Le Alpe (da 'u plurale latine Alpes, ca pòte segnefecà chianghe, colline, mundagne, vianghe) sonde 'a catene monduose cchiù 'mbortande d'Europe.
Se chiamane jndr'ô tagliáne Alpi, jndr'ô frangese Alpes, jndr'ô occitane Aups/Alps, jndr'ô tedesche Alpen, jndr'ô romance Alps, jndr'ô slovene Alpe. Sesto Pompeo Festo jndr'ô suve Prime Lìbbre atteste ca 'u nome avène da ALBUS (vianghe) ca le Sabine pronungiavane Alpus e innecave 'u culure sembe vianghe d'a catene cchijène cchijène de neve pure jndr'â staggione estive.
Alpe | |
---|---|
Le Alpe d'ô spazie, másce 2002 | |
Continende | Europe |
Pajèsere | Austrie Frange Germanie Itaglie Liechtenstein Monache Slovenie Svizzere Ungherie |
Cime cchiù ìerte | Monde Vianghe (4810,90 m s.l.m) |
Longhezze | 1200 km |
Larijezze | da 100 a 400 km |
Grannèzze | 190 000 km2 |
Etate d'a catene | Oligocene |
Tipe de chianghe | Chianghe metamorfeche, Chianghe sedimendarije |
Pe' convenzione le Alpe accumenzane a ovest d'u Colle de Cadibone pure ce p'a realtate da quaccheddune 'u confine sceologgeche jè sckaffate 'nzeccate a Genova e jè costituite da 'u Gruppe de Voltri (longhe 'na discondinuitate tettoneche nnumenàte linee Sestri-Voltagge) e spicciane a ovest d'a cetate de Vienne, spannendose pe' 'na distanze de cirche 1.300 km a forme de arche 'mbrà l'Itaglie settendrionale, 'a Frange sud-oriendale, 'a Svizzere, 'u Liechtenstein, l'Austrie, 'u sud d'a Germanie, 'a Slovenie e l'Ungherie occidendale. 'Mbrà Verona e Monache de Bavière arrevane ad 'a larijezze masseme.
'A cime cchiù ìerte jè costituite da 'u Monde Vianghe ca cu le suve 4.810 m jè conziderate pure 'u tètte d'Europe; nnande stonne 'u Monde Rose (4.634 m), 'u Dom (4.545 m), 'u Weisshorn (4.505 m) e 'u Cervine (4.476 m). Otre vette 'mbortande sonde 'u Gran Paradise (4.061 m), 'u Bernina (4.049 m), l'Ortles (3.902 m) ed 'u Monviso (3.842 m).
Le Alpe sonde javetate da cchiù o mène 16 miglione de crestiáne.
This article uses material from the Wikipedia Tarandíne article Alpe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.