Comunitate Mundane D'a Murgia Tarandine

Comunitate Mundane d'a Murgia Tarandine
Reggione	Pùgghie
Provinge	Tarde
Capeluèche	Motele
Comune	Castellaneta, Crispiano, Ginosa, Latèrze, Mazzafre, Montemesola, Palascianidde, Palasciane

'A Comunitate Mundane d'a Murgia Tarandine jè 'na comunitate mundane de cui fàcene parte 9 comune d'a Provinge de Tarde. 'A sede s'acchije a Motele.

Le comune ca fàcene parte:

• Castellaneta
• Crispiano
• Ginosa
• Latèrze
• Mazzafre
• Montemesola
• Motele
• Palascianidde
• Palasciane

Quèste Comunitate Mundana jè 'mbrà le cchiù vasce d'Itaglie; tène n'altitudine medie de 213 m sus a 'u levèlle d'u mare. Jè citate a ll'inizie d'u lìbbre La Casta de Gian Antonio Stella parlanne d'ô scannaluse comune de Palasciane, une de le cchiù granne sperche d'a polìteche tagliàne, viste cce fàce parte d'a Comunitate Mundane pure ce tène n'ìrtezze medie de 39 m sus a 'u levèlle d'u mare e n'ìrtezze massime de 86 m slm.

'A comunitate tène l'obbiettive de 'mbrimere 'na forte spinde promozionale a lle 'ndere territorije d'a Murgia ioniche, 'ndese cumme espressione de le valore sociale, culturale, releggiose ed economeche ca rappresendane 'u punde cchiù forte d'a storie soje.

Dope assaje lamendèle da vanne sije polìteche ca populare, 'a Comunitate Mundane d'a Murgia Tarandine hagghie cessate ccu esiste l'8 scennàre 2009, cu 'nu decrete d'u presidente d'a Giunde d'a reggione Pugghie, Nichi Vendola . 'A Comunitate jè state accussì šckaffate sutte 'a tutele de 'nu commissarie liquidatore.

Ad 'u puèste de quèdde, quacche comune hagghie penzate ccu danne condinuità ad 'a ex-Comunitate Mundane, funnanne 'na Aunìone de le Comune ca appunde avrà da pigghià 'u puèste de ll'ente mundane ca non g'ète cchiù esistente. Honne mustrate 'nderesse pè 'u quagghiamènde de quèste Aunìone le comune de Ginosa, Latèrze, Palasciane, Palascianidde e Castellaneta.

'U 24 luglie 2009, 'n base a le motivaziune de 'na sentenze d'a Corte Costituzionale 'n base a 'nu recorse de Veneto e Toscana, 'a legge reggionale ca scioglieve le ende jè state dichiarate incostituzionale.

De fatte, 'a Comunitate Mundane non g'hagghie maje smesse ccu funzione, cu 'u soje presidente Arcangelo Rizzi (assessore PdL d'u comune de Latèrze), 6 assessore, 27 conzigliere, 3 amministrative e 8 fatijatùre socialmènde utile.

• Comunitate mundane
• Murgia

• Site ufficiale
• Comunitate Mundane senze Mundagne (artichele Corriere della Sera)