Η Βοστώνη έν το τρανύτερον πολιτείαν και η πρωτεύουσα τη Μασσαχουσέττης.
Ονομάζουμε 'ατεν και "Αθήναν τη Αμερικής" γιατί εχ' τα περισσότερα πανεπιστήμια ασ'όλια τ'άλλα πολιτείας τη Αμερικής.
Σην Βοστώνην ειν' πολλοί Πόντιοι Έλληνες ασ' όλια τα μερέας τη Ελλάδας, αμάν οι πλείονες είν' ασή Μακεδονίας τα νομούς, όπως την Κοζάνην, Ημαθίαν, Σαλονίκην, Φλώριναν, Κέστεραν κ,α.
Έχομε δύο Ποντιακούς Συλλόγους και είναι πολλά δυνατοί, την «Παναΐαν Σουμελάν Βοστώνης» και την «Ποντιακήν Εστίαν». Είναι ασ' ολίγους Συλλόγους που έχ'νε τ'ατεινέτερα κτίρια απέ σην καρδίαν τη Βοστώνης.
Εχ'νε χορευτικά συγκροτήματα, μικρά και τρανά. Η Παναΐα Σουμελά εχ' πολλά δυνατόν νεολαίαν. Η νεολαία μουν είν' ολ' γεννεμέν αδά σην Αμερικήν, αμάν έμαθαν να παίζνε την κεμεντζέν και νε τραωδούν, άμον ντ'εγεννέθαν, για σον Πόντον για σην Ελλάδαν.
Ασό 2008, ερχίνεσεν να έχ' Σκολείον Ελλενικής και Ποντιακής γλώσσας εντάμαν, όθεν μαθάνε την Ιστορίαν, Πολιτισμόν, Παράδοσην, ήθη, έθιμα.
Τα τραωδίας βοηθούν πολλά τα μωρά να μαθάνε την γλώσσαν για τ' ατό εμείς με την νεολαίαν έμουν, χορεύομε και τραωδούμε όθεν και να ευρίουμες.
This article uses material from the Wikipedia Ποντιακά article Βοστώνη, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Το περιεχόμενο είναι διαθέσιμο υπό CC BY-SA 4.0 εκτός αν αναφέρεται διαφορετικά. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ποντιακά (DUHOCTRUNGQUOC.VN) is an independent company and has no affiliation with Wiki Foundation.