Венецка Република

Пресвѣтла република Венецка Serenissima Repubblica di Venezia ит. ←  697 – 1797  → застава герб
География Венецка република,1796
Главный город	Венеция
Розлога	70 000 km² (концьом XV. ст.)
Обывательство
Число	2 100 000 (концьом XV. ст.)
Народностне зложѣня	Италиане, Греци
Языкы	италианскый, венецкый, латинскый
Набоженство	римокатолицке, православне
Державна организация
Форма влады	република
Взник	697
Заник	14. май 1797 (Наполеон Бонапарт заяв Венецию)
Предходникы: Византска империя Наступникы: Габсбургска монархия

Република з выбераным пановником, котрый ся называв дожа, екзистовала тысяч и сто рокы и была вызнамным економичным и торговым центром Середоморя.

 

Город Венецию основали в року 421, по падѣ Римской империи племена Венетох, котры жили на островах и занимали ся рыболовом и добываньом соли. Спочатку была частьов Остготского кральовства, а од року 555 — Византии. Од конця VII. стороча — република, на челѣ котрой стояв дожа, выбераный мѣстныма панами и схвальованый екзархом Равенны. Од року 840 подля догоды меджи Византиев и Франками Венецка република достала самостойность и поступно стала ся великым пунктом транзитной торговли меджи Выходом и Западом, зачала бити властны стрѣберны дукаты. Од XI. стороча зачала росширяти свои територии. В XI. – XII. сторочах стала ся силнов морсков державов, влада дожы была ограничена Радов мудрых, котру выберали патриции. Од року 1310 зачали выберати екзекучный орган (суд) — Раду десятьох. Република ся перетворила на олигархичну, де влада была в руках 200–300 родин. Найвекшой проспериты досягла в XIV. – XV. сторочах. По заятю Турками Константинополя (1453) и великих географичных объявлѣнях утратила вызнам про меджинародну торговлю и зачала упадати. В року 1797 завойована Наполеоном и перестала екзистовати як самостойный штат, а стала ся частьов Австрии.

Од року 2010 ся указуе рух в италиянском регионѣ Венето, котрый голосить за свою цѣль зысканя независимости бывшых територий Венецкой републикы путьом демократичных выберанок. Але тот рух посямѣст маргиналный и не мать шансы на успѣх.

• ВЕНЕЦИЯ. ЭНЦИКЛОПЕДИЯ Всемирная история. https://w.histrf.ru/articles/article/show/vienietsiia. [перевірено 2020-12-16]. русс.

 

Вікісклад має мултімедіалны дата на тему:

Венецка република