Егорова Татьяна Константиновна (1929 сыл, Бүлүүчээн нэһилиэгэ, Сунтаар оройуона, Саха АССР – 2019 с.), РСФСР үөрэҕириитин туйгуна, тыыл уонна улэ ветерана.
1929 с. – тохсунньу ый 5 күнүгэр Сунтаар оройуонун Бүлүүчээн нэһилиэгэр төрөөбүтэ. 1942 сылга, 6-с кылаас үөрэнээччитэ кыыска улахан дьону ликбез оскуолатыгар үөрэтэри итэҕэйбиттэрэ. Оскуола бүтэрэн баран, 1949 сылтан үөрэммит оскуолатыгар алын кылаас оҕолорун үөрэппитэ.
1955 с. – Саха государственнай университетын физико-математическай салаатын бүтэрбитэ. Ол сыл Кутана оскуолатыгар математика учууталынан үлэтин саҕалаабыта. Уруок таһынан эдэр учуутал нэһилиэк сэбиэтин дьокутаата , дьахталлар сэбиэттэрин бэрэссэдээтэлэ, совхоз агитатора этэ. Кэргэнэ Семенов А.Т. – Кутана орто оскуолатын директора буолбута.
1961-1964 сс.- кэргэнинээн Шея, Тойбохой оскуолаларыгар математика учууталынан һлэллир.
1965 с.- А.П.Павлов аатынан Сунтаар 1№-дээх орто оскуолатыгар математика учууталынан ананар. Бу оскуолаҕа бочуоттаах сынньалаҥҥа тахсан Дьокуускай куоракка көһүөр дылы айымньылаахтык үлэлээбитэ. Сүрүн үлэтин таһынан, кыраайы үөрэтиинэн дьарыктанара. Кэккэ сылларга оскуола музейын салайбыта, кыраайы үөрэтэргэ чинчийии үлэлэрин сэргэхтик тэрийэн ыытара. Кылаас таһынааҕы үлэнэн иитиигэ улахан болҕомтотун ууран үлэлээбитэ.
1974 с. – оройуоҥҥа бастакынан сайыҥҥы сынньалаҥ кэмигэр оҕуруот аһын үүннэрэр биригээдэни салайан үлэлэппитэ. Үөрэнээччилэр учууталларын кытта кыра астаах культуралары – редисканы, моркуобу, сүбүөкүлэни, укробу үүннэриинэн дьарыктаммыттара. Бу үлэҕэ ситиһиилэрин иһин «Социалистическай куоталаһыы кыайыылааҕа» бэлиэнэн наҕараадаламмыта.
“Педагогическая энциклопедия”. Т3/ М-во образования Респ. Саха (Якутия).[редкол.:Габышева Ф.В. и др;сост.Иванова В.С.].- Якутск: Офсет, 2005 -119с.
Во имя жизни.Сунтарский район в годы Великой Отечественной войны 1941-1945 гг./МР «Сунтарский улус (р-н)» РС(Я), Поисковая экспедиция «Наследники Победы»; [авт. сост.: А. В. Антонова, И. Н. Сивцева, С. Н. Лидочен, Е. Б. Мурзабаев и др; отв. ред . А. В. Антонова, В.С. Сивцев]-Якутск: Компания Дани-Алмас, 2015 – 251 с.
Первая улусная школа Якутии документы, фотографии, воспоминания о ССОШ №1 имени А.П.Павлова (1862-2012)/ МБОУ «Сунтарская СОШ №1 имени А.П.Павлова»; [сост. А.С.Матвеев и др; гл.ред.З.И.Игнатьева]. – Якутск: Компания «Дани Алмас», 2012. – 137-138 с.
This article uses material from the Wikipedia Саха тыла (Saxa Tyla) article Егорова Татьяна Константиновна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.