Ракитин Василий Александрович
Васи́лий Алекса́ндрович Раки́тин (? — 1923) — Нуучча байыаннай салайааччыта.
Аан дойду маңнайгы сэриитин, Гражданскай сэрии илиңңи фронун кыттыылаађа. Үрүң гвардеец.
1918 сыл тохсунньутугар, Иркутскайдаађы кистэлэң тэрээһин ротатын командира буолан, бассабыыктары утары охсуһууга туруммута. 1918 сыл от ыйын 1 күнүгэр, Иркутскайга Сэбиэскэй былааһы суулларалларыгар, Василий Ракитин капитан чыыныгар сылдьара. 1918 сыл күһүнүгэр 12-с Верхнеудинскайдаађы стрелковай полка хамандыырынан анаммыта. 1919 сыл тохсунньутугар В.Ракитин полковник чыыныгар таһаарыллыбыта, ол кэнниттэн 3-с Иркутскайдаађы уонна 15-с Воткинскайдаађы стрелковай дивизиялар холбоһуктарын командующайа буолбута. Тохсунньу ыйтан 1921 сыл балађан ыйын 21 күнүгэр дылы 3-с Иркутскайдаађы стрелковай дивизияны хамаандалаабыта. Ити кэмңэ кини генерал буолбута. Ол кэнниттэн Ракитин 2-с стрелковай корпус Иркутскайдаађы стрелковай полкатын хамаандалаабыта. 1921 сыл бэс ыйын 21 күнүгэр диэри Приамурскайдаађы Временнэй правительство сэриилэрин дьаһайсар генералынан сылдьыбыта.
1922 сыл сайыныгар генерал Пепеляев «Татарскай проливтаађы милициятыгар» киирбитэ уонна олору кытары Саха сиригэр барсыбыта. 1922 сыллаахха балађан ыйын 6 күнүгэр Охуоскайдааҕы десаңңа кыттыбыта. Охуоскайга Ракитин генерал Саха сиригэр Амма-Охуоскай суолунан Дьокуускайга тиийэ киириэхтээх бөлөђү баһылаабыта. Ол бөлөх дьону үрүңнэр диэки эргитэн, кыһыллары утары бартыһааннааһыны тэрийиэхтээх этэ. Ракитин бэйэтин бөлөђүн хамаандалаан, тайђанан айаннаан тиийэн Чурапчыны ылбыта. Ол эрээри, олунньуга оччолорго Төҥүлүгэ баар Мэҥэ улууһун быраабатын ылаары сэриигэ хотторон Дьокуускайга тиийэр былаана тохтубута. Пепеляевка Мэҥэ быраабатыгар кыайтарбытын туһунан отчуотугар сахалары буруйдаабыт, сатаан сэриилэспэттэр, куттастар диэбит.
Ол кэнниттэн, 1923 сыл олунньу 27 күнүгэр куораттан тахсыбыт кыһыл этэрээтэ кинини Чурапчыттан үтүрүйэн, төттөрү Охуоскайга чугуйарга күһэллибитэ.
1923 сыл бэс ыйын 5 күнүгэр Владивостоктан борохуотунан Охуоскайга Степан Вострецов хамандыырдаах кыһыллар этэрээттэрэ эмискэ тиийэн кэлэн үрүҥнэри үлтүрүппүтэ. Ракитин кыһылларга бултуу сылдьан түбэспитэ уонна бэринимээри булт саатынан бэйэтин искэ ытыммыта. Ол бааһырыытыттан 1923 сыл бэс ыйын 7 күнүгэр Охуоскайга өлбүтэ.
Өссө маны көр
Туһаныллыбыт сирдэр
This article uses material from the Wikipedia Саха тыла (Saxa Tyla) article Ракитин Василий Александрович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.