Робек Михаил Михайлович

Робек Михаил Михайлович — саха, эбээн тылларын бастакы тылдьыттарыттан биирдэстэрин оҥорбут киһи, быраас үөрэхтээх (штабс-лекарь чыыннаах), Москуба гражданина буолбут швед уола.

1753 сыллаахха төрөөбүт. 1768 сыллаахха Москуба сүрүн (генеральнай) госпиталыгар сулууспалыы киирбит, 1770 сыллаахха подлекарь сыбаанньалаах Иркутскай күбүөрүнэҕэ уоспалаабыт ыарыһахтары эмтиир соруктаах ыытыллыбыт. Онно 5 сылтан ордук үлэлээбит, Хотугу Муустаах далай кытылынан, Камчаатканан сылдьыбыт. 1776 сыллаахха лекарь сыбаанньатын ылбыт уонна Ниэрчинскэй батальонугар ыытыллыбыт, онно собуот госпиталларыгар сэбиэдиссэйдээбит. 1780 сыллаахха Кронштадка адмиралтейство госпиталыгар көһөрүллүбүт. 1784 сыллаахха штаб-лекарь чыынын ылбыт, Кронштадт 1-ы батальонугар сулууспалаабыт.

1785 сыллаахха атырдьах ыйын 8 (19) күнүгэр тахсыбыт Екатерина II ыраахтааҕы ыйааҕынан кистэлэҥ географическо-астрономическай байҕал эспэдииссийэтигэр (Биллингс эспэдиссийэтэ) анаммыт. Онтон төннөн баран 1794 с. ахсынньыга наҕараадаламмыт: биир сыллаах хамнаһын икки төгүллээх кээмэйинэн харчынан бириэмийэлэммит, сыллааҕы хамнаһын кээмэйинэн өлүөр диэри биэнсийэ анаммыт, коллегия асессора чыын иҥэриллибит.

1796 сыл кулун тутар 28 күнүгэр (эргэ истиилинэн) Гатчина куоратын госпиталыгар сулууспаҕа анаммыт. 1797 сыл ыам ыйын 29 күнүгэр надворнай советник чыынын ылбыт. 1803 ыам ыйын күнүгэр Опекуннар Сэбиэттэрин биэдэмистибэтигэр көһөрүллүбүт. 1804 с. Дьадаҥылар балыыһаларыгар бырааһынан үлэлээбит. Гатчина госпиталыгар штаб-лекарынан 1808 сыллаахха диэри үлэлээбит; 1805 с. тохсунньу 10 күнүгэр коллегия советнига чыынын ылбыт.

Тылдьыкка үлэтэ

Иосиф Биллингс эспэдииссийэтин чилиэнэ буола сылдьан Сибиир уонна Алеут арыыларын 12 омугун тылдьытын хомуйбута. Онно 800 саха, 200 Халыма эбээннэрин тылын-өһүн киллэрбитэ 1811 сыллаахха Г.А. Сарычев кинигэтигэр сыһыарыы быһыытынан тахсыбыта. Тылы хомуйарга П.С. Паллас үөрэппит дииллэр. Бу үлэни О.Н. Бетлингк үрдүктүк сыаналаабыта.

Быһаарыылар

Tags:

Саха тылаЭбээн тыла

🔥 Trending searches on Wiki Саха тыла (Saxa Tyla):

ИччилэрЫйПотапова Елизавета ФедотовнаТүһүк (тыл)Тымныы сэрииГринвуд СээмэтриКүн тэҥнэһиитэЭнциклопедияБактерияларСэтинньи 14Сомоҕо домохКатар1963ИраанОрганизмЛиибийэЗверев Сергей АфанасьевичЛарионов Владимир ПетровичВаршава1966Эҕэрдэ сурукХарамайПланетаХрущёв Никита СергеевичБиология2001Брутто ис оҥоhукТарбахов Иннокентий ИннокентьевичМароккоКулгаахБорис ЕльцинБэйэҕэ тиийинииОххунууШестаков Егор ПетровичКрокус Сити Һолл сиригэр терактNvidiaHarmony OSИиндийэМонакоДьахтарНью ЙоркБөрө отоМуус устар 2Григориан халандаараСэтинньи 7КырыымАаҥыл тылаБаайаҕа нэһилиэгэ (Таатта улууһа)Видео оонньуу1991Сахалыы ааттарКулун тутарЧуускунҮөһээ Бүлүү улууһаГлобализацияМүнхэнБрежнев Леонид ИльичC++Кытай тылаАҕа дойду Улуу сэриитэБоксКулун тутар 272016ФлейтаКонстантинов Иван ВасильевичНэдиэлэ🡆 More