Θεσσαλονίκη
Η Θεσσαλονίκην γιόξαμ Σαλονίκ΄ εν πολιτείαν ντο ευρίεται 'ς σην Ελλάδαν και εχ’ τρανόν ιστορίαν.
Το σύμβολον ατ'ς εν ο Λευκόν ο Πύργον, ντο εποίκαν ατόν οι Ενετοί. Η Θεσσαλονίκην εν η πρωτεύουσα τη Μακεδονίας και εχ' πληθυσμόν 800.764 ανθρώπ'ς απαναφκά.
Γεωγραφίαν
Η Θεσσαλονίκην εν χτιζμέντζα 'ς σο Θερμαϊκόν το Κόλπον, πέραν ά'σό ψηλόρραχον το Χορτϊάτ'.
Ιστορίαν
Το 315 π.Χ. τη χρονίαν ο Κάσσανδρον ίδρυσεν τη Θεσσαλονίκην. Έδωκεν ατέν τ' όνεμαν τη πατσής τη Μεγαλέξανδρονος. Ατέ πα επαίρεν τ' όνεμαν ατ'ς όντες οι Μακεδόνες και οι Θεσσαλοί ενίκεσαν τοι Φέρες και τοι Φωκεάδες. Τ' όνεμαν «Θεσσαλονίκη» εν συγκόλλησην ά' σ' αρχαία τ' ελλενικά τα λέξεις Θεσσαλῶν και Νίκη.
Ά' σό 168 π.Χ. τη χρονίαν η Θεσσαλονίκη έντονε μέρος τη Ρωμαϊκού τη Αυτοκρατορίας κι επεκεί τη Βυζαντινού τη Αυτοκρατορίας. Έτον πρωτεύουσα τη ρωμαϊκού τη επαρχίας Macedonia.
Αντιφέρκουτον κι επολέμησεν το Οθωμανικόν τη Αυτοκρατορίαν, 'ς σο τέλος έχασεν τον πόλεμον και ά' σό 1430 τη χρονίαν έντονε μέρος ατ'ς για 480 χρόνä. Όντες το 1912 τη χρονίαν ετελέθεν ο Α’ Βαλκανικόν Πόλεμον έντον πολιτεία τη Ελλάδας.
Συνδέσμ'
This article uses material from the Wikipedia Ποντιακά article Θεσσαλονίκη, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Το περιεχόμενο είναι διαθέσιμο υπό CC BY-SA 4.0 εκτός αν αναφέρεται διαφορετικά. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ποντιακά (DUHOCTRUNGQUOC.VN) is an independent company and has no affiliation with Wiki Foundation.