Congo, Jume

Congo
'U jume Congo vicine a Kisangani
State	RD d'u Congo Repubbleche d'u Congo Angola
Longhezze	4 374 km
Purtate medie	41 800 m³/s
Bacine idrografeche	3 680 000 km²
Altitudene sorgende	1 420 m s.l.m.
Sfoce	Oceane Atlàndeche

Dà 'u soje nome ad 'a Repubbleche Democrateche d'u Congo, jndre cui territorie scorre quase 'nderamende, e ad 'a Repubbleche d'u Congo, oltre ca a l'andiche Regne d'u Kongo. 'Mbrà 'u 1971 e 'u 1997 'u guverne de l'allore Zaire indicave 'u fiume co 'u nome Zaire.

Pe approfondimende, 'ndruche 'a vôsce Bacine d'u jume Congo.

Le sorgende d'u Congo se iacchiene sus a le pendice meridionale d'u monde Musofi jndr'ô massicce de le monde Mitumba a 'u confine 'mbrà Repubbleche Democrateche d'u Congo e Zambia, e cchiù precisamende jndr'à reggione d'u Katanga, cirche 100 km a ovest d'u capeluèche d'a provinge, Lubumbashi. Jndr'ô prime tratte d'u soje curse 'u fiume jè chiamate Lualaba, scorre dapprime verse nord 'nzigne le laghe Lac Upemba e Kisale. A cirche 150 km a nord de quiste receve da destre le acque d'u fiume Luvua-Luapula-Chambeshi, trasènne 'n seguite jndr'à l'ambie depressione congolese addò scorre verse nord fine a le cascate Boyoma 'nzigne Kisangani. Jndr'ô stuezze nord-est d'u paise jndr'à zone de Kisangani 'u fiume Congo non g'è cchiù navegabbele e quacche banghe de rocce picche profunne trasfurmane stù stuezze de fiume in "rapide" chiamate Wagenya.

Superate le cascate 'u Congo, ca pigghie 'u nome nuève, inizie a scè nnanze lentamende, spannendose fine a toccà le 16 km de ambiezze. 'U fiume curve chiane chiane verse sud-ovest e, attraversate 'a cetate de Mbandaka, se aunisce a 'u fiume Ubangui. Da aqquà forme 'u confine naturale 'mbrà 'a Repubbleche Democrateche d'u Congo e 'a Repubbleche d'u Congo e picche cchiù a sud ve confluisce 'u fiume Kwa-Kasai, 'u seconne affluente 'n ordene de grannezze. Cchiù nnande se spanne fine a formà 'na palude canosciute cumme Pool Malebo, addò se iacchiene le cetate capitale de Kinshasa e Brazzaville; da aqquà 'n nnande 'u fiume se fàce cchiù picche fine e formà 'na serie de 32 cateratte jndre profunne canyon, collettivamende canosciute cu 'u nome de cascate Livingstone, ca superane 'nu dislivelle de 275 metre, attraverse accussì le cetate de Matadi e Boma, furmanne 'nu granne estuarie ca se spanne pè cirche 160 km, attraverse 'u quale sfoce 'nfine 'nzigne 'a piccele cetate de Muanda, sus a l'oceane Atlàndeche.

‘A foce d’u Congo fù già avvistate jndr'ô 1482 d'ô purtughese Diogo Cão e jndr'ô 1816 ‘na spediziune ‘nglise ‘nghianò sus ô fiume fine ad ‘a cetate de Isangila. L'esplorature Henry Morton Stanley fù ‘u prime europee a navegà ‘u fiume pè ‘ndere e scuprì ca ‘u Lualaba non g’ere ‘a sorgende d’u Nilo cumme jndre chidde timbe alcune uemmene penzavane.

'U Congo jè navegabbele quase combletamende e cu le ferrovie ca ôsce scavalcane le ttrè prengepale cascate, 'na granna parte d'a merce de l'Africa cendrale, 'mbrà cui rame, uegghie de palma, zucchere, caffè e cotone, jè traspurtate sus a jidde. 'U fiume jè pure potenzialmende ausabbele cumme sorgende de energie idroelettreche, e 'a dighe Inga sotte 'a lagune de Malebo jè 'a prime a sfruttà 'u fiume 'n quiste senze. Jndr'ô febbrare 2005, 'a combagnie elettreche naziunale d'u Sudafriche, Eskom, annunge 'a proposte de aumendà drasticamende 'a capacità d'a dighe Inga. 'U pruggette potrebbe purtà 'a diga a 'na pùtenze massime de 40 GW a l'anne, e 'na produzione de 260 TWh/anne, 'u doppie respette ad 'a dighe de le ttrè gole cinese.

 

Cumme fiume Lualaba (d'a sorgende fine a Kisangani):

• Luapula, dope Luvua
• fiume Lukuga
• fiume Luana
• fiume Elila
• fiume Lowa
• fiume Lindi

Cumme Ìrte Congo (da Kisangani e Mbandaka):

• fiume Lomami
• fiume Ituri dope Aruwini
• fiume Rudi
• fiume Mongala
  • fiume Ebola
• fiume Giri
• fiume Lulonga (resultate de l'aunione d'u Maringa e d'u Lolopori)
  • fiume Maringa
  • fiume Lopori
  • fiume Ikelemba

Cumme Medio Congo (da Mbandaka a Brazzaville e Kinshasa):

• fiume Ruki
  • fiume Tshuapa
    • fiume Lomela
  • fiume Momboyo
• Ubangi ou Oubangui, jndr'à Repubbleche d'u Congo (resultate de l'aunione d'u Uele e d'u Mbomou)
  • fiume Uele
  • fiume Mbomou
• fiume Sangha
  • fiume Kadeï
  • fiume Ngoko
• fiume Lokoro
• fiume Kasaï o Rio Casai, jndr'à Angola
  • fiume Fimi
  • fiume Kwango
    • fiume Wamba
  • fiume Kwilu
  • fiume Sankuru
  • fiume Lulua
  • fiume Tshikapa
• fiume Ndjili
  • fiume Lukaya
• fiume N'sele

Cumme Vasce Congo (da Brazzaville e Kinshasa) fine ad 'a foce:

• fiume Inkisi
• fiume M'pozo

• Boma (cetate)
• Bumba
• Brazzaville
• Kinshasa
• Kisangani
• Matadi
• Mbandaka

'U fiume Congo jè presende in:

• 'U romanze de Joseph Conrad Core de tenebre (Heart of Darkness) - pure ce 'u nome d'u fiume non g'è maje esplicitamende citate;
• 'U romanze Ad 'a curve d'u fiume (A Bend in the River) de V. S. Naipaul, premie Nobel pè 'a letterature jndr'ô 2001.

• Fiume de l'Africa 'n ordene de lunghezze