Джеймс Олдридж

юл 1918 — †23. фебруар 2015) быв австралийскый писатель и новинарь. Его военны корешпонденции з Другой свѣтовой войны были публикованы по цѣлом свѣтѣ, и быв он автором понад 30 книг, як белетричных, так и литературы факту, главнѣ романох о войнѣ, пригодах и книг про дѣтей.

Джеймс Олдридж
James Aldridge
James Aldridge, 1987
Уроджѣня	Harold Edward James Aldridge юла 10, 1918(1918-07-10) Уайт Гиллс, Виктория, Австралия
Умертя	фебруара 23, 2015 (96 р.) Лондон, Споене Кральовство
Занятя	писатель, новинарь
Язык творох	анґліцькый
Горожанство	Австральскый Союз
Час творбы	1946—
Жанры	роман, повѣданя
Темы	война, пригоды
Супруг(а)	Дина Олдридж, 1943
Дѣти	Уильям Олдридж
Вызначны роботы	Дѣло чести (1942), Морскый орел (1944)
VIAF:97128264; GND:118647903; LCCN:n79027144; FAST:32468; BNF:11888359r; NLKR/NLC:jn19990000098; Большая советская энциклопедия [в 30 т.], 1969—1978, Obalky knih.cz, Армянская советская энциклопедия, том 12

Олдридж родив ся в Уайт Гиллс, передмѣстю Бендиго, штата Виктория в Австралии. В серединѣ 1920-х фамилия переселила ся до Свон Гилл, и многы з его австралийскых сужетох суть заложены на его споминках зоз тамошного живота. В року 1938 Олдридж переселив ся до Лондону и бывав там до конця живота.

В часѣ Другой свѣтовой войны Олдридж служив на Близком Востоку яко военный корешпондент и репортовав, як войска держав Оси вдерають ся до Греции и на Крету. На основѣ того, што там пережив, написав свой первый роман Дѣло чести (Signed with Their Honour) и книга вышла и во Великой Британии и в Соединеных Штатох в року 1942, и нараз ся стала бестселером. В центрѣ романа выгаданый молодый пилот Британского Кральовского Летунства Джон Квейл, котрый в роках 1940-1941 в небѣ Греции, Креты и Сѣверной Африкы пилотуе застарѣлый биплан Гладиатор против векшых и силнѣйшых летунскых сил держав Оси. Роман достав доста схвалны посуджѣня од рецензентох, включаючи Маями Ньюз подля котрых "...так артистично суть вымальованы сцены, же читатель видить порох и чуе укушѣня комара серед египетской пекоты".

Его другый роман Морскый орел (1944), котрый повѣдать о австралийскых вояках в часѣ бойох и утраты Креты в року 1941, быв тыж успѣшный, хоть и не мав самы добры рецензии, як первый. Але америцкый критик Н.Л. Ротман в Saturday Review хвалив роман за его "позачасовость" и высокоякостну росповѣдь. Ранны романы Олдриджа были под силным вплывом Ернеста Гемингвея. За Морского орла Олдридж достав в року 1945 литературну награду.^{en:John Llewellyn Rhys Prize}

Олдридж успѣшно выступив и з малыма прозами повѣданя, новела. Австралийскы спомины, атмосферу дѣтства зобразив в книзѣ Золото и пѣсок, 1960.

Олдридж веце раз навщивив СССР, его романы суть антифашистичного и антиколониалного замѣряня.

Од року 1951 Олдридж входив до веджѣня организации Писателе за мир. Року 1973 достав меджинародну награду Ленинска премия за упевнѣня миру.

В року 1972 достав золоту медалю од Меджинародной Организации Новинарьох (Organisation of International Journalists). Его дѣла опубликованы на 40 языках.

• Дѣло чести — Signed with Their Honour, 1942
• Морскый орел — The Sea Eagle, 1944
• Дипломат — The Diplomat, 1949
• Ловець — The Hunter, 1950
• Герои пустых горизонтох — Heroes of the Empty View, 1954
• Золото и песок — Gold and sand, 1960

• Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. ISBN 5-88500-002-6. С. 567.
• Янковський Ю.: Джеймс Олдрідж. //Джеймс Олдрідж. Твори. Київ, вид. ЦК ЛКСМУ «Молодь», 1974. 336 с. укр.
• Балашов П. С.: Джеймс Олдридж. //Большая Советская Энциклопедия.
• Филмы подля творох Джеймса Олдриджа англ.