Медина

Лежить в оазѣ в Западной Арабии в историчной области Хиджаз, о 200 км од Червеного моря; звязаный автобанами з Мекков и Риадом, мать меджинародне летиско.

Город познатый од VI. стороча до н. е. В року 622 до Медины из Меккы переселив ся Могамед, пророк и закладатель ислама, въедно зоз своима еднодумцями.

До того переселѣня (хиджра) в оазѣ доминовали юдейскы племена: два з них, курайза и ан-надир, мали найлѣпшы землѣ оазы, а третье, кайнука, контроловало торговлю и ремесла. В VI. сторочу до оазы пришли з Южной Арабии арабскы племена ал-аус и ал-газрадж, котры поступно зачали конкуровати з юдейскыма племенами. По хиджрѣ тоты два племена прияли ислам. В роках 624–625 юдейскы племена кайнука и ан-надир были выгнаны з оазы, а в року 627 мужска часть племени курайза была вынищена, а женска и дѣтска — одданы в рабство.

Город належить Саудской Арабии од року 1932.

Економика города в основѣ ориентована на обслугу паломникох. Фунгуе найвекшый во свѣтѣ выдавательскый центер (1985, 10 млн. екземплары Корана рочно). Металообробка, автооправа, горнчарство и столярство. Выроба потравин, будовных материалох (цигла, череп). Заводньоване земледѣлство.

• И. Л. Алексеев: Медина //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс. Сс. 789–790.
• Воропаев А. И., Рощин М. Ю. и др. МЕДИНА // Большая российская энциклопедия. Том 19. Москва, 2011, стр. 488 Редакция: 2017. Одчитане: 29.07.2020[2]
• Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с. ISBN 5-85270-015-0 русс. C. 782.