Михаил Капраль, мад.
октобер">25. октобер 1957, село Новины, Млинівськый район (теперь Дубеньскый), Рівненьска область (Волынь) — мадярськый лінґвіста-славіста, діректор Русиньского інштітуту ім. Антонія Годинкы (2014-).
Михаил Капраль | |
---|---|
Káprály Mihály мад. | |
Фото з року 2003, Нїредьгаза | |
Познатый як | языкознатель |
Уроджіня | октобра 25, 1957 |
Научна робота | |
Сферы наук | русинистика |
Михаил Капраль на Commons |
Уродив ся Михаил Капраль в селї Новины, втогды Совєтьска Україна, в родинї оптантів з Остурнї. В роцї 1966 переселила ся родина Капралёвых до Закарпатьской области Україны. В Ужгородї в роцї 1976 закінчів середню школу. В роках 1980 аж 1983 штудовав на Ужгородьскій державній універзітї, в роках 1983 аж 1986 штудовав на Ленінґрадьскій універзітї на Факултї журналістікы. У 1996-ім роцї здобыв Михаил Капраль тітул кандідата наук на Кїєвскій державній універзітї Тараса Шевченка.
Капраль в роках 1986 – 1997 учів російскый язык на універзітї в Ужгородї, пізнїше учів як доцент Катедры україньской і русиньской філолоґій Высшой педаґоґічной школы в Нїредьгазї в Мадярьску (од року 2000 Нїредьгазька высша школа). Потім, што в роцї 2014 была катедра, яку основав Іштван Удварій, зрушена, Михаил Капраль іщі веце раз різным способом пробовавав обновити в даякій формі русиньску філолоґію в Мадярьску.
Окрем педаґоґічного дїятельства Михаил Капраль занимать ся і баданём русиньской пресы і бібліоґрафіёв Підкарпатьского общества наук, котре єствовало в роках 1941 аж 1944, меджі ёго науковы інтересы належыть і творчость Антонія Годинкы, вызначного русиньского науковця. Так само занимать ся языкознательством, заміряным главно на мадярьску варіанту русиньского языка, окреме в дїлї лексіколоґії і лексікоґрафії.
У 2006 роцї Цїлодержавна русиньска самосправа в Мадярьску оцїнила Михаила Капраля Преміёв Антонія Годинкы. У 2013-ім роцї му была удїлена як лавреатови незалежна літературна „Русская премия‟. Капраль стабілно бере участь на Світовых конґресах Русинів і на Меджінародных конґресах русиньского языка. Так само є часто запрошеный на різны науковы конференції. У 2014 роцї М. Капраль став директором Русиньского науково-бадательского інштітуту Антонія Годинкы.
Капраль є плодным автором різных науковых і популарно-науковых робот. Почас свого наукового дїяльства написав стовкы одборных статей, котры вышли в різных меджінародных зборниках, русиньскых і нерусиньскых часописах і новинках. Так само є автором або співавтором (найчастїше із Іштваном Удваріом) дакілько учебників і словарїв, котры вышли в Мадярьску, едітовав дакілько збірників. Тяжко із довгого списку публікацій, під котрыма є Михаил Капраль підписаный, выбрати найглавнїшы, но мож спомянути холем дакотры.
This article uses material from the Wikipedia Русиньскый article Михаил Капраль, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.