Наприклад люде із зеленыма очами суть правда "меншынов", але меншыну у тім соціолоґічнім змыслї не творить, докы ся о них не зачне публічно дішкуровати, не зачнуть ся здружовати, припадно творити даяку репрезентацію. Статус меншыны залежыть на цїлку, проти якому ся меншына вымеджує: наприклад Корзічане суть на Корзіцї векшынов, але меншынов в рамках Француьзкой републікы.
Тому одповідать роздїлїня:
- штатістічна меншына, становлена лем даякыма характерістіками єднотливых особ.
- соціално-псіхолоґічна меншына, яка ся звычайно сама розуміть быти меншынов, припадно ся ай орґанізує.
Тіпы меншын
Вызначныма тіпами соціално-псіхолоґічных меншын суть:
- етнічна меншына, звычайно огранічена языком і културов;
- народностна меншына, урядно признана етнічна меншына;
- реліґійна меншына, становлена віров;
- языкова меншына, кідь не є разом і етнічнов меншынов (наприклад французькы і таліаньскы бісїдуючі жытелї Швайцарії.
Проблемы меншын
В модерных певно орґанізованых і централізованых державах суть меншыны соціалным і політічным проблемом в дакілько напрямах:
- Найбівше суть огрожены спонтанным і орґанізованым тиском громады і державы, якый ся намагать їх асіміловати, даколи і насилныма поступами. Проти тому іде концепт меншыновых прав, котрый міджінародне здружіня (ОЗН, Рада Европы ій.) просаджують до різных міджінародных документів і законів єднотливых штатів.
- Пак але мошуть вызна і добрї орґанізованы меншыны быти внутрополітічным і соціалным проблемом поталь, одкы навспак огрожують цїлость державы (смоть іредента).
- Неорґанізованы меншыны собі можуть чінити право на колектівны меншыновы права, але не мусить все быти ясне, хто є їх оправненым (леґітімным) говорцём. Ани меншыновы здружіня і сполкы не мусять мати достаточно шытку членьску базу - ай кідь были ряднї зволены - пак не суть репрезентами цїлой ґрупы.
Одказы
Повязаны статї
Література
- M. Mareš a kol., Etnické menšiny a česká politika: analýza stranických přístupů k etnické a imigrační politice po roce 1989. Brno: CDK 2004 - 139 s. ISBN 80-7325-050-0
- I. Gabal a kol., Etnické menšiny ve střední Evropě: konflikt nebo integrace. Praha: G plus G, 1999 - 341 s. ISBN 80-86103-23-4
- T. Sirovátka, Menšiny a marginalizované skupiny v České republice. Brno: Masarykova univerzita 2002 - 355 s. ISBN 80-210-2791-6
- T. Šišková (vyd.), Menšiny a migranti v České republice: my a oni v multikulturní společnosti 21. století. Praha: Portál, 2001 - 188 s. ISBN 80-7178-648-9
Референції
- Тоты даны суть часточно або цалком основаны на перекладї статї Menšina на чеській Вікіпедії.
Екстерны одказы
This article uses material from the Wikipedia Русиньскый article Меншына (соціолоґія), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.