ᱱᱩᱨᱰ
- ᱣᱮᱥᱴ
- ᱱᱤᱣ-ᱣᱮᱥᱴ
- ᱡᱩᱭᱤᱰ
- ᱳᱥᱴ
- ᱡᱩᱭᱰᱳᱥᱴ
- ᱣᱮᱥᱴᱯᱳᱨᱴ
- ᱨᱮᱰᱞᱟᱭᱤᱰ ᱨᱤᱸᱡᱮᱢᱟ ᱦᱚᱱᱚᱛᱵᱮᱡᱟᱨ ᱰᱮᱱᱴᱮᱦᱩᱭᱤᱥ
- ᱵᱮᱥᱟᱞᱴᱮ
- ᱵᱮᱭᱨᱦᱩᱭᱤᱥ
- ᱵᱩᱥᱟᱞᱴᱮ
- ᱟᱯᱮᱱᱦᱮᱣᱞ
- ᱟᱡᱠ
- ᱛᱩᱨᱠᱤᱱ ᱴᱮᱸᱴ
ᱵᱟᱦᱮ ᱡᱚᱱᱚᱲ
- Amsterdam.nl – Official government site
- I amsterdam – Portal for international visitors
- DutchAmsterdam Visitors Guide
- Amsterdam City Archives
- Free Amsterdam audio guide
- Free English guided walking tour
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱟᱢᱥᱴᱚᱨᱰᱮᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.