Споене Кральовство Великой Британии И Ирландии

О днесь екзистуючой державѣ см. Споене кральовство.

Споене кральовство Великой Британии и Ирландии United Kingdom of Great Britain and Ireland ↓ 1801 – 1922 ↓ Застава Споеного кральовства Герб Споеного кральовства
Гимна: God Save the King/Qeen (Боже, хрань краля/кральовну)
География
Главный город	Лондон
Розлога	315,093 km²
Обывательство
Число	1801: 16 000 000 1911: 45,370,530
Языкы	English, Scots, Cymraeg, Scottish Gaelic
Державна организация
Форма влады	конштитучна монархия
Валута	либра штерлингох
Взник	1. януар 1801, уния з Ирландиов
Заник	6. децембер 1922, одокремив ся Ирскый слободный штат
Предходникы: Кральовство Великой Британии Кральовство Ирске Наступникы: Споене кральовство Великой Британии и Сѣверной Ирландии Ирскый слободный штат

Споене кральовство Великой Британии и Ирландии, англ. United Kingdom of Great Britain and Ireland, взникло яко суверенный штат 1. януара 1801 на основѣ Акта о унии з року 1800, котрым ся злучили Кральовство Великой Британии и Кральовство Ирске. Од року 1916 в Ирландии зачав ся и наберав силу сепаратизм, была выголошена, а наконець в року 1919 ирскым парламентом конштитуована Ирска република, котру в Лондонѣ не вызнали, што вело ку Британско-ирской войнѣ. Война закончила ся догодов 6. децембра 1922, котров ся територия острова роздѣлила: двадцять шѣсть зоз тридцятьох двох областьох Ирландии выступили з унии и заложили Ирскый слободный штат на правах доминиона британской коруны (нескоршу Ирску републику). Сѣверна Ирландия зостала частьов Споеного Кральовства, а пак в року 1927 британскый парламент схвалив нову назву державы Споене кральовство Великой Британии и Сѣверной Ирландии, под котров назвов ествуе доднесь.

В добѣ кральовной Виктории, (1837–1901), котра была на тронѣ 64 рокы, Британска империя ся значно розмогла, а Споене кральовство стало ся наймогутнѣйшым индустриалным и финансовым центром свѣта.

Свого найвекшого росширѣня дожила ся Британска империя в року 1917, за краля Георга V., коли Перва свѣтова война привела ку занику Российской империи, Австро-Мадярщины, Османской империи и Нѣмецкого цѣсарства.

Ганноверцѣ

• Георг ІІІ., англ. George III (1760–1820)
• Георг ІV., англ. George IV (1820–1830)
• Виллиам ІV., англ. William IV (1830–1837)
• Виктория, англ. Victoria (1837–1901)

Саско-Кобургско-Готайцѣ

• Едвард VII., англ. Edward VII (1901–1910)
• Георг V., англ. George V (1910–1922; титул носив до 1927; в року 1917 в силной анти-германской атмосферѣ розорвав династичну линию Саско-Кобургско-Готайску и став ся первым монархом династии Виндзоровцьох.)

• Mowat, Charles Loch. Britain between the wars: 1918–1940 (1955), pp. 57-108. англ.
• Act of Union 1800. англ.