Пиаристы

Школы пиаристох суть духовны, регулны, худобны, Богородичны, благочинны:

• духовны, бо в них учителями и воспитателями суть монахы, люде духовного стану, и в них ся выучують религийны предметы;
• регулны, бо штил живота ордена описаный в Штатутах ордена, котры суть регулов, лат. regula, обовязуючыма правилами;
• худобны, бо суть назначены худобным и учать на скромный живот, покорность и другы добры якости;
• Богородичны, бо Богородиця е патронков школ и примѣром воспитателькы;
• благочинны, бо в них выука е дѣлом совѣсти, довга, чистого сердця, лат. pius 'благочестивый', а не за грошѣ.

• 1597 — в Римѣ Йозеф Каласанс отворив перву публичну безплатну школу в Европѣ;
• 1617 — Папа Павел VI. декретом дня 6. марца створив Павлинску конгрегацию худобных Богородичных благочинных школ;
• 1621 — Папа Григорий XV. папскым посланьом дня 18. новембра подняв конгрегацию благочинных школ на статус рядного монашого ордена;
• 1631 — пиаристы пришли на Мораву;
• 1640 — пиаристы пришли до Чешского кральовства;
• 1642 — пиаристы пришли до Речи Посполитой;
• 1646 — Папа Инноцент X. знизив статус ордена до конгрегации;
• 1648 — 25. августа умер закладатель ордена Йозеф Каласанс;
• 1665 — пиаристы отворили школы в Мадярском кральовствѣ;
• 1669 — Папа Клемент ІX. вернув статус ордена, котрый одтогды доднесь не мѣняв ся.

• Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Том 19, сс. 702-703. чеш.
• Kegyesrendiek... //Révai nagy lexikona. Révai Testvérek Irodalmi Intézet Részvénytársaság, Budapest. 1914. Том 11, с. 400. мад.
• Харизма ордена. бѣл.

 

Вікісклад має мултімедіалны дата на тему:

Пиаристы