Ντο εν η Βικιπαίδεια Ντο 'κ εν η Βικιπαίδεια Δικαιώματα πνευματί Βοήθεια
Πολιτική τη Βικιπαίδειας |
Βασικά |
Αδακά ολίγον βοήθειαν για να εφτάτε γραψίματα σην Βικιπαίδειαν.
Ο τίτλον τ' αρθρί να αρχίζ' με τ' ατά τα γράμματα. Ατό πρέπ' να ίνεται για να πηγαίνουν τα ποντιακά τ' άρθρα τ' incubator ουλ' εντάμαν, λ.χ. Ουσιαστικόν.
Κάθαν γράψιμον πρέπ' να έχ' κατηγορίαν. Για να εφτάτε την κατηγοριοποίησην θα γράφετε ασόν άρθρον αφκά το category statement, την κατηγορίαν, λ.χ.:
Η λέξην μετά τη γραμμήν (σο παράδειγμανεμουν: Ουσιαστικον) θέκ' σ' αλφαβητικόν σειράν τα λέξεις ση σελίδαν τη κατηγορίων. Σο τίτλον 'κ θα γράφετε νε άρθρον νε σημείον για τον τόνον.
Οι τίτλοι ούλ' τη σελιδίων εσέβνε αυτόματα σον κατάλογον τη σελιδίων κατηγορίων. Για να εμπάτε σε σελίδαν κατηγορίας εφτάτε κλικ σο category statement τ' αρθρί. Λ.χ. σ' ατό τη σελίδαν θα εφτάτε κλικ σο Wp/pnt/Βικιπαίδεια και θα εμπάτε σην σελίδα κατηγορίας «Βικιπαιδεία». Άλλα κατηγορίας τη ποντιακού τη Βικιπαίδειας:
Όλεα τα σελίδας κατηγορίας πρέπ' να ευρίσκουνταν σ' άλλη κατηγορίαν. Ασ' ούλτ'ς απάν είναι η κατηγορίαν με τ' όνεμα Pontic Wikipedia:
Όντες θα εγράφετε άρθα σην Βικιπαίδειαν, θα χρειάσκουνταν και λέξεις ντο 'κ έχομε σα ρωμαίικα τα ποντιακά τη παλαιώνεμουν. Απόθεν θα παίρομ' ατά;
Τα λεξεις ντο 'κ έχομε θα παίρομε ατα ασ' εκείνα ντο είχαμε κι εχάσαμε. Ενούμε αδακά, τ' αρχαία τα λέξεις ντ' ενεσπάλθαν οσήμερον, επειδή και ο πολιτισμόσεμουν εξέπεσεν, λ χ. οπτική, αίστηση, αφή, γεωμετρία, μετεωρολογία, κ.τ.λ. Άλλον λόγον ένι ότι πολλά ασ' ατά τα λέξεις ένταν διεθνικά κι θα λέγομ ατά αμόν ντο λέει ατά όλεν ο κόσμον. Ασ' άλλ' την μερέαν πα έχομε λέξεις ντο 'κ ενεπέμναν τα ίδια, άμαν η ρίζανατουν ενεπέμνε και για τ' ατό εύκολα επορούμε να πάιρομ' ατά: «φαίνομαι» (έχομ' ατεν) -> «φαινόμενον» (θα παίρομ' ατεν) γιά «ερωτώ» -> «ερωτηματικόν».
Αμόν ντ' επάρθαν ξενικά λέξεις κι ένταν ρωμαίικα σα παλαιά τα χρόνε, αέτς θα παίρομ' ατά κι οσήμερον. Τα ποντιακά έχνε πολλά ξενικά λέξεις, λ.χ. «κουμούλ» ασα λατινικά (cumulus), «αραεύω» ασα τουρκικά (arama), «καρτόφαι» ασα γερμανικά (Kartoffel), «καφές» ασα αραβικά (قهوة qahwa), κ.τ.λ. Αμόν ντ' όλεα τα γλώσσας, αέτς και τα ποντιακά επαίραν ξενικά λέξεις αση λαούς που με τον πολιτιζμόν ατούν επηρέασαν τοι Ρωμαίοις τη Πόντονος.
Θα παίρομε παράδειγμα τα νομς ντο τερούσαν όντες επαίραν τα παλαιά τα ξένα τα λέξεις (λ.χ. «αραεύω»): αν η λέξη ταιριάζ με το καλούπ' τη γλώσσας, θα παίρομ' ατεν όπως είν. Αν όχι, θα κανονίζομ' ατεν και θα βάλομ' ατεν σο καλούπ' τη ρωμαίικης: αέτς πα το ben arama έντον «αραεύω» και τα Kartoffeln «καρτόφαι».
Σα λέξεις ασ' αρχαία τ' ελλενικά: «αφή» ταιρίαζ έτσι όπως εν. Άμαν η «όρασις» 'κ ταιριάζ και ίνεται «όραση» χωρίς -ς.
This article uses material from the Wikipedia Ποντιακά article Βοήθειαν:Περιεχόμενα, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Το περιεχόμενο είναι διαθέσιμο υπό CC BY-SA 4.0 εκτός αν αναφέρεται διαφορετικά. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ποντιακά (DUHOCTRUNGQUOC.VN) is an independent company and has no affiliation with Wiki Foundation.