Isaac es üna figüra biblica e vain considero insembel cun sieu bap Abraham e sieu figl Jacob scu ün dals trais archbaps respectivmaing patriarcs dal pövel Israel.
Il prüm cudesch da Mose (Genesis) raquinta d'Isaac traunter ils chapitel 17–35.
Aviand otg dis vain Isaac circumcis per appartgnair al pövel elet da Dieu.
Isaac d'eira marido cun Rebecca chi l'ho parturieu duos figls, ils dschimels Esau ed Jacob.
Tres ün rampign gratagia a Jacob da survgnir da sieu bap Isaac chi'd es intaunt orv e giascha sül let da murir, la benedicziun chi d'eira previsa pel prümgenuieu Esau.
Il raquint il pü dramatic chi tratta d'Isaac es quel da l'offerta d'Isaac respectivmaing e pü precis dal liam d'Isaac:
Abraham vain tento da Dieu in möd ch'el artschaiva il cumand divin da mazzer a sieu figl Isaac, sün il quêl la benedicziun pel avegnir d'Israel posa e chi'd es dimena il purteder da la spraunza, scu offerta vers Dieu. Abraham obedischa, ma immediatamaing aunz ch'Abraham offrischa ad Issac, intervain ün aungel e preschainta ün buoch chi rimplazza al sacrifizi umaun.
This article uses material from the Wikipedia Rumantsch article Isaac, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il text è disponibel sut la licenza Creative Commons Attribution/Share-Alike; ulteriuras cundiziuns pon esser applitgablas. Detagls chattas ti en las cundiziuns d'utilisaziun. Vichipedia è ina marca registrada da la Wiki Du học, ina organisaziun senza finamira da profit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Rumantsch (DUHOCTRUNGQUOC.VN) is an independent company and has no affiliation with Wiki Foundation.