ᱚᱥᱴᱨᱤᱭᱟ (/ˈɒstriə/ ( listen); German: Österreich ( listen)), officially the Republic of Austria (German: Republik Österreich, listen (help·info)), ᱫᱚ ᱯᱟᱪᱷᱮ ᱤᱣᱨᱳᱯ ᱨᱮᱱᱟᱜ ᱫᱤᱥᱚᱢ ᱠᱟᱱᱟ ᱾ ᱟᱥᱴᱨᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱦᱩᱭᱩᱜ ᱠᱟᱱᱟ ᱵᱷᱤᱭᱮᱱᱟ ᱾
ᱚᱥᱴᱨᱤᱭᱟ ᱨᱮᱱᱟᱜ ᱱᱟᱜᱟᱢ ᱫᱚ ᱙᱗᱖ ᱥᱮᱨᱢᱟ ᱠᱷᱚᱱ ᱮᱦᱚᱵ ᱟᱠᱟᱱᱟ ᱾ ᱚᱱᱟ ᱥᱮᱨᱢᱟ ᱞᱮᱣᱯᱳᱞᱰ ᱯᱷᱚᱱ ᱵᱟᱵᱮᱱᱵᱮᱨᱜᱽ ᱫᱚ ᱱᱮᱛᱟᱨᱟᱜ ᱚᱥᱴᱨᱤᱭᱟ ᱥᱤᱢᱟᱱᱟᱹ ᱨᱮᱱᱤᱡ ᱨᱟᱡᱟᱭ ᱛᱟᱦᱮᱸ ᱞᱮᱱᱟ ᱾ ᱑᱒᱗᱖ ᱥᱮᱨᱢᱟ ᱨᱮ ᱦᱟᱵᱽᱥᱵᱩᱨᱜᱽ ᱵᱚᱝᱥᱚ ᱨᱮᱱ ᱨᱩᱰᱞᱚᱯᱷ ᱫᱚ ᱯᱩᱭᱞᱩ ᱨᱟᱡᱟᱭ ᱵᱮᱱᱟᱣ ᱮᱱᱟ ᱾ ᱩᱱᱠᱩ ᱫᱚ ᱗᱕᱐ ᱥᱟᱭ ᱥᱮᱨᱢᱟ ᱟᱥᱴᱨᱤᱭᱟ ᱠᱚ ᱥᱟᱥᱚᱱ ᱠᱮᱫᱼᱟ ᱾ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱞᱟᱦᱟ ᱡᱚᱨᱢᱟᱱᱤ ᱚᱥᱴᱨᱤᱭᱟ ᱠᱚ ᱫᱚᱠᱷᱚᱞ ᱠᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱑᱙᱓᱘ ᱥᱮᱨᱢᱟ ᱠᱷᱚᱱ ᱑᱙᱔᱕ ᱥᱮᱨᱢᱟ ᱫᱷᱟᱹᱵᱤᱡ ᱟᱭᱢᱟ ᱤᱦᱩᱫᱤ ᱠᱚ ᱜᱚᱡ ᱚᱪᱚᱭᱮᱱᱟ ᱾ ᱑᱙᱔᱕ ᱥᱮᱨᱢᱟ ᱨᱮ ᱡᱚᱨᱢᱟᱱᱤ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱨᱮ ᱦᱟᱨᱟᱣ ᱠᱟᱛᱮ ᱱᱟᱥᱮ ᱫᱤᱱ ᱛᱟᱭᱚᱢ ᱚᱥᱴᱨᱤᱭᱟ ᱫᱚ ᱯᱩᱨᱟᱹᱯᱩᱨᱤ ᱯᱷᱩᱨᱜᱟᱹᱞ ᱮᱱᱟ ᱾
ᱚᱥᱴᱨᱤᱭᱟ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 83,883 km2 (32,390 sq mi) ᱾ ᱚᱥᱴᱨᱤᱭᱟ ᱨᱮᱱᱟᱜ ᱮᱛᱚᱢ ᱥᱮᱫ ᱫᱚ ᱡᱚᱨᱢᱟᱱᱤ ᱟᱨ ᱪᱮᱠ ᱯᱨᱚᱡᱟᱛᱚᱱᱛᱨᱚ, ᱥᱟᱢᱟᱝ ᱥᱮᱫ ᱫᱚ ᱥᱞᱳᱵᱷᱟᱠᱤᱭᱟ ᱟᱨ ᱦᱟᱝᱜᱮᱨᱤ, ᱠᱚᱧᱮ ᱥᱮᱫ ᱫᱚ ᱥᱞᱳᱵᱷᱮᱱᱤᱭᱟ ᱟᱨ ᱤᱴᱟᱞᱤ, ᱯᱟᱪᱷᱮ ᱥᱮᱫ ᱫᱚ ᱥᱩᱭᱡᱟᱨᱞᱮᱸᱰ ᱟᱨ ᱞᱤᱥᱴᱮᱱᱮᱥᱴᱟᱭᱤᱱ ᱾ ᱚᱥᱴᱨᱤᱭᱟ ᱫᱚ ᱟᱞᱯᱚᱥ ᱵᱩᱨᱩᱢᱟᱞᱟ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱤᱥᱚᱢ ᱨᱮ ᱫᱚ ᱟᱭᱢᱟ ᱜᱟᱰᱟ ᱟᱨ ᱵᱤᱨ ᱵᱩᱨᱩ ᱠᱚ ᱦᱚᱸ ᱢᱮᱱᱟᱜᱼᱟ ᱾
ᱚᱥᱴᱨᱤᱭᱟ ᱨᱮᱱ ᱢᱟᱹᱱᱢᱤ ᱫᱚ ᱨᱳᱢᱟᱱ ᱠᱮᱛᱷᱚᱞᱤᱠ ᱜᱮ ᱠᱚ ᱡᱟᱹᱥᱛᱤᱭᱟ ᱾ ᱗᱓ᱹ᱖ ᱵᱷᱟᱜᱽ ᱢᱟᱹᱱᱢᱤ ᱫᱚ ᱱᱚᱶᱟ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ ᱾ ᱛᱚᱵᱮ ᱫᱤᱱ ᱫᱤᱱ ᱛᱮ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚ ᱮᱴᱟᱜ ᱫᱷᱚᱨᱚᱢ ᱦᱚᱸ ᱠᱚ ᱯᱟᱸᱡᱟ ᱮᱫᱼᱟ ᱾ ᱱᱚᱸᱰᱮ ᱫᱚ ᱤᱥᱞᱟᱢ, ᱦᱤᱱᱫᱩ ᱟᱨ ᱮᱴᱟᱜ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ ᱾
ᱚᱥᱴᱨᱤᱭᱟ ᱨᱮᱫᱚ ᱡᱚᱨᱢᱟᱱ ᱯᱟᱹᱨᱥᱤ ᱨᱮᱱᱟᱜ ᱢᱤᱫᱴᱟᱹᱝ ᱵᱚᱫᱚᱞ ᱨᱩᱯ ᱜᱮᱠᱚ ᱵᱮᱵᱷᱟᱨᱟ ᱾ ᱚᱱᱟ ᱫᱚ ᱠᱚ ᱢᱮᱛᱟᱜ ᱠᱟᱱᱟ ᱟᱥᱴᱨᱤᱭᱚ ᱡᱚᱨᱢᱟᱱ ᱾ ᱟᱥᱴᱨᱤᱭᱚ ᱨᱮᱱ ᱟᱹᱫᱤᱵᱟᱹᱥᱤ ᱠᱚ ᱫᱚ ᱟᱠᱚᱣᱟᱜ ᱯᱟᱹᱨᱥᱤ ᱜᱮ ᱠᱚ ᱵᱮᱵᱷᱟᱨᱟ ᱾
This article uses material from the Wikipedia ᱥᱟᱱᱛᱟᱲᱤ article ᱚᱥᱴᱨᱤᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.