Йозеф Мор
Йозеф Франц Мор (нїм.
Joseph Franz Mohr; *11. децембер 1792, Залцбург — †4. децембер 1848, Ваграйн) — католицкый священик, поет, автор текста свѣтознамой колядкы Тиха ночь.
| Йозеф Мор | |
|---|---|
| нѣм. Josephus Franciscus Mohr | |
 | |
| Чинность | композитор, писатель, священик, поет, католицький священник |
| Горожанство | Австрія |
| Уроджѣня | децембра 11, 1792 |
| Залцбург, Австрия | |
| Упокоеня | децембра 4, 1848 (55 р.) |
| Ваграйн, Австрия | |
| Причина смерти | запал плюц |
Похованя: Ваграйн, Cemetery of Pfarrkirche hl. Rupert, Wagrain 8227674
| |
| Язык творов | Нїмецькый |
| Magnum Opus | |
| Тиха ночь | |
 Йозеф Мор на ВікіскладѣVIAF:24695689; GND:118734504; LCCN:n50001340; FAST:284; BNF:124459986; NLKR/NLC:xx0007029; OL:OL22918A; | |
.jpg)
Молоды рокы в Залцбургу
Пришов на свѣт в Залцбургу яко неманжелска дѣтина Анны Шойбер, плетарькы и гачковарькы родом з Галлайну. Отець му, Франц Мор, родом з Мариапфару быв вояком в Залцбургу, але здезертеровав, и слѣд по нем пропав. Подля тогдышных обычайох родити копыла быв не лем грѣх, але злочин. Такый хлопець подля обычая доставав имя отця, а тыж приберав имя од нанашка. Нанашко ся иншый не нашов, лем Йозеф Волмут, залцбургскый кат, котрый брав под свое поручництво копылох, жебы тым поправив свою злу славу. Дѣтвак од малости указовав наданость ку музицѣ и интелигенцию. Стямив го мѣстный священик Йоганн Непомук Гирнле и дав го учити ся до Бенедиктинского лицея, а пак до духовной семинарии. Про тото вшитко потребовав шпециалну диспензу яко неманжелскый дѣтвак. В року 1815, маючи лем 23 рокы намѣсто потребных 25, зась за окремов диспензов быв рукоположеный в священство.
Зроджѣня Тихой ночи
Первым мѣстом службы Мора в року 1815 став ся Мариапфар, де быв Костел Нашой Милой Панны з XII. стороча, и де одбывали ся каждорочны марианскы одпусты при чудодѣйной иконѣ Красна Мадона и поклон трьох мудерцьох. Тота икона и одпустова атмосфера в року 1816 иншпировала молодого священика ку написаню рождественого верша о «милом хлопчикови з кучерявов головков». В року 1817 Мор з причины слабого здоровля зостав перенесеный до климатично благодатнѣйшого Оберндорфу, де ся спознав и сприятелив з тамошным органистом Францом Грубером и в року 1818 попросив го скласти музику ку свому вершу. Так ся родила гирешна колядка-кантата Тиха ночь, котру въедно первый раз представили вѣрникам на Рождество 24. децембра 1818.
Далшы рокы
Йозеф Мор уже в року 1819 быв з Оберндорфа перенесеный на нове мѣсто службы и дале перемѣнив много мѣст. Аж в року 1927 быв повышеный на провизорного викаря и служив 9 рокы на едном мѣстѣ (Гоф и Гинтерзее). В року 1837 быв повышеный на викаря и перенесеный до Ваграйну, де служив до конця живота. Ту его усилованями появила ся школа, де ся могли учити понад сто дѣти, и заложив фундацию на подпору школованя дѣтей з худобных родин. Заложив тыж притулок про худобных и Дом самотных старых людей. Умер на запал плюц, коли застудив ся при зимушных навщѣвах хворых. Едине материалне богатство, котре по нем зостало была его гитара.
См. тыж
Жерела и одказы
Референции
This article uses material from the Wikipedia Русиньскый article Йозеф Мор, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.