Aspazia Sofianova

Easti dotsent la Facultatea di meditsinã di Scopia, la Catedra ti pediatrii shi shef a Departamentului ti terapii intenzivã la Clinica ti lãngori la fumeljli, Scopia.

Sculii primarã shi di mesi dipisi Scopia, a matura tu Statili Uniti ali America. Facultatea ti meditsinã, Scopia, u-dipisi la anlu 1990 cu nota medialã di 9,37.

La Clinica univerzitarã ti lãngori la fumelji di Scopia lucreadzã di la anlu 1991. Spetsializatsia ti pediatrii u ahurhi la anlu 1993 shi u dipisi la anlu 1997 shi dupu atsea easti bãgatã s-lucreadzã la Departamentul ti terapii intenzivã. Ti asistentu pi examenlu pediatrii easti aleaptã la anlu 1998.

Dupu dipisearea a spetsializatsiiljei, continua cu a ljei educatsii la departamentul ti terapii intenzivã la Clinica tu Ljubljana la anlu 1999, iu partitsipa pi tretmanlu intenziv la bebili cari suntu greu lãndzidi, cu ahorghea actsentu pi ventilatsia mehanicã tu yitripsearea.

La anjlji 1998 shi 2000 partitsipeadzã la seminarili di unã stãmãnã Salzburg ti terapii intenzivã shi transport tu situatsii urghenti tu neonatologhia shi pediatria iu profesori eara persoani di la Univerzitãtsli di tu Americhii.

La anlu 2000 amintã grant ti un mes spetsializatsii tu Grats-Austrii la departamentul ti pediatrii intenzivã la Clinica univerzitarã, ca stipendistu ali Banca Mundialã anlu 2001 di meslu Yianar pãnã Alunar, Prince Royal Alfred Hospital in Sydney-Australia, Department of Gynecology and obstetrics and neonatology University, educatsia u continuadzã 2002-2003 la George Washington University in Washington, DC, USA, Department of Pediatric Intensive Care.

Cu a ljei experientsã shi shteari cu realizatili spetsializtsii shi treninzi tu nai ma cãnãscuti institutsii internatsionali tu sfera di meditsina, partitsipã shi deadi mari contributsii ti niintarea profesionalã a slujbãljei ti terapii intenzivã cu implementari metri compatibili ti diagnosticã shi tretman a bebilor cari suntu tu situatsii criticã shi bebili cari suntu fapti ninti chiro.

Di la anlu 2003 cu a ljei angajman ahurheashti s-lucreadzã tsentrul neonatal urghent ti transportu ti bebili cari suntu lãndzidi shi tu situatsii criticã di statlu tut shi dit reghionlu. Lucurlu ti maghistraturã sum titlul “ Evaluari a metodilor cu urghentã apandãsi ti dizvãleari a infectsiilor, di sfera a neonatologhia shi terapia intenzivã” lu apurã la anlu 2004.

La anlu 2005 easti proclamatã ti Educator national ti educatsii medical tu continuitet tu sfera di erinatologhia-neonatologhia. Realizeadzã colaborari activã profesionalã tu multi tsentri internatsionali pediatritsi-neonatologhitsi.

Activ partitsipeadzã tu educatsia practicã a studentsãlor di meditsina, dentishtsãlji shi farmatsia. Partitsipeadzã tu examenili shi colocviumilor a studentsãlor ti terapii intenzivã, cum shi tu educatsia a spetsializantsãlor ti pediatrii. Easti profesor ti educatsii postuniverzitarã ti anestezii shi reanimatsii, a doilu cursu-a treilu tsiclus CEEA. Easti activã tu ma mumlti conferentsii shi sectsii a asotsiatsiiljei ti pediatrii shi neonatologhi. Mentor easti a studentsãlor ti lucri shtiintsifitsi prezentati pi congresi natsionali shi internatsionali.    

La anlu 2011 easti nominatã ti shef a Departamentului ti terapii intenzivã shi yitripseari. Disertatsia ti doctor di shtintsã sum titlul “Detectsii a problemilor tserebrali – C100B protein tu licvidili biologhitsi nãu metod tu meditsina neonatalã” u apurã la anlu 2012.

Easti aleaptã ti director ad interim al IPS Clinica Univerzitarã ti lãngori la fumeljli, Scopia, tu meslu martsu, anlu 2012 shi armãni pi atsea functsii pãnã la anlu 2017. Dupu pauzã di trei anj, la anlu 2020 diznãu easti aleaptã ti director a Clinicãljei ti fumelji shi pi atsea functsii armasi pãnã tu soni a anlui 2022, shit u aestu chiro cu a ljei angajman spusi mãri rezultati tu niintarea a lucurlui tu aestã Clinica, a eara dishclis shi Departamentul ti fumelji ti oncologhii. La anlu 2012 lu dipisi cursul ti menagiment medical ti institutsii publitsi ti sãnãtati. Easti membru a comisiiljei ti Imunizatsii la ministeriatlu ti sãnãtati ali Republica Machidunia. Partitsipeadzã tu andridzearea a Planlui actsion ti maternitati ãn cadur a Guvernului ali Machidunia. Easti membru a comisiiljei secundarã ti sãnãtati a Fondului ti asigurari a sãnãtatiljei  ali RM. Membru easti shi a Comisiiljei ti andridzeari shi completari a nomlui, cum shi adrari actu sumleghislativ ti Transplantatsii organi ali RM.

Tu meslu andreu anlu 2012 lu dipisi examenlu ti ancupãrari publicã. Easti fundator a timlui ti cardiohirurghii ti fumelji tu sfera di sãnãtatea publicã, a mentor lji eara cãnãscutlu cardiohirurg ti fumelji shi neonatologhii Prof.d-r.Viliam Norvic cari cu a lui tim di anesteziolozi, pediatsãri, perfuzionishtsã, la IPS Clinica univerzitarã ti hirurghii la fumelji li adrarã protili interventsii cardiohirurghitsi. Anlu 2013 u amintã titula Primarius, a anlu 2013 easti aleaptã ti Coordinator national ti transplantatsii a organilor.

Dr Aspazia Sofianova easti cercetator activ cu interes ahorghea tu sfera a terapiiljei intenzivã shi neonatologhia la fumeljli. Easti cercetator printsipal –conducator a proectului national ti cercetari shtiintsificã “ Diagnosticã shi tretman psihologhic a fumeljlor cu hendichep shi complicatsii psihologhitsi la lãngorli hronitsi”, finansat di Ministeriatlu ti educatsii shi shtiintsã, anlu 2012. Partitsipeadzã la multi Congresi natsionali shi internatsionali cu a ljei prezentatsii personali, a easti cãlisitã shi la multi adunãri profesionali, natsionali shi internatsionali.

Zburashti: machiduneashti, armãneashti (limba di dada), anglicheashti, frantsuzeashti, sãrbeashti...