La quacra (Coturnix coturnix) è in utschè e furma la pli pitschna spezia da la famiglia da las giaglinas (galliformae).
Ella ha ca. la grondezza d'ina columba. La quacra europeica selvadia è ferm periclitada.
Quacras datti tant en l'Europa, en l'Asia ed en l'America. Populara sco utschè decorativ è la quacra nanina, la quacra chinaisa (coturnix chinensis).
Il gnieu vegn bajegià en ina rusna guliva, nua che la giaglina metta 8–13 ovs. Ils pulschains naschan suenter 17 dis. Las quacras vegnan adina pli popularas sco animals da chasa, perquai ch'ellas dovran damain plaz che autras giaglinas; lur ovs e charn valan sco delicatessa. La quacra sa nutrescha da sems e d'insects.
Che la quacra era ina giada in utschè fitg derasà ed enconuschent tradescha er la poesia 'Il cont della quacra' da Giacun Caspar Muoth:
II cont della quacra
Teidla sils tuns amureivels cheu vi!
Tema Diu! pretga la quacra tudi;
Sesa sils costs dil giaraun en verdur
Clom'admonent il surpriu auditur:
Tegn po car! nies buntadeivel Signur!
Batta, rebatta siu miedi puspei:
Lauda Diu! El tei paghenta vonzei.
Riha racolta sin pradas e praus!
Sentas ti bucc', o carstgaun, moventaus!
Grazi'a Diu! che ha per tei tonts quitaus!
Vegnan malauras cun dons e sgrischur:
Roga Diu! sche fa 'l cun tei la migliur.
Vul il futur il tiu cor anguschar,
Tei consoleschi puspei miu cantar;
Sefidar! munta siu dulsch resunar.
Giacun Caspar Muoth
Reginavel: Animalia
Tschep: Chordata
Classa: utschels Aves
Urden: utschels giaglina (galliformes)
Famiglia: Fasans (phasianidae)
Categoria: Quacras da terra (coturnix)
Spezia: Quacra (coturnix coturnix)
This article uses material from the Wikipedia Rumantsch article Quacra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il text è disponibel sut la licenza Creative Commons Attribution/Share-Alike; ulteriuras cundiziuns pon esser applitgablas. Detagls chattas ti en las cundiziuns d'utilisaziun. Vichipedia è ina marca registrada da la Wiki Du học, ina organisaziun senza finamira da profit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Rumantsch (DUHOCTRUNGQUOC.VN) is an independent company and has no affiliation with Wiki Foundation.