Кулун Тутар 17: күнэ-дьыла

Сыл бүтүө 289 күн баар.

• Баҥладеш  Баҥладеш — Оҕо көмүскэлин күнэ
• Ирландия  Ирландия, Хотугу Ирландия  Хотугу Ирландия Монтсеррат  Монтсеррат, Ньюфаундленд уонна Лабрадор  Ньюфаундленд уонна Лабрадор — Сибэтиэй Патрик күнэ
• АХШ  АХШ, Бостон — Эвакуация күнэ (1776 сыллаахха Англия сэриилэрэ Бостонтан эвакуацияламмыттар)
• Италия  Италия — Былыргы Римҥэ бу күн Либер, Либера уонна Церера таҥараларга анаммыт либералия күнэ бэлиэтэнэр эбит. Сири оҥоруу уонна өҥ үүнүү таҥаралара
• Таиланд  Таиланд — Муай Тай күнэ

• Б.э.и. 45 сыл — Юлий Цезарь Тит Лабиен уонна Помпей Балыс баһылыктаах сэриини Мунда аттыгар кыайбыт. Бу кини өлүөн иннинэ бүтэһик кыайыыта этэ.
• 624 — мусульмааннар төрүт итэҕэллээх бэйэлэрин аймахтарын курайшиттары Бадра аттынааҕы кыргыһыыга кыайбыттар. Бу мусульманнар бастакы бөдөҥ кыайыылара этэ. Уус төрүттээччитэ Курайш — ислаамы төрүттээбит Мухаммед өбүгэтэ.
• 1400 — Тимур Дамаскай куораты ылбыт уонна халаабыт.
• 1805 — Италия өрөспүүбүлүкэтэ Италия хоруоллуга буолбут, Наполеон дойду хоруолунан ааттаммыт.
• 1922 — Капитан Николай Хапилин баһылыктаах үрүҥ этэрээт Булуҥу ылбыт.
• 1924 — Көмүс бириискэлэри салайан үлэлэтэр "Якутзолототрест" төрүттэммит.
• 1950 – Берклигэ Калифорния университетын учуонайдара 98-с элэмиэни синтезтээбиттэр, «калифорний» диэн ааты иҥэрбиттэр.
• 1959 — бу түүн Далай-лаама XIV Тибиэттэн Ииндийэ Дхарамсала куоратыгар күрээбит. Онно Тибиэт үүрүллүбүт бырабыыталыстыбата олохтоммут, билигин да баар.
• 1963 — Балига Агунг вулкан эстэн 1100-тэн тахса киһи өлбүт.
• 1969 — Голда Меир Израильга бастакы дьахтар премьер-миниистир буолбут.
• 1971 сыллаахха Дьокуускайга киинэ артыыстара ыалдьыттыы кэлбиттэр: Б. Андреев, М. Ладынина, Л. Смирнова, Нонна Мордюкова, Л. Хитяева, З. Кириенко, Л. Шаглова уонна Армения народнай артыыһа Гурген Тонунц. Режиссер А. Смирнов уонна сценарист В. Трунин «Белорусский вокзал» диэн ааттаах саҥа уус-уран киинэлэрин аҕалбыттар. Артыыстар Алдаҥҥа уонна Миирнэйгэ эмиэ сылдьыбыттар.
• 1991 — Бүтүн Сойуустааҕы референдум буолбут. Куоластаабыт дьон үс гыммыт биирэ ССРС оннунан хааларыгар этиммитэ. Ону кытта РСФСР олохтоохторун 70 % "РСФСР бэрэсидьиэнэ" диэн дуоһунас баар буоларыгар куоластаабыттара.
• 1992 — ЮАР-га буолбут референдумҥа (үрүҥ тириилээхтэр эрэ кыттыбыттар) саҥа конституция бигэргэтиллибит. Бу конституция хара уонна үрүҥ тириилээх дьон бырааптарын тэҥнээбитэ.
• 2007 — Бу иннинэ СӨ вице-бэрэсидьиэнинэн үлэлээбит Александр Акимов Москубаҕа Саха Өрөспүүбүлүкэтин бэрэстэбиитэлинэн анаммыт.

• 1856 — Михаил Врубель, нуучча аатырбыт худуоһунньуга (1910 өлб.).
• 1901 — Генрих Литинскэй, композитор, Саха АССР Норуот артыыһа.
• 1923 — Илин-Хаҥалас улууһугар Наахара нэһилиэгэр Николай Устинов - Буйака — Нам улууһун Таастааҕар учууталлаабыт, саҥа суруйан испит суруйааччы, Аҕа дойду сэриитигэр баран 1945 с. өлбүтэ.
• 1931 — Мэҥэ Хаҥалас улууһун Павловскай с. Юрий Коркин — Дьокуускай куорат горисполкумун бэрэссэдээтэлэ (1983—1988).
• 1938 — Мэҥэ Хаҥалас Майатыгар Марта Михайлова, ССРС үрдүкү үөрэхтээһинин туйгуна, СӨ култууратын үтүөлээх үлэһитэ (1998), филология билимин хандьыдаата, СГУ/ХИФУ профессора. Саха сирин суруйааччыларын сойууһун чилиэнэ.

• 1938 — Тэки Одулок (22.05.1906 төр.) — дьүкээгир бастакы суруйааччыта, учуонайа.