Ли́сабон, порт.
Въедно з агломерациев числить 2 871 876 особ (2021).
Главный и найвекшый город Португалии Лисабон Lisboaпорт.
|
Лежить в горлѣ рѣкы Тежу, порт. Tejo, в оддалѣню 15 км од Атлантичного океана.
Через свою пологу просто на березѣ Атлантику, Лисабон мать мягку климу, овплывнену температурным режимом океана: не аж горяче лѣто и односно мягка зима. Температура рѣдко спаде под 0°C.
Сѣверный берег горла Тежу на запад од Лисабона — сама курортна зона, называна Сонѣчный берег, порт. Costa do Sol (чит. Кошта ду сул).
Основаный, подля одгадох в 2. тысячрочу до н. е. Феничанами под назвов Alis Ubbo (файне пристанище). В току Другой пунской войны забраный Римлянами (205 до н. е.). По роспадѣ Римской империи быв под владов германскых племен (Готы, Свевы, Визиготы), а од року 714 — Арабох. Ослободженый в року 1147 и входить до Кральовства Португалия, в року 1179 доставать варошскы права, а од половкы 1250-х — статус главного города кральовства. В року 1755 спустошеный трясѣньом землѣ. 13. децембра 2007 ту подписана Лисабонска догода, котра де факто стала ся уставов Европской унии.
Лисабонска универзита была основана в року 1288. Наука в школах безплатна и повинна про вѣкову категорию од 6 по 15 рокы. Окрем штатных школ суть приватны, з языком выукы америцкым, французскым, нѣмецкым, испанскым и шведскым.
В сучасности в Лисабонѣ суть во множествѣ розличны научны и културны академии и высшы школы, як державны, так и приватны. Меджи нима Инштитут Камоенса, котрый ширить португалску културу через свои центры, умѣщены в понад 100 державах свѣту.
Зачатком 1990-х число штудентох росло, але од 2000-х падать. Многы тутешны штуденты идуть за науков до престижнѣйшых заграничных универзит, а имигранты ся скорше змагають достати роботу, неж высокошколску диплому.
Агломерация Лисабона покрывать лем 3% плохы штату, але ту жие понад 25% його обывательох. В року 1975, коли португалскы африцкы колонии ся осамостатнили, одты зачав ся приток имигрантох. Найвеце их было з Кабо Верде. Ку року 2000 мѣра обывательох зо загранича выносила 10%.
Исторично газдовство Лисабона было основане на рыбарствѣ. В сучасности в газдовствѣ доминуе сфера служеб, в нёй занято понад три штвертины роботных рук. Меджи службами важну роль повнять туристика и торговля. Свѣтова выставка Expo'1998 и впечатлива модернизация Лисабона додали му новый образ. Появив ся мост Васко да Гама, натогды найдовжый в Европѣ, а вздовж набережа — океанариум, портошы про яхты, готелы, торговы домы и центры забав. Але при тому Лисабон у многому захранив атмосферу вароша XIX. стороча, и тота притягуе туристох. На свѣтаню рыбарскы човны выставляють свою ловину на голосливу лицитацию перед маителями рыбных продавалень, а торговцѣ рыбов в довгых чорных катранах ещи все розносять рыбу в кошарках на головах. В старых историчных частях Лисабона в ресторанах мож послухати музику и спѣванкы в штилу фаду, котрый ся ту родив в минулых сторочах и жие доднесь.
Торговы, финанчны и транспортно-логистичны службы — далшый важный сектор газдовства. Накладовый обѣг морского приставу 12 млн. тон (2019), число пасажерох на крузерных лодях 576 тысяч (2019). Традичны конарѣ машинарство, металургия, лодярство, петрохемия перенесены в агломерацию, на лѣвый, южный берег Тежу, в район Сетубал. Важнѣйшы експортовы продукты: вина, оливовый олай, рыбны конзервы.
This article uses material from the Wikipedia Русиньскый article Лисабон, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.