ᱚᱢᱟᱞᱟ ᱥᱟᱝᱠᱚᱨ (ᱡᱟᱱᱟᱢ, 27 ᱡᱩᱱ 1919ᱼ24 ᱡᱩᱞᱟᱭ 2020) ᱢᱤᱫᱦᱚᱲ ᱵᱷᱟᱨᱚᱛᱤᱭᱚ ᱮᱱᱮᱡ ᱠᱟᱹᱨᱤᱜᱚᱞ ᱮ ᱛᱟᱦᱮᱸᱠᱟᱱᱟ ᱮᱱᱮᱡ ᱠᱟᱹᱨᱤᱜᱚᱞ ᱟᱨ ᱠᱳᱨᱤᱭᱳᱜᱨᱟᱯᱷᱟᱨ ᱚᱫᱽᱩᱫᱚᱭ ᱥᱟᱝᱠᱚᱨ ᱨᱮᱱ ᱮᱨᱟ ᱟᱨ ᱥᱮᱨᱮᱧ ᱠᱟᱹᱨᱤᱜᱚᱞ ᱟᱱᱚᱱᱫᱚ ᱥᱟᱝᱠᱚᱨ ᱮᱱᱮᱡᱤᱭᱟᱹ ᱢᱟᱢᱛᱟ ᱥᱟᱝᱠᱚᱨ ᱨᱮᱱ ᱟᱭᱳ (ᱛᱟᱭᱚᱢᱛᱮ ᱩᱱᱤ ᱫᱚ ᱯᱟᱴᱷᱚᱠᱤᱭᱟᱹ ᱮ ᱦᱩᱭ ᱞᱮᱱᱟ ᱟᱨ ᱥᱮᱨᱮᱧ ᱠᱟᱹᱨᱤᱜᱟᱹᱫᱤ ᱟᱨ ᱥᱮᱨᱮᱧ ᱥᱟᱯᱲᱟᱣᱤᱡ ᱨᱚᱵᱤ ᱥᱟᱝᱠᱚᱨ ᱨᱮᱱ ᱵᱳᱭᱥᱤᱭ ᱛᱟᱦᱮᱸᱠᱟᱱᱟ ᱾ ᱟᱡ ᱦᱚᱯᱚᱱ ᱚᱫᱽᱚᱭ ᱥᱟᱝᱠᱚᱨ ᱟᱜ ᱚᱞ, ᱢᱤᱫ ᱥᱟᱶᱛᱮ ᱥᱟᱯᱲᱟᱣ ᱟᱨ ᱪᱟᱪᱟᱞᱟᱣ ᱪᱤᱛᱟᱹᱨ 'ᱠᱚᱞᱯᱟᱱᱟ' ᱨᱮ ᱯᱟᱴᱷ ᱞᱮᱫᱟᱭ ᱚᱢᱟᱞᱟ ᱥᱟᱝᱠᱚᱨ ᱾ ᱩᱱᱤ 2020 ᱥᱟᱹᱦᱤᱛ ᱨᱮᱭᱟᱜ 24 ᱡᱩᱞᱟᱭ ᱥᱩᱨᱵᱚᱨ ᱢᱟᱦᱟ ᱵᱷᱟᱨᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱠᱚᱞᱠᱟᱛᱟ 101 ᱥᱮᱨᱢᱟ ᱩᱢᱮᱨ ᱨᱮ ᱜᱚᱡ ᱞᱮᱱᱟ ᱾
1919 ᱥᱟᱹᱦᱤᱛ ᱨᱮᱭᱟᱜ 27 ᱡᱩᱱ ᱵᱨᱤᱴᱤᱥ ᱵᱷᱟᱨᱚᱛ ᱨᱮᱭᱟᱜ ᱵᱟᱝᱞᱟ ᱯᱚᱨᱥᱤᱰᱮᱱᱥᱤ ᱨᱮᱭᱟᱜ ᱢᱮᱜᱟᱩᱨ ᱦᱚᱱᱚᱛ ᱨᱮᱭᱟᱜ ᱵᱟᱛᱟᱡᱳᱨ ᱟᱛᱳ ᱨᱮ ᱚᱢᱟᱞᱟ ᱥᱟᱝᱠᱚᱨ ᱡᱟᱱᱟᱢ ᱞᱮᱱᱟᱭ ᱾ ᱵᱟᱵᱟ ᱟᱦᱳᱭ ᱠᱩᱢᱟᱨ ᱱᱟᱱᱫᱤ ᱠᱷᱚᱡᱮ ᱛᱟᱸᱦᱮ ᱡᱮ ᱟᱡ ᱨᱮᱱ ᱜᱤᱫᱽᱨᱟᱹ ᱠᱚ ᱞᱟᱠᱪᱟᱨ ᱟᱨ ᱟᱛᱳ ᱠᱚ ᱪᱮᱛᱟᱱ ᱨᱮ ᱟᱹᱰᱤ ᱠᱚ ᱩᱥᱤᱭᱟᱜ ᱟ ᱾ 1931 ᱥᱟᱹᱦᱤᱛ ᱨᱮ, 11 ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚ ᱯᱮᱨᱤᱥ ᱨᱮ ᱡᱮᱜᱮᱫ ᱡᱟᱠᱟᱛ ᱩᱯᱟᱹᱭᱟᱱ ᱟᱠᱷᱲᱟ ᱨᱮᱭ ᱥᱮᱱ ᱞᱮᱱᱟ ᱾ ᱱᱚᱰᱮ ᱩᱱᱤ ᱫᱚ ᱚᱫᱽᱩᱫᱚ ᱥᱟᱝᱠᱚᱨ ᱟᱨ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱥᱟᱶ ᱮ ᱧᱮᱞ ᱞᱮᱱᱟ ᱾ ᱩᱱ ᱚᱠᱛᱚ ᱚᱢᱟᱞᱟ ᱫᱚ ᱯᱷᱨᱟᱠ ᱠᱚ ᱫᱚᱦᱚ ᱞᱮᱫᱟ ᱾ ᱚᱫᱽᱚᱭ ᱥᱟᱝᱠᱚᱨ ᱨᱮᱱ ᱟᱭᱳ ᱦᱟᱢᱚᱝᱜᱤᱱᱤ ᱫᱮᱵᱤ ᱩᱱᱤ ᱢᱤᱫᱴᱟᱝ ᱥᱟᱨᱤ ᱦᱚᱨᱚᱜ ᱞᱟᱹᱜᱤᱫ ᱮ ᱮᱢ ᱞᱮᱫᱟ ᱾ ᱩᱱᱤ ᱚᱫᱽᱭ ᱥᱟᱝᱠᱚᱨ ᱟᱜ ᱮᱱᱮᱡ ᱜᱟᱫᱮᱞ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱡᱮᱜᱮᱫ ᱨᱮᱭᱟᱜ ᱥᱮᱨᱮᱧ ᱠᱚ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾
1939 ᱥᱟᱹᱦᱤᱛ ᱩᱱᱤ ᱡᱚᱠᱷᱚᱱ ᱚᱫᱽᱚᱭ ᱥᱟᱝᱠᱚᱨ ᱨᱮᱱ ᱮᱱᱮᱡ ᱜᱟᱫᱮᱞ ᱥᱟᱶ ᱪᱮᱱᱱᱟᱭ ᱨᱮᱭ ᱛᱟᱦᱮᱸ ᱠᱟᱱᱟ, ᱩᱱ ᱢᱤᱫ ᱫᱤᱱ ᱧᱤᱫᱟᱹ ᱨᱮ ᱚᱢᱟᱞᱟ ᱴᱷᱮᱱ ᱮ ᱦᱮᱡ ᱞᱮᱱᱟ ᱟᱨ ᱩᱱᱤ ᱵᱟᱯᱞᱟ ᱨᱮᱭᱟᱜ ᱠᱟᱛᱷᱟ ᱮ ᱮᱢ ᱞᱮᱫᱟ ᱾ 1942 ᱥᱟᱹᱦᱤᱛ ᱚᱫᱚᱭ ᱥᱟᱝᱠᱚᱨ ᱚᱢᱟᱞᱟ ᱮ ᱵᱟᱯᱞᱟ ᱞᱮᱫᱮᱭᱟ ᱾ 1942 ᱥᱟᱹᱦᱤᱛ ᱰᱤᱥᱮᱢᱵᱚᱨ ᱨᱮ ᱩᱱᱠᱩᱣᱟᱜ ᱯᱳᱭᱞᱳ ᱠᱚᱲᱟ ᱟᱱᱚᱱᱫᱚ ᱥᱟᱝᱠᱚᱨ ᱡᱟᱱᱟᱢ ᱞᱮᱱᱟ ᱾ 1955 ᱥᱟᱹᱦᱤᱛ ᱡᱟᱱᱩᱣᱟᱨᱤ ᱨᱮ ᱩᱱᱠᱩᱣᱟᱜ ᱦᱚᱯᱚᱱ ᱮᱨᱟ ᱢᱟᱢᱛᱟ ᱥᱟᱝᱠᱚᱨ ᱡᱟᱱᱟᱢ ᱞᱮᱱᱟ ᱾ ᱚᱫᱽᱩᱫᱚ ᱥᱟᱝᱠᱚᱨ ᱟᱨ ᱚᱢᱟᱞᱟ ᱥᱟᱝᱠᱚᱨ ᱟᱹᱰᱤ ᱫᱤᱱ ᱠᱷᱚᱱ ᱢᱤᱫ ᱦᱚᱲ ᱦᱚᱲᱠᱩᱥᱤ ᱱᱟᱪᱚᱱ ᱡᱩᱨᱤᱭ ᱛᱟᱦᱮᱸ ᱠᱟᱱᱟ ᱾ , ᱛᱟᱭᱚᱢ ᱫᱟᱨᱟᱢ ᱨᱮ ᱚᱫᱽᱚᱭ ᱥᱟᱝᱠᱚᱨ ᱟᱡᱟᱜ ᱜᱟᱫᱮᱞ ᱨᱮᱱ ᱢᱤᱫ ᱠᱩᱲᱤ ᱥᱟᱶ ᱨᱳᱢᱟᱱᱤᱠ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟᱭ ᱟᱨ ᱩᱱᱤ ᱚᱢᱟᱞᱟ ᱵᱟᱝ ᱛᱟᱦᱮᱸ ᱠᱟᱛᱮ ᱪᱚᱱᱫᱟᱞᱤᱠᱟ ᱮ ᱵᱮᱱᱟᱣ ᱞᱮᱫᱟ ᱾ 1977 ᱥᱟᱹᱦᱤᱛ ᱨᱮ ᱚᱫᱽᱩᱫᱚ ᱥᱟᱝᱠᱚᱨ ᱮ ᱜᱚᱡ ᱞᱮᱱᱟ ᱾ ᱪᱟᱞᱟᱣᱮᱱ ᱠᱤᱪᱷᱩ ᱥᱮᱨᱢᱟ , ᱡᱩᱨᱤᱯᱟᱹᱨᱤ ᱫᱚ ᱵᱷᱮᱜᱟᱨ ᱞᱮᱠᱟᱛᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾ 2012 ᱥᱟᱹᱦᱤᱛ ᱨᱮᱭᱟᱜ ᱞᱮᱠᱟᱛᱮ, ᱚᱢᱟᱞᱟ ᱥᱟᱝᱠᱚᱨ ᱱᱤᱛᱦᱚᱸ ᱠᱟᱹᱢᱤᱣᱟᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱟᱡ ᱨᱮᱱ ᱦᱚᱯᱚᱱ ᱮᱨᱟ ᱢᱟᱢᱛᱟ ᱟᱨ ᱦᱚᱯᱚᱱ ᱮᱨᱟ ᱛᱟᱱᱩᱥᱨᱤ ᱥᱟᱝᱠᱚᱨ ᱥᱟᱶᱛᱮ ᱥᱟᱝᱠᱚᱨ ᱚᱲᱟᱜ ᱫᱚ ᱡᱩᱭᱟᱹ ᱫᱚᱦᱚ ᱟᱠᱟᱫᱟᱭ ᱾ ᱩᱱᱤ ᱛᱟᱦᱮᱸ ᱠᱟᱱᱟ ᱨᱚᱵᱤ ᱥᱟᱝᱠᱚᱨ ᱨᱮᱱ ᱥᱟᱭᱦᱟᱹᱭ, ᱡᱟᱦᱟᱸᱭ ᱫᱚ ᱢᱤᱫ ᱥᱚᱛᱟᱨ ᱠᱟᱹᱨᱤᱜᱚᱞ ᱛᱟᱸᱦᱮ ᱠᱟᱱᱟ ᱾ ᱜᱮᱞᱟᱝ ᱦᱟᱹᱵᱤᱡ ᱠᱟᱹᱢᱤᱣᱟᱱ ᱛᱟᱦᱮᱸ ᱠᱟᱛᱮ, ᱩᱱᱤᱭᱟᱜ ᱢᱩᱪᱟᱹᱫ ᱯᱟᱴᱷ ᱛᱟᱦᱮᱸᱠᱟᱱᱟ 92 ᱥᱮᱨᱢᱟ ᱩᱢᱮᱨ ᱨᱮ ᱮᱱᱮᱡ ᱪᱤᱛᱟᱹᱨ 'ᱥᱤᱛᱟᱥᱚᱭᱚᱢᱵᱚᱨ', ᱡᱟᱦᱟ ᱨᱮ ᱩᱱᱤ ᱨᱟᱡᱟ ᱡᱚᱱᱚᱠ ᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾
ᱚᱢᱟᱞᱟ ᱥᱟᱝᱠᱚᱨ ᱠᱚᱞᱯᱟᱱ (1948) ᱪᱤᱛᱟᱹᱨ ᱨᱮᱭ ᱚᱵᱷᱤᱱᱚᱭ ᱞᱮᱫᱟ ᱾ ᱪᱤᱛᱟᱹᱨ ᱫᱚ ᱚᱞ, ᱢᱤᱫ ᱥᱟᱶᱛᱮ ᱥᱟᱯᱲᱟᱣ ᱟᱨ ᱥᱟᱯᱲᱟᱣ ᱞᱮᱫᱟᱭ ᱚᱫᱽᱫᱮ ᱥᱟᱝᱠᱚᱨ, ᱡᱟᱦᱟᱸᱭ ᱫᱚ ᱪᱤᱛᱟᱹᱨ ᱨᱮ ᱯᱟᱴᱷ ᱞᱮᱫᱟᱭ ᱾ ᱚᱢᱟᱞᱟ ᱫᱚ ᱳᱢᱟ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱚᱢᱟᱞᱟ ᱥᱟᱝᱠᱚᱨ 2012 ᱥᱟᱹᱦᱤᱛ ᱨᱮ ᱠᱟᱱ ᱪᱚᱞᱚᱛ ᱪᱤᱛᱟᱹᱨ ᱟᱠᱷᱲᱟ ᱨᱮᱭ ᱥᱮᱞᱮᱫ ᱞᱮᱱᱟ, ᱡᱟᱦᱟᱸᱨᱮ ᱪᱤᱛᱟᱹᱨ ᱫᱚ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱚᱢᱟᱞᱟ ᱥᱟᱝᱠᱚᱨ ᱢᱤᱫ ᱵᱤᱵᱮᱹᱧ ᱢᱮᱱ ᱞᱮᱫᱟᱭᱼ "2012 ᱠᱟᱱ ᱪᱚᱞᱚᱛ ᱪᱤᱛᱟᱹᱨ ᱯᱚᱨᱚᱵᱽ... ᱤᱧ ᱠᱟᱱ ᱪᱚᱞᱚᱛ ᱪᱤᱛᱟᱹᱨ ᱯᱚᱨᱚᱵ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱪᱚᱞᱚᱛ ᱪᱤᱛᱟᱹᱨ ᱯᱟᱴᱷᱚᱠ ᱮ ᱛᱟᱸᱦᱮ ᱠᱟᱱᱟ... 81 ᱥᱮᱨᱢᱟ ᱛᱟᱭᱚᱢ ᱤᱧ ᱠᱟᱱ ᱨᱮᱭ ᱨᱩᱣᱟᱹᱲ ᱦᱮᱡ ᱟᱠᱟᱱᱟ ᱾
ᱥᱮᱨᱢᱟ | ᱪᱚᱞᱚᱛᱪᱤᱛᱟᱹᱨ | ᱥᱟᱯᱲᱟᱣᱤᱡ | ᱠᱳᱼᱥᱴᱟᱨᱠᱚ |
---|---|---|---|
1948 | ᱠᱚᱞᱯᱟᱱᱟ | ᱚᱫᱽᱩᱫᱚᱭ ᱥᱟᱝᱠᱚᱨ | ᱞᱚᱠᱠᱷᱤ ᱠᱟᱱᱛᱛᱚ, ᱚᱫᱽᱩᱫᱚᱭ ᱥᱟᱝᱠᱚᱨ |
This article uses material from the Wikipedia ᱥᱟᱱᱛᱟᱲᱤ article ᱚᱢᱟᱞᱟ ᱥᱚᱝᱠᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.