Singapore, ufficialmènde Repubbleche de Singapore (jndr'ô 'Nglise Republic of Singapore cenise semblifecate 新加坡共和国; jndr'ô malese Republik Singapura; jndr'ô tamil சிங்கப்பூர் குடியரசு), jè 'nu state 'nzulare d'u sud-est asiateche, acchiate sus 'a punde meridionale d'a penisole malese, 152 km a nord d'a linee immagenarije equatoriale pe' le coordinate "medie" o "innecative d'a megalopule" tenute presende seconne 'a convenzione. A nord jè scucchiáte d'a Malesie da 'ô Stritte de Johor, mendre a sud jè scucchiáte da ll'isole indonesiane de Riau da 'ô Stritte de Singapore. Le soje coordinate sonde . Singapore jè 'u quarte prengepále cendre finanziarije d'u munne ed ète une de lle prengepále cetate cosmopolite d'u munne, sciucànne 'nu ruole chiave jndr'ô commerce 'ndernazionale e jndr'à finanze. 'U puèrte de Singapore, jè pure 'mbrà lle prime cinghe puèrte cchiù attive e traffecate d'u munne.
Singapore | |
---|---|
Majulah Singapura (Scè nnanze, Singapore) | |
Date amministrative | |
Nome comblete | Singapore |
Nome ufficiale | Republic of Singapore Republik Singapura Xinjapo Gongheguo Ciŋkappūr Kudiyarasu |
Lènghe ufficiale | 'nglise cenise mandarine malese tamil |
Capitale | Singapore jè 'na cetate-state (3.608.595 ab. / 2006) |
Politiche | |
Forme de governe | Repubbleche parlamendare |
Capo di Stato | Halimah Yacob |
Capo di Governo | Lee Hsien Loong |
'Ndipendenze | D'a Malesie, 9 aguste 1965 |
Trasute jndr'à l'ONU | 21 settèmmre 1956 |
Superficie | |
Totale | 623,1 km² (175º) |
% de le acque | 1,952% |
Popolazzione | |
Totale | 4.987.600 ab. (2006) (115º) |
Denzetà | 9.004 ab./km² |
Nome de le javetande | Template:AggNaz/Singapore |
Sciugrafije | |
Continende | Asia |
Fuse orarie | UTC +8 |
Economie | |
Valute | Dollare de Singapore |
PIL (nominale) | 237,855 milione de $ (2006) (55º) |
PIL pro capite (nominale) | 56,522 $ (2010) (3º) |
ISU (2006) | 0,922 (assaje ìrte) (27º) |
Varie | |
Codece ISO 3166 | SG, SGP, 702 |
TLD | .sg |
Prefisse tel. | +65 (02 d'a Malesie) |
Sigle autom. | SGP |
Late de guide | Sinistre (↑↓) |
Inne nazionale | Majulah Singapura |
Feste nazionale | 9 aguste |
Singapore ète 'nu paise ccu 'na longhe storie de immigraziune. Tène 'na popolazzione variegate e le quase 5 miglione de crestiáne sonde comboste prevalentemènde da cenise, malese, indiane ed otre discennenze de asiateche ed europèe. 'U 42% d'a popolazzione jè straniere, ce se iacchie aqquà pe' fatije o studie. Le fatijature straniere costituiscone 'u 50% d'u settore de le servizzie. Singapore ète 'u seconne paise cchiù denzamènde populate d'u munne nnande 'u Prengepáte de Monache e jndr'ô 2009 ha raggiunde 'a cchiù ìerte congendraziune de miglionare n'rapporto ad 'a popolazzione, nnande a Hong Kong, Svizzere, Qatar e Kuwait..
Singapore tène 'na sveluppate economije de mercate. 'Nzieme ad Hong Kong, Coree d'u Sud e Taiwan, sus 'u spiccianne de lle anne novande d'u XX sèchele avenève conziderate une de lle quàtte tigre asiateche. L'economije depenne fortemènde da lle esportaziune, n'particolare jndr'ô settore manifatturière, ca costituive 'u 26% d'u PIL jndr'ô 2005 e combrenne l'elettroneche, 'a raffinaziune d'u petrolie, 'a chimeche, le 'ngegnerije meccaneche e le scienze biomedeche. Singapore tène pure une de le puèrte cchiù traffecate d'u munne ed 'a quarte prengepále chiazze pe' lle cangiaminde commerciale, nnande Londre, New York e Tokyo 'A Banghe Mondiale classifeche Singapore cumme 'u cchiù 'mbortande hub d'u munne pe' 'a loggisteche.
L'economije de Singapore jè classifecate 'mbrà lle dice cchiù franghe d'u munne, e cchiù combetitive Singapore tène pure cendinaie de migliaie de fatijature straniere.
Cumme resultate d'a recessione de lle prime anne 2000, ccu 'u crolle jndr'ô settore d'a tecnologgije, 'u PIL d'u paise s'ète condratte d'u 2,2% jndr'ô 2001. L'Economic Review Committee (ERC) avène istituite jndr'ô decèmmre 2001, e ha raccumandate 'na nuève polìteche de innovazione, ccu l'obbiettive de rivitalizzare l'economije. 'A represe de ll'economije de Singapore, trainate d'a crescite mondiale de chidde periode, ha purtate a 'na crescite d'u 8,3% jndr'ô 2004, d'u 6,4% jndr'ô 2005 e d'u 7,9% jndr'ô 2006.
Jndr'à ll'ambite d'a crise economeche d'u 2007-2009, cullegate a lle mutui subprime e a lle soje derivate, 'u Funne Sovrane de Singapore ha stanziate funne pe' cchiù de 35 migliarde de dollare americane pe' 'u prucesse de recapitalizzazione nnande a lle write down de le maggiore 'ndermediarje finanziarie mondiale.
'U "GIC-Singapore" ha 'nvestite jndre "UBS" 14400,00 Mln (miglione) USD (dollare statunitense), 'u 08/02/2008.
'U "GIC-Singapore" ha 'nvestite jndre "UBS AG" 9760,42 Mln USD, 'u 10/12/2007.
'U "GIC-Singapore" ha 'nvestite jndre "Citigroup Inc." 6880,00 Mln USD, 'u 15/01/2008.
'U "GIC-Singapore" ha 'nvestite jndre "Citigroup Inc." 6880,00 Mln USD, 'u 15/01/2008.
'U "Temasek", otre Funne de Singapore, ha 'nvestite jndre "Merrill Lynch" 4400,00 Mln USD, 'u 27/12/2007.
'U "Temasek" ha 'nvestite sembre jndre "Merrill Lynch" 3400,00 Mln USD, 'u 27/07/2008.
'U "Temasek Holdings (Pte) Ltd" ha 'nvestite jndre "Standard Chartered PLC" 4000,00 Mln USD, 'u 27/03/2006.
(Fonde: Bortolotti et al. 2009)
Otre 'nvestimènde d'u funne ca non ge sonde legate a 'ndermediarije finanziarie:
'U "Temasek Holdings" ha 'nvestite jndre "Shin Corp Plc" 1900,00 Mln USD, 'u 23/01/2006.
'U "Temasek Holdings" ha 'nvestite jndre "Stats Chippac Ltd" 1083,48 Mln USD, 'u 18/05/2007.
(Fonde: Bortolotti et al. 2009)
Totte quiste stè recalche l'andamènne ca s'ète avùtee, duranne 'a crise, arreguarde a le Funne Sovrane de le pajèsere emergènde o fortemènde esportatore.
Rem Koolhaas, Singapore Songlines. 'Na metropule Potemkin... o trend'anne de tabula rasa, a cure de M. di Robilant, Quodlibet 2010
Condrolle de autorità | VIAF (EN) 151204333 · ISNI (EN) 0000 0001 2185 1814 · SBN (IT, EN) PARL003167 · LCCN (EN) n79059023 · GND (DE) 4055089-8 · BNE (ES) XX450835 (data) · BNF (FR) cb11865542f (data) · J9U (EN, HE) 987007561794005171 · NSK (HR) 000163028 · NDL (EN, JA) 00571024 · WorldCat Identities (EN) lccn-n79059023 |
---|
ASEAN (Associazione de le Naziune d'u Sud-Est Asiateche) | |
Myanmar | Brunei | Cambogia | Filippine | Indonesie | Laos | Malesia | Singapore | Thailandie | Vietnam Papua Nuova Guinea (osservatore) |
This article uses material from the Wikipedia Tarandíne article Singapore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.