Мянма (бурм.
မြန်မာ, [mjəmà], до 1989 Бурма), офіціално Републіка Мянмарьскый союз (ပြည်ထောင်စု သမ္မတ မြန်မာနိုင်ငံတော်) — країна в Юговыходній Азії. Гранічіть з Банґладешом і Індійёв на северозападї, Китайом на северовыходї, Лаосом и Таїландом на юговыходї; на юзі выходить на Андаманьскоє море і Бенґальскый залив. Занимат 10. місто в Азії подля площі. Населїня числит приблизно 54 міліоны (2017). Головне місто є Нейпїдо, майбулшый город є Янґон. Член АСЕАН (Асоціації держав Юговыходной Азії) уд 1997. рока.
Републіка Мянмарьскый союз ပြည်ထောင်စု သမ္မတ မြန်မာနိုင်ငံတော် | |||||
---|---|---|---|---|---|
Головный город | Нейпїдо 19°45′N 96°6′E / 19.750°N 96.100°E | ||||
Майбулшый город | Янґон | ||||
Офіціалні языкы | бурмськый | ||||
Форма влады | |||||
- | президент | Він Мїн | |||
- | державна канцеларька | Аун Сган Су Тсі | |||
Територія | |||||
- | вєдно | 676 578 км2 (39.) | |||
- | водної поверьхности, % | 3,06 | |||
Обывательство | |||||
- | перепис 2017 | 53 582 855 (26.) | |||
- | густота | 76 км2 (125.) | |||
ГВР (ВВП) | шацованя 2019. року | ||||
- | вєдно | 355 міліардув доларув США | |||
- | на єдного жителя | $6 707 | |||
ІЛР (2018) | 0,584 (середній) | ||||
Валута | Кят (MMK ) | ||||
Часова зона | UTC+6:30 | ||||
Інтернет-домен | .mm | ||||
Телефонный код | +95 |
Історія державности в Мянмі ся зачинат уд городськых держав Пю в горішнюй и царьств Мон в долушнюй части Мянмы. Ціла Мянма была зъєдинена в 1050-х роках из заоснованьом Паґанського царьства. У сесю добу домінантноє положеня придобыли бурмськый язык и култура тай будгізм школы тгеравада. Паґанськоє царьство ся розпало позад монґолської навалы. Мянма была назад изъєдинена в XVI. сторучу імперійов династії Таунґу, майбулшов у історії Юго-Восточної Азії. Сперед приходом брітанцюв в XIX. сторучу в Мянмі владарила династія Конбаун. По анґло-бурмськым войнам ся Мянма стала колонійов Брітанії. Независимусть дустала пак у році 1948. По перевороту 1962. рока настала воєнська діктатура.
Скоро по независимости ся зачала гражданська война межи державными силами и дакотрыми из многых етнічных ґруп країны, котра иде дотеперь уже булш ги 70 рокув. Воєнська хунта ся офіційно розформовала в 2011. році, айбо войсько щи ныні має велику політічну роль. Сеся и другі зміны зліпшили межинародні удношеня, айбо убстала ся крітика етнореліґійної сітуації в країні.
Мянма богата на жад, коштувноє каміня, ропу, природный ґаз и другі мінералні ресурс и має потенціал хоснованя сонячної енерґії. Проблемов є высока економічна нерувнусть. Подля Індекса людського розвитя Мянма ся находит на 145. місті в світі из 188 (2018).
Тоты даны суть часточно або цалком основаны на перекладї статї Myanmar на анґліцькій Вікіпедії.
This article uses material from the Wikipedia Русиньскый article Мянма, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.