Товаришство Исусово, лат.
Товаришство Исусово | |
Герб йезуитох | |
Куртанка | SI або SJ |
---|---|
Гесло | Ad maiorem Dei gloriam Ку векшой славѣ Божой |
Закладатель | св. Игнац зоз Лойолы |
Взник | 27. септембер 1540 |
Тип | католицкый монашый орден |
Сѣдлиско | Róma, Borgo S.to Spirito, 4 |
Superior generalis | Артуро Соса SJ (од 2016) |
Главный орган | Генерална курия |
Официалный сайт | https://sjcuria.global/en/ |
Закладательом ордена были в року 1534 испанскый монах Игнац зоз Лойолы и его товарише (Париж, 15. август 1534), а официалный взник ордена ся пише роком 1540, коли быв орден схваленый Папом Павлом III. (27. септембер 1540, папска була Regimini militantis ecclesiae), Была то доба Реформации и главна задача ордена была противостати росширѣню протестантства.
Главным польом чинности товаришство мало универзиты и школство в цѣлому. З часом стали ся они монополистами в той сферѣ в католицкых державах, и чинили силну конкуренцию в некатолицкых. Товаришство окрем того вело успѣшны торговы операции, што тыж было нежадане про конкурентох.
В Японии уже в року 1614 обернули в христианство понад милион людей. Успѣхы, методы и идеология Товаришства пробудили против него суперѣня, зависть и интригы. Зачали ся под выдуманыма претекстами преслѣдованя, ограничѣня и выгнаня организаций йезуитох. Португалия розорвала дипломатичны одношѣня з Апостолсков столицьов, жадаючи заказаня Товаришства. Опозиция Товаришству од великых католицкых монархох Европы (Испании, Португалии, Франции) примусила папу Клемента XIV. роспустити орден в року 1773 (бреве Dominus ac Redemptor, 21. юл 1773).
Товаришство в року 1773 мало 22 500 членох, 41 провинцию, 669 коледжи, 20 академий и 800 школ розличной величины. Папа Клемент XIV. в своем бреве не кладе жадны вины на Товаришство, лем выличать тоты претензии, што против них поднесли в другых державах, але нич не каже, ци были они справедливы ани не называть йезуитох винныма, за причину свого рѣшѣня о роспущѣню ордена подавать охоту вернути добры одношѣня меджи Апостолсков столицьов и свѣтовыма монархиями.
Роспущѣня ордена было в силѣ сорок рокы. Закрыли ся коледжѣ, мисии, стали розличны програмы. Авшак Товаришство дале екзистовало в Китаю и в Индии, в Пруссии и в России. Фридрих II. и Катарина II. Велика дали знати Апостолской столици, же не мають лѣпшых и хосеннѣйшых священикох од йезуитох, а зато хочуть, обы зостали. Товаришство обновив в правах Папа Пий VII. в року 1814 (7. августа 1814, булла Sollicitudo omnium ecclesiarum).
Товаришство в року 1965 году мало 31. Генералну конгрегацию, де выбрало нового генерала, о. Педро Аррупе и поклало задачу о дакотрых необходных змѣнах. По 10 роках о. Педро Аррупе зобрав 32. Генералну конгрегацию, котра утвердила, же первостепенна мисия «служѣня вѣры», вызначена 31. конгрегациев, доповнять ся и другов задачов — участьов ордена в бою за справедливость во свѣтѣ.
В сучасности Товаришство Исусово фактично цѣлком контролуе католицкы новинкы, радио, телевизию, выдавать понад 1 000 часописох и новинок в понад 50 языках сумарным накладом 150 милионы.
This article uses material from the Wikipedia Русиньскый article Товаришство Исусово, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.