Колумбия, официалнов назвов Република Колумбия исп.
Назва державы походить од имени ей объявителя — Криштофа Колумба, што одбито и в словах народной гимны.
Колумбия исп. República de Colombiа | |
---|---|
Розлога | 1 141 748 км2 |
Обывательство | 48 400 388 (2015) |
Столиця | Богота 4°35′56″N 74°04′51″W / 4.59889°N 74.08083°W |
ГДП на особу | $14 255 |
Интернет-домен | .co |
Часова зона | UTC-5 |
Телефонный код | +57 |
*** |
В челѣ державы — президент, котрый менуе владу и губернаторох в 23 департаменты, на котры подѣлена цѣла територия. Департаменты мають органы самосправы и ограничену автономию. Конштитуция была прията в року 1886 и даскельо разы ся мѣняла и доповняла. Парламент мать назву конгрес и складать ся з двох палат: сената и палаты представникох, выберать ся на 4 рокы. Найвысшый суд выберать ся конгресом на 5 рокы в числѣ 20 судцьох. Двѣ наймоцнѣйшы партии: Либерална и Конзервативна, поперемѣнно суть при владѣ.
Колумбия мать выгодну географичну пологу: выходить на сѣверѣ до Карибского моря, на востоку до Тихого океана. Главны приставы на Карибском морю: Барранкилья и Картагена, Санта Марта, на Тихом океанѣ: Буенавентура.
Главна рѣка — Магдалена, котра застачать 95% вшыткой рѣчковой доправы, перетинать цѣлу територию з юга на сѣвер. Найвысшый верх Кристобал Колон (5776 м) в горском пасмѣ Сьерра Невада де Санта Марта, котре од року 1964 е националным парком. В юговосточной части державы суть вогкы екваториалны лѣсы, де пограничнов рѣков е Амазонка, через тяжкы условия живота е тот регион безвызнамный. Опады в Амазонской нижинѣ 4 000 мм, на западных убочах гор до 10 000 мм.
Обывателе Колумбии говорять по испанскы и голосяться ку Католицкой Церкви. Колумбия стоить на 28. мѣстѣ подля обывательства в свѣтѣ и на 2. мѣстѣ межи испаноязычныма державами (по Мексику). Стародавне обывательство Колумбии — Индиане, днесь чинять лем 2% обывательства.
Найвеце познатый колумбийскый писатель — Нобелов лавреат (1982), Габриел Гарсиа Маркес.
Колумбия стоить на первом мѣстѣ в свѣтѣ зо засобами и выдолованьом смарагдох.
Главны конарѣ економикы:
В аграрной выробѣ заняты 11% обывательства.
Найвекшы торговы партнеры: Аргентина, Нидерланды, США, Велика Британия, Германия, Япония.
В року 2016 з ГДП подля ПНС $689 974 млн. Колумбия была на 30 мѣстѣ во свѣтѣ.
This article uses material from the Wikipedia Русиньскый article Колумбия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.