Антоним

Антонимия — одношѣня двох слов або выразох з протикладным вызнамом.

• Антонимия ся проявлять при словах зоз вызнамом

1. якостно-шацовным (дурный — розумный, добрый — злый);
2. кельостным (вельо — мало, нич — вшитко);
3. часовым (скоро — нескоро, фурт — никда, день — ночь);
4. просторовым (сѣвер — юг, близкый — далекый, од — ку).

• Не наставать антонимия при

1. назывниках з конкретным вызнамом (хыжа, стром), о то вецей назвах, именах (Иван, Ян, Арктика, Антарктида);
2. якостных приложниках з вызнамом зафарбѣня (червеный, синий);
3. мѣстоназывниках, числовниках и чутясловах;
4. односных приложниках (бронзовый, пластовый).

Суть слова, котры самы в собѣ обсягують протикладны вызнамы.

Напримѣр слово санкция означать и дозвол и заказ, а што з того буде в конкретном припадѣ, то можеме знати лем из контекста. На Россию накладены санкции — иде о заказ (експорта, импорта, въѣзда, выѣзда). N зостав арештованый зоз санкции прокурора — иде о дозвол арешту.

Про автоантонимию еще в року 1883 чешско-российскый лингвиста Винцент Шерцл понукнув термин енантиосемия.

• Жеребило Т. В. Словарь лингвистических терминов. Издание 5-е, исправленное и дополненное. Издательство «Пилигрим». Назрань, 2010. 486 с. ISBN 978-5-98993-133-0
• Панько, Юрій. Русиньско-русько-україньско-словеньско-польскый словник лінґвістічных термінів. Русиньска оброда. Пряшов, 1994. ISBN 80-88769-08-6