The Beatles onne state 'nu gruppe musecale britanneche, funnate a Liverpool jndr'à 'u 1960 e attive 'nzigne a 'u 1970.
'U gruppe ha state comboste da John Lennon (1940-1980), Paul McCartney (1942), George Harrison (1943-2001) e Ringo Starr (1940), chiste urteme a partì da 'u 1962, chiamate a sostituì Pete Best (1941); d'a prime formazione ca fece parte pure Stuart Sutcliffe (1940-1962).
The Beatles | |
---|---|
Foto de le Beatles jndr'à 'u 1964. Da sinistre in sense orarie: John Lennon, Paul McCartney, George Harrison e Ringo Starr | |
Nazionalità | Regne Aunìte |
Genere | Beat Rock Rock psichedeliche Pop |
Periode de attività musecale | 1960 – 1970 |
Etichette | Parlophone Capitol Apple |
Album pubblecate | 23 |
Studio | 13 |
Live | 2 |
Colonne sonore | 3 |
Raccolte | 8 |
Site ufficiale | |
Ritenute 'nu fenomene de comunicazione de masse de proporziune 'ndernaziunale, le Beatles ave segnate 'n'epoche jndr'à museche, jndr'à 'u costume, jndr'à mode e jndr'à pop art. A distanze de varie decennie da 'u lore scioglimende ufficiale – e dope 'a muerte de doje de le quattre componende – le Beatles condane ancore 'n'enorme seguite e numerose onne le lore fan clubs esistende jndr'à le ogne parte d'u munne.
Stando a le stime dichiarate ave vendute a livelle mundiale 'nu totale de otre 'nu miliarde de copie 'mbrà album, singule e musecassette, risultande 'mbrà le artiste de maggior 'mbatte e successe e, jndr'à le Statère Aunìte, quedde c'u maggior numere de vendite. Onne pure a 'u prime poste d'a liste de le "100 migliore artiste" redatte d'a riviste Rolling Stone (The 100 Greatest Artists of All Time).
L'aure ca circonde 'u sviluppe d'u lore successe mediatiche e ca ha favorite 'a nascite d'a cosiddette Beatlemania e 'u straordinarie esite artisteche raggiunde cumme museciste rock onne pure oggette de studio de universitate, psicologhe e addette d'u settore.
Durande 'a lore carriere decennale onne state ufficialmende le autore de 186 composiziune 'ncise cumme gruppe, addò vanne aggiunde vende brane a firme Lennon-McCartney cedute ad otre artiste.
Pe approfondimende, 'ndruche 'a vôsce Discografije de le Beatles. |
Condrolle de autorità | VIAF (EN) 141205608 · ISNI (EN) 0000 0001 2170 7484 · SBN (IT, EN) CFIV045478 · Europeana (EN) agent/base/146933 · ULAN (EN) 500372404 · LCCN (EN) n79018119 · GND (DE) 2005535-3 · BNE (ES) XX245663 (data) · BNF (FR) cb13901884f (data) · J9U (EN, HE) 987007258324005171 · NSK (HR) 000044798 · NDL (EN, JA) 00277241 · WorldCat Identities (EN) lccn-n79018119 |
---|
This article uses material from the Wikipedia Tarandíne article The Beatles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.