Варшавскый Пакт
Варшавскый пакт, уряднов назвов Договор приятельства, кооперации и взаемной помочи, англ.
- Обсяг договора
- Договор подписали 14. мая 1955 в Варшавѣ Албания, Болгария, ГДР, Мадярщина, Польща, Румыния, СССР и Чехословакия. Мотивациев было гарантованя беспекы держав участниць и утриманя миру в Европѣ перед грозбов, котру представляла чинность НАТО. В припадѣ нападу на едну из держав участниць, иншы повиновали ся подати жертвѣ нападу вшитку потребну неодкладну помочь включно зо збройныма силами. Штаб-квартира и Военна рада Варшавского пакту были улокованы в Москвѣ, СССР. Договор мав платность на 30 рокы, але 26. апрѣля 1985 быв пролонгованый на 20 рокы. В року 1987 была прията военна доктрина пакта, котра мала оборонный характер.
- Роспад пакта
- В договорѣ было упомянуто, же буде он роспущеный, начим буде досягнута згода меджи западным и восточным блоками о колективной беспецѣ. Совѣтскы гарнизоны, розмѣщены в Польщи и Мадярщинѣ были объектом ненависти в протестах обывательства тых держав в року 1956. В року 1956 СССР выхосновав договор при збройном засягу в Мадярщинѣ. Наслѣдком идеологичных незгод Албания од року 1962 не участнила ся в чинности пакта.
- Пражска ярь (1968) была далшым припадом военского засягу держав участниць до внуторных подѣй в членской державѣ; Албания и Румыния одрекли участь в операции, наступно Албания денонсовала договор. По падѣ комунистичных режимох в державах членках (1989) Варшавскый пакт став ся мертвым, 1. юла 1991 в Празѣ лидеры членскых держав декларовали його роспуск.
Жерела и одказы
- Большой энциклопедический словарь. Главный редактор А. М. Прохоров — Москва: Советская энциклопедия, 1993. — 1630 с. ISBN 5-85270-015-0 русс.
- Warsaw Pact, EUROPE (1955–1991). Encyclopaedia Britannica (online). https://www.britannica.com/event/Warsaw-Pact#ref241260. [перевірено 2020-04-07].англ.
- Гордиенко Д. В.. [2683231 ОРГАНИЗАЦИЯ ВАРШАВСКОГО ДОГОВОРА]. Большая российская энциклопедия (2016, online). 2683231. [перевірено 2020-04-07].русс.
Референции
This article uses material from the Wikipedia Русиньскый article Варшавскый пакт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.