ᱜᱟᱞᱤᱞᱤᱭᱚ ᱜᱟᱞᱤᱞᱤ

ᱯᱤᱥᱟ ᱨᱮ ᱥᱟᱬᱮᱥ ᱥᱮᱪᱮᱫ ᱞᱟᱹᱜᱩᱫ ᱧᱩᱛᱩᱢᱟᱱ ᱛᱟᱞᱢᱟ ᱛᱟᱦᱮᱸᱠᱟᱱᱟ, ᱟᱫᱚ ᱚᱸᱰᱮ ᱥᱮᱪᱮᱫᱚᱜ ᱨᱮᱭᱟᱜ-ᱮ ᱟᱸᱥ ᱠᱮᱜ-ᱟ ᱾ ᱢᱮᱱᱠᱷᱟᱱ ᱟᱯᱟᱛᱟᱜ ᱟᱸᱥ ᱫᱚ ᱧᱩᱛᱩᱢᱟᱱ ᱰᱟᱠᱛᱚᱨ ᱵᱮᱱᱟᱣ ᱚᱪᱚ ᱨᱮᱭᱟᱜ ᱾ ᱚᱱᱟᱛᱮ ᱯᱤᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱨᱟᱱ-ᱢᱩᱨᱜᱟᱹᱱ ᱥᱟᱬᱮᱥ ᱥᱮᱪᱮᱫ ᱞᱟᱹᱫᱤᱫ ᱧᱩᱛᱩᱢᱮ ᱚᱞ ᱚᱪᱚ ᱞᱮᱜ-ᱟ ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱪᱮᱫ-ᱮ ᱛᱟᱦᱮᱸᱠᱟᱱ ᱒᱐ ᱥᱮᱨᱢᱟ ᱵᱚᱭᱚᱥ ᱠᱮ ᱢᱤᱫ ᱥᱟᱬᱮᱥᱤᱭᱟᱹ ᱠᱟᱛᱷᱟᱭ ᱥᱮᱸᱫᱽᱨᱟ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱯᱤᱥᱟ ᱨᱮᱱᱟᱜ ᱜᱤᱨᱡᱟᱹ ᱨᱮ ᱡᱚᱛᱚᱦᱚᱲ ᱫᱷᱮᱭᱟᱱ ᱛᱮ ᱠᱚ ᱚᱦᱬᱮᱭᱮᱫ ᱚᱠᱛᱚ ᱨᱮ , ᱜᱟᱞᱤᱞᱤᱭᱚ ᱜᱤᱨᱡᱟ ᱥᱟᱹᱲᱤᱢ ᱨᱮ ᱟᱠᱟ ᱦᱟᱠᱟᱱ ᱵᱟᱹᱛᱤ ᱨᱮᱱᱟᱜ ᱦᱤᱞᱟᱣᱜ(ᱰᱷᱤᱞᱣᱟᱹᱝ) ᱚᱜ ᱠᱟᱱ ᱚᱠᱛᱚ ᱦᱤᱥᱟᱹᱵ ᱞᱟᱹᱜᱤᱫ-ᱮ ᱨᱤᱠᱟᱹ ᱠᱮᱜ-ᱟ ᱾ ᱩᱱ ᱚᱠᱛᱚ ᱨᱮ ᱫᱚ ᱜᱷᱩᱲᱤ/ᱜᱷᱚᱱᱴᱟ (clock) ᱫᱚ ᱵᱟᱭ ᱚᱰᱚᱠ ᱞᱮᱱ ᱛᱟᱦᱮᱸᱫ᱾ ᱛᱤ ᱨᱮᱱᱟᱜ ᱱᱟᱹᱴᱠᱟᱹ ᱫᱷᱚᱯ ᱫᱷᱚᱯ ᱛᱟᱨᱠᱚ ᱦᱤᱥᱟᱹᱵ ᱠᱟᱛᱮ ᱧᱟᱢ ᱠᱮᱫᱟᱭ, ᱚᱱᱟ ᱵᱟᱛᱤ ᱠᱚ ᱨᱮᱱᱟᱜ ᱡᱚᱛᱚ ᱯᱩᱨᱟᱣ ᱰᱷᱤᱞᱣᱟᱹᱝ ᱨᱮᱱᱟᱜ ᱚᱠᱛᱚ ᱫᱚ ᱵᱟᱨᱟᱵᱟᱹᱨᱤ ᱜᱮᱭᱟ ᱟᱨ ᱱᱚᱶᱟ ᱫᱚ ᱡᱚᱛᱚ ᱵᱟᱹᱛᱤ ᱞᱟᱹᱜᱤᱫ ᱜᱮ ᱾ ᱛᱟᱭᱚᱢ ᱛᱮ ᱱᱚᱶᱟᱭ ᱯᱩᱥᱴᱟᱹᱣ ᱞᱮᱫ ᱛᱟᱦᱮᱸᱫ ᱪᱤ, ᱰᱷᱤᱞᱣᱟᱹᱝ ᱨᱮᱱᱟᱜ ᱚᱥᱟᱨ ᱫᱚ ᱡᱟᱦᱟᱸ ᱛᱤᱱᱟᱹᱣ ᱛᱟᱦᱮᱭᱮᱱ ᱜᱮ , ᱡᱤᱞᱤᱝ ᱵᱟᱨᱟᱵᱟᱹᱨᱤ ᱛᱟᱦᱮᱸᱱ ᱠᱷᱟᱨ ᱰᱷᱤᱞᱣᱟᱹᱝᱚᱜ ᱚᱠᱛᱚ ᱫᱚ ᱵᱟᱭ ᱵᱚᱫᱚᱞᱚᱜ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱟᱡ ᱛᱮᱭᱟᱨ ᱞᱮᱫ oscillator ᱛᱮ ᱨᱯᱜᱤᱭᱟᱜ ᱱᱟᱹᱴᱠᱟᱹ ᱦᱤᱥᱟᱹᱵ ᱞᱟᱹᱜᱤᱫ ᱢᱮᱛᱟᱫ ᱠᱚ ᱛᱟᱦᱮᱸᱫ ᱾ ᱰᱷᱤᱞᱣᱟᱹᱝ ᱜᱷᱚᱱᱴᱟ ᱛᱮᱭᱟᱨ ᱞᱟᱹᱜᱤᱫ ᱦᱚᱸᱭ ᱩᱭᱦᱟᱹᱨ ᱞᱮᱫ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱠᱷᱨᱤᱥᱴᱤᱭᱟᱱ ᱦᱟᱭᱡᱤᱱᱥ ᱢᱤᱫ ᱰᱷᱤᱞᱣᱟᱹᱝ ᱜᱷᱚᱱᱴᱟᱭ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾

᱑᱕᱘᱕ ᱨᱮ ᱠᱟᱹᱣᱰᱤ ᱚᱵᱷᱟᱵ ᱨᱮᱭ ᱧᱩᱨᱮᱱᱟ ᱾ ᱵᱤᱨᱫᱟᱹᱜᱟᱲ ᱠᱷᱚᱱ ᱧᱩᱛᱩᱢ ᱠᱚ ᱜᱮᱫ ᱠᱮᱫ ᱛᱟᱭᱟ ᱾ ᱛᱟᱭᱚᱢ ᱚᱲᱟᱜ ᱞᱮᱠᱟᱛᱮᱭ ᱯᱟᱲᱦᱟᱣᱮᱱᱟ ᱟᱨ ᱮᱞᱠᱷᱟ ᱨᱮ ᱵᱟᱹᱲᱛᱤ ᱱᱚᱡᱚᱨᱮ ᱮᱢ ᱠᱮᱫᱟ ᱾ ᱩᱱ ᱚᱠᱛᱚ ᱟᱨᱤᱥᱴᱚᱴᱚᱞ ᱫᱟᱨᱟᱭ ᱛᱮ ᱚᱰᱚᱠ ᱞᱮᱱ ᱜᱩᱰᱨᱟᱹᱣ ᱥᱟᱬᱮᱥ ᱤᱫᱤᱠᱟᱛᱮ ᱟᱹᱰᱤ ᱡᱩᱨᱮ ᱚᱠᱛᱮ ᱞᱮᱜ-ᱟ ᱾ ᱜᱟᱞᱤᱞᱤᱭᱚᱣᱟᱜ ᱜᱮᱭᱟᱱ ᱰᱩᱣᱩᱠᱟᱫ ᱱᱚᱡᱚᱨ ᱨᱮ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱛᱟᱭᱚᱢ ᱯᱤᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱟᱪᱮᱫ ᱨᱮᱱᱟᱜ ᱫᱟᱣ ᱠᱚ ᱮᱢᱟᱫ ᱫᱮᱭᱟ ᱾ ᱒᱕ ᱵᱚᱭᱚᱥ ᱨᱮ ᱮᱞᱠᱷᱟ ᱢᱟᱪᱮᱫ ᱞᱮᱠᱟᱛᱮ ᱪᱟᱹᱠᱨᱤ ᱠᱚ ᱮᱢᱟᱫ ᱫᱮᱭᱟ ᱾ ᱱᱩᱭ ᱡᱩᱣᱟᱹᱱ, ᱥᱚᱱᱮᱨ ᱞᱮᱠᱟᱱ ᱢᱟᱹᱱ ᱵᱟᱭ ᱟᱢᱮᱴ ᱟᱠᱟᱫᱟ ᱟᱨ ᱟᱨᱤᱥᱴᱚᱴᱚᱞᱟᱜ ᱢᱚᱛᱚ ᱠᱚᱭ ᱵᱤᱨᱩᱫᱮᱜ-ᱟ ᱾ ᱮᱴᱟᱜ ᱢᱟᱪᱮᱫ ᱠᱚ ᱱᱚᱶᱟ ᱫᱚ ᱟᱡᱟᱜ ᱢᱩᱨᱩᱠ ᱜᱚᱨᱚᱵᱽ ᱢᱮᱱᱛᱮ ᱠᱚ ᱢᱚᱱᱮ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱮᱯᱮᱨᱦᱮᱸᱰᱮ ᱮᱦᱚᱵ ᱮᱱᱟ ᱾ ᱥᱟᱠᱟᱢ ᱟᱨ ᱫᱷᱤᱨᱤ ᱧᱩᱨᱩᱜ ᱠᱟᱛᱷᱟ ᱡᱟᱦᱟᱸ ᱫᱚ ᱟᱨᱤᱥᱴᱚᱴᱚᱞᱮ ᱢᱮᱱ ᱞᱮᱜ-ᱟ ᱚᱱᱟ ᱫᱚ ᱦᱩᱲᱟᱜ ᱜᱮᱭᱟ ᱾ ᱟᱨᱤᱥᱴᱚᱴᱚᱞ ᱦᱚᱭ (air) ᱛᱮ ᱛᱟᱹᱠᱤᱡ ᱫᱟᱨᱟᱢᱚᱜ ᱠᱟᱛᱷᱟ ᱫᱚᱭ ᱟᱛᱨᱮ ᱵᱟᱹᱜᱤ ᱞᱮᱫ ᱛᱟᱦᱮᱸᱫ ᱾ ᱟᱨᱩᱥᱴᱚᱴᱚᱞᱟᱜ ᱱᱚᱶᱟ ᱠᱟᱛᱷᱟ ᱦᱩᱲᱟᱹᱜ ᱢᱮᱱᱛᱮ ᱯᱩᱥᱴᱟᱹᱣ ᱞᱟᱹᱜᱤᱫ-ᱮ ᱨᱤᱠᱟᱹ ᱞᱮᱜ-ᱟ ᱾ ᱜᱟᱞᱤᱞᱤᱭᱚ ᱩᱫᱩᱜ ᱨᱮᱭᱟᱜ-ᱮ ᱨᱤᱠᱟᱹ ᱨᱤᱠᱟᱹᱞᱮᱫᱟ ᱪᱮᱛᱟᱱ ᱠᱷᱚᱱ ᱧᱩᱨᱩᱫ ᱵᱷᱮᱜᱟᱨ ᱵᱷᱮᱜᱟᱨ ᱦᱟᱢᱟᱞ ᱨᱮᱱᱟᱜ ᱫᱷᱤᱨᱤ ᱚᱛ ᱨᱮ ᱢᱤᱫ ᱫᱷᱟᱣ ᱛᱮᱜᱮ ᱧᱩᱨᱩᱜ-ᱟ ᱾ ᱢᱮᱱᱠᱷᱟᱱ ᱾ ᱢᱮᱱᱠᱷᱟᱱ ᱟᱨᱤᱥᱴᱚᱴᱚᱞ ᱫᱚ ᱦᱟᱢᱟᱞᱟᱜ ᱢᱟᱬᱟᱝ ᱧᱩᱨᱩᱜ-ᱟ ᱢᱮᱱᱛᱮᱭ ᱢᱮᱱ ᱞᱮᱫ ᱛᱟᱦᱮᱸᱫ ᱾

ᱱᱚᱝᱠᱟ ᱟᱭᱢᱟ ᱠᱟᱛᱷᱟ ᱠᱚᱭ ᱯᱩᱥᱴᱟᱹᱣ ᱥᱚᱫᱚᱨᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡ ᱵᱤᱨᱩᱫᱽ ᱦᱚᱲ ᱠᱚᱣᱟᱜ ᱢᱩᱛᱟᱹᱱ ᱰᱮᱦᱮᱨᱮᱱ ᱠᱷᱟᱹᱛᱤᱨ ᱑᱕᱙᱑ ᱥᱟᱞᱮᱨᱮ ᱯᱤᱥᱟ ᱡᱮᱜᱮᱛ ᱵᱱᱨᱫᱟᱹᱜᱟᱲ ᱠᱷᱚᱱ ᱠᱚ ᱚᱰᱚᱠ ᱠᱮᱫᱮᱭᱟ ᱾ ᱢᱮᱱᱠᱷᱟᱱ ᱚᱱᱟ ᱨᱮᱱᱟᱜ ᱢᱤᱫ ᱥᱮᱨᱢᱟ ᱛᱟᱭᱚᱢ ᱯᱚᱰᱩᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (Padua university) ᱨᱮ ᱮᱞᱠᱷᱟ ᱯᱩᱨᱩᱫᱷᱩᱞ ᱢᱟᱪᱮᱛ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱫᱟᱣᱮ ᱧᱟᱢ ᱞᱮᱫᱟ ᱾ ᱩᱱ ᱤᱠᱛᱚ ᱨᱮᱜᱮ ᱴᱮᱞᱤᱥᱠᱚᱯ (telescope) ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾

• Electronic representation of Galilei's notes on motion (MS. 72)
• Galileo's c. 1590 De Motu translation
• Works by Galileo Galilei: text with concordances and frequencies.
• Galilei, Galileo. Le Operazioni del Compasso Geometrico et Militare, Rome, 1610. From the Rare Book and Special Collections Division at the Library of Congress
• Galilei, Galileo. Istoria e Dimostrazioni Intorno Alle Macchie Solar, Rome, 1613. From the Rare Book and Special Collections Division at the Library of Congress
• Linda Hall Library features a first edition of Sidereus Nuncius Magna Archived ᱒᱐᱑᱙-᱑᱒-᱐᱙ at the Wayback Machine. as well as a pirated edition from the same year Archived ᱒᱐᱑᱙-᱑᱒-᱐᱙ at the Wayback Machine., both fully digitised.
• Sidereus Nuncius from the Collections at the Library of Congress