Перечин

В сучасности мать Перечин 6.737 жытельох (2016).

Город Украины Перечин Застава Герб Держава УкраинаУкраина Область ЗакарпатскаЗакарпатска Еврорегион Карпаты Мер Иван Погорѣляк Координаты 48.734167, 22.46861148°44′03″ с. ш. 22°28′07″ в. д. / 48.734167° с. ш. 22.468611° в. д. (G) (O) (Я) Розлога 7,45 км² Надморска вышка 171-196 м Обывательство 6 737 особ (2016) Часова зона UTC+2, влѣтѣ UTC+3 Телефонный код +380 3145 Поштовый индекс 89200—89202 КОАТУУ 2123610100 Официалный сайт [1] укр. Перечин Перечин на Викискладѣ

Варошскый статус Перечин достав в року 2004.

Лежить в долинѣ рѣкы Уг, о 21 км на сѣвер од Ужгорода. Через Перечин иде асфалтка Ужгород–Львов и желѣзнична линия Чоп–Москва.

Середня теплота януара -3,9°С, юла 19,3°С. Вышковый роздѣл в катастровых границях 25 м.

Надморска вышка Уга на входѣ до Перечина 149 м (район Бантлинова товарня, суток з Турьов), на выходѣ 142 м (готарь Яслище), вышка дорогы в том мѣстѣ 156 м. Интерполация тых дат давать нижню середню вышку Перечина 171 м. Верхня середня вышка з доданьом вышкового роздѣлу пак буде 196 м.

Мадярска доба

Перва упоминка о селѣ походить з року 1399, а в року 1427 село упомянуте, як часть доминии грофох Другетох, котрому належало до року 1691, коли перешло у властность грофа Берченьи.

Найдавнѣйша печатка Перечина, яка дошла до нас, походить з року 1823, в тот час село уже належало ерару; а найдавнѣйшым старостом (бировом), за котрого заховали ся упоминкы быв Иван Иваник, што бировив в серединѣ XIX. стороча, потомкы котрого жиють в Перечинѣ донынѣ. На основѣ найстаршых упоминок и печаток варошска рада в року 1999, коли Перечин святковав 600-роча, схвалила днешный герб Перечина, на котром стоить и рок его основаня.

В року 1893 нѣмецке акционерне товаришство Бантлин отворило в Перечинѣ лѣсохемичный комбинат, де з букового дерева выробляли смолу, ацетон, метиловый шпиритус, оцтовый квас и др. Комбинат мав филиалку в Тури Быстрой, де мали роботу 156 особ, а в року 1903 лем в самом Перечинѣ мали роботу 272 сталы роботници. В тых роках аж до Ужоцкого перехода потягли желѣзницю, в Перечинѣ збудовали желѣзничну штанцию, отворили фирес з 30 робочыма мѣстами, де продуковали шлиперы про штреку.

Чехословацка доба

14. януара 1919 Перечин окуповало чешске войско, але в апрѣлю мусѣло лишити село. Мѣстны лѣвы пробовали установити владу Совѣтох, але неодовго Чехы ся вернули и той владѣ настав конець. За Чехох ся стали позитивны змѣны в културѣ. В роках 1928-30 збудовала школу на 400 мѣст чешска фирма Лана, тота сама, што будовала район Галагов в Ужгородѣ. Коли подля Вѣденьского арбитражу 2. новембра 1938 Ужгород передали Мадярщинѣ, Перечин обстав ся в Карпатской Украинѣ.

Фирма Бантлин перешла у властность Живнобанкы. На перечинской фабрицѣ робило уже 2000 роботникох, але наслѣдком кризы в року 1936 зостало лем 200.

Друга мадярска доба

Од 15. марца 1939 до 27. октобра 1944 Перечин быв окупованый Мадярами.

Совѣтска доба

Зачала ся 27. октобра 1944 з приходом Червеной армады. В совѣтскый период отворили сокову и древообробну фабрикы, промысловку, дом културы. В року 1968 отворили фабрику радиоелектронных сучасток «Стеатит», днесь закрыту. В року 1988 завели природный газ зоз Уренгоя.

Памяткы архитектуры, истории и умѣня:

• Свято-Николайовска церква (1763—69)
• костел св. Августина (1906)
• памятник поштарю Федору Фекетѣ (автор М. Белень)

Шпорт и рекреация:

• лыжарска база на горѣ Плѣшка (5¹/₂ км воздухом, около 15 км пѣшым ходом)

• Вербиленко Г. А.: Перечин. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ISBN 966-00-0632-2; том 8 (2011) ISBN 978-966-00-1142-7, с. 141.
• Географічна енциклопедія України, 3 том; К., «Українська енциклопедія», 1993. ISBN 5-88500—020—4
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5.
• Кудрицкий А.В. и др. (ред.). Украинский советский энциклопедический словарь в трех томах. / Главная редакция Украинской Советской Энциклопедии им. М.П. Бажана. К., 1988. Том 2. ISBN 5-88500-002-6.
• Тронько П. и др. (ред.) Історія міст і сіл України. Том 7. Закарпатська область. К. 1969.

 

Вікісклад має мултімедіалны дата на тему:

Перечин

• ПЕРЕЧИН, ПЕРЕЧИНСЬКИЙ РАЙОН, ЗАКАРПАТСЬКА ОБЛАСТЬ. //Історія міст і сіл України. Том 7.
• Достал Я. Підкарпатська Русь (Закарпаття періоду Чехословацької республіки: 1919-1938) pdf [2]
• Мапа высот в околици, гора Плѣшка [3]
• Сергій Федака: Перечин.