Штат Ню Йорк
Ню Йорк, англ.
Администрачный центер — город Олбани. Ню Йорк вошов до США яко еденадцятый штат 26. юла 1788.
| Ню Йорк | |
|---|---|
| New York (NY) | |
  Застава и печать | |
| Держава |  США |
| Подрядность | США |
| Заложѣня | 26 юлій 1788 |
| Розлога | 141 300 км2 |
| Обывательство | 19 542 209 особ (2018) |
| Центер | Олбани 42°39′9″N 73°45′26″W / 42.65250°N 73.75722°W |
| Зложѣня | 62 округы |
| Язык | урядно не вызначеный |
| Губернатор | Kathy Hochul (D) |
| Интернет-сайт | https://www.ny.gov/ англ. |
 | |
 Ню Йорк на ВикискладѣVIAF:146785329;GeoNames:5128638;OSM:61320; | |
География
В штатѣ лежить найвекшый город США — Ню Йорк. Хоть в представѣ многых штат нерозвязно споеный з городом Ню Йорк, в реалности рельеф, природа и клима штата указують великы роздѣлы. В сѣверовосточной части, пограничной зоз Канадов и штатом Вермонт лежить горске пасмо Адирондак з найвысшов точков Маунт Марси, 1629 м н.м. В западной части, пограничной зоз Канадов и штатом Пенсилвания, е низина з великыма озерами Онтарио, Ири и Ниагарскыма водопадами.
Економика
Грубый економичный продукт штата найвекшый меджи вшиткыма штатами США и уступать ся лем дакотрым штатам свѣта. В Ню Йорку умѣщеный финанчный центер США. В економицѣ переважать сектор служоб. Главна експортна продукция: компютеры, електроника, готовы потравины.
Главны земледѣлскы културы оддавна: кендериця, жито, овес. В сучасности найвекшый зыск давать молочарство, овочництво, а захранило ся оддавна и винарство. Штат е найвекшым продуцентом капусты меджи штатами США, другым найвекшым продуцентом вина по Калифорнии и третьим найвекшым продуцентом грозна. Сумарно е пятым найвекшым продуцентом земледѣлской продукции в США.
История
Територию штату объявив в року 1609 Генри Гадсон и обсадили Голандяне, давши му имя Нова Голандия. В року 1664 добыли го Англичане и назвали го Ню Йорк. В року 1673 Голандяне вернули собѣ край, але лем накурто, бо в року 1688 зась утратили.
Жерела и одказы
- New York (stát). //Ottův slovník naučný. Illustrovaná encyklopaedie obecných vědomostí. Díl 18.. Praha: J. Otto. 1902.
- Alan K. Campbell, Paul Joseph Scudiere. New York state, United States (по англицкы). Encyclopaedia Britannica. https://www.britannica.com/place/New-York-state. [перевірено 2019-06-01].
Референции
Тоты даны суть часточно або цалком основаны на перекладї статї New York (state) на анґліцькій Вікіпедії.
This article uses material from the Wikipedia Русиньскый article Ню Йорк (штат), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.