Афера U-2
Афера U-2 — конфликт меджи Совѣтскым Cоюзом и Споеныма штатами в року 1960, котрый ся вывинув по зострѣлѣню америцкого звѣдницкого аероплана Lockheed U-2, пилотованого Ф. Г. Пауерсом над териториев СССР 1.
мая">1. мая 1960.
Шпионскы леты програмы U-2 были дозволены президентом Д. Айзенгауером. Коли видѣли, же пилот и аероплан пропали, зачали ширити «легенду», же то быв лет космичной агенции NASA, але пилот мав проблемы дыханя.Новинарям указали аероплан той значкы, помальованый колорами NASA.
5. мая 1960 совѣтскый премьер Никита Хрущов оголосив Найвысшому Совѣту СССР, же 1. мая над Свердловском быв зострѣленый америцкый звѣдницкый аероплан, и назвав тот лет «агресивным актом» Споеных Штатох.
Зато, же нич не повѣв о пилотѣ, Америчане, думали, же пилот мертвый и розвивали «легенду», же то быв метеорологичный лет, а пилот, кедь видѣв, же му не стачить оксигена, поклав далшый лет на автопилот.
Але 7. мая Хрущов додав, же пилот аероплана, Френсис Гери Пауерс спустив ся з парашутом, е живый и здоровый в безпечном мѣстѣ в Москвѣ и зознав ся, же вылетѣв з Пешавара, Пакистан, з улогов перелетѣти через Совѣтскый Союз на военный аеродром Буде в Норвегии, в ходѣ лету збераючи розвѣдну информацию. Пауерс признав ся, же е працовник Централной розвѣдной агенции США (CIA). Окрем того, з опубликованых Совѣтами фотографий, было видко, же шпионска апаратура аероплана достала ся в их рукы, а не была знищена, як то мав зробити пилот, кедь видѣв, же лет скраховав.
16. мая Хрущов, прилетѣвшый до Парижу на самит, зажадав од Айзенгауера перебачѣня за минулы шпионскы леты, покараня винных и скончѣня з програмов U-2. Дуайт Айзенгауер обѣцяв, же покаль буде при владѣ, такы леты не будуть. Тота одповѣдь не задоволила Хрущова и на другый день конференция была закрыта. 17–19. августа 1960 Френсиса Гери Пауерса судили, и достав 10 рокы однятя слободы, але уже 10. фебруара 1962 быв ослободженый вымѣнов за совѣтского шпиона Рудолфа Абела.
Жерела и одказы
- Brugioni, Dino A., and Doris G. Taylor. Eyes in the Sky: Eisenhower, the CIA, and Cold War Aerial Espionage (Annapolis, MD: Naval Institute, 2010), pp. 343–346.англ.
- U-2 Incident. Encyclopædia Britannica. May 21, 2020. https://www.britannica.com/event/U-2-Incident. [перевірено 2020-08-23].англ.
Референции
This article uses material from the Wikipedia Русиньскый article Афера U-2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.