Николаев Витсен (нидерл. Nicolaes Witsen; 8 ыам ыйа 1641(16410508) – 10 атырдьах ыйа 1717) — Голландия бэлиитигэ, урбаанньыт, картограф, Амстердам 1682 сылтан 1706 сылга диэри бургомистра (13 болдьоххо олорбута), Ост-Ииндийэ хампаанньатын управляющайа.
{{{Аата}}} | |
Билэ:Nicolaes witsen.jpg уонна Michiel van Musscher - Portret van Nicolaes Witsen (1641-1717) - SK-A-5016 - Rijksmuseum.jpg | |
Гражданствота: | Республика Соединённых провинций |
---|---|
Биики Хааһахха |
Витсен бу сылдьан тиһигин быспакка күннүк суруммута, бэлиэтээһиннэри, ойуулааһыннары оҥороро. Москуба, Новгород, Псков дьиэлэрин уруһуйдаабыта баар.
Аан бастаан Н. Витсен Голландия Борейль Якоб посольствотын састаабыгар киирэн 1664–1665 сылларга Нуучча государствотыгар сылдьыбыта.
Витсен Арассыыйаҕа айаннын туһунан бэйэтин суруйууларын сүрүннээн 25 сыл үлэлээбитэ уонна 1690 сыллаахха Европаҕа бастакынан Сибиир каартатын бэчээттэппитэ. Европа картографиятын үгэһигэр сөп түбэһиннэрэн онтун " Тартария» (лат. Tartaria, фр. Tartarie, ааҥл. Tartary, ниэм. Tartarei) диэн ааттаабыта. Бу каарта Арассыыйа Азияҕа сирдэрин кыраныыссатын аан бастаан көрдөрбүтэ уонна Сибиир научнай чинчийиилэригэр олук уурбута, каарта суолтата XVIII үйэ тухары сүппэтэҕэ.
Витсен картатыгар Камчатка өрүһү көрдөрбүтэ, бу Камчатканы бастакы суругунан ахтыы (бу сири В. Атласов 30 сыл буолан баран биирдэ "арыйбыта").
1692 сыллаахха Амстердамҥа Витсен «Хотугу уонна Илиҥҥи Тартария» (нидерл. Noord en Oost Tartarye) диэн бөдөҥ үлэтин таһаартарбыта. Бу Арҕаа Европаҕа Сибиир уонна онно олорор омуктар тустарынан аан бастакы этнографияҕа уонна георафияҕа сыһыаннаах кинигэ этэ. 10 сыл буолан баран, 1705 сыллаахха, кинигэтин иккис таһаарыытын таһаартарбыта. Ол суруйуутугар кини оччотооҕуга биллэр кинигэлэри барытын туһаммыта, ону таһынан Европаҕа, Арассыыйаҕа уонна Азияҕа баар билсиилэриттэн информация эбии хомуйбута.
1693 с. Арассыйаны кытта эргиммитэ. Нуучча култууратын уонна уопсатыбатын туһунан киэҥ билиилээх этэ. Ыраахтааҕы Петр I үөрэҕэр кыттыыны ылбыта — Недерланд тылын ыраахтааҕыга кини чугас доҕоро уонна аймаҕа Андриес (Андрей) Виниус үөрэппитэ.
Петр I реформатын өйүүр этэ, Нидерландыга "нуучча лоббитын» баһылаабыта. Кинини утарааччы Гаагаҕа ордууламмыт бэлиитиктэр Арассыыйа күүһүрэрин сөбүлээбэттэрэ, ол түгэнигэр дойдулара Швецияны кытта ситимэ мөлтүрүттэн дьиксинэллэрэ.
This article uses material from the Wikipedia Саха тыла (Saxa Tyla) article Витсен, Николаас, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.