Ατώρα ας λέγω σας ντο εν ο υπολογιστής.
Υπολογιστήν λέγομεν έναν μηχάνημαν ντ'αλλάζ' πληροφορίας άμον ντο λέγνε συγκεκριμένα κανόνας. Η ιστορίαν τ' υπολογιστίων ερχίνεσεν πολλά χρόνεα εμπροστά. Παλαιά υπολογιστάς λχ εν ο αστρολάβον άμα και ο άβακον. 'Κ ομνέζνε πολλά με τ' οσημερνά τα υπολογιστάς άμα ασο 'κ εν καλλίον έσαν. Τα καινούρεα τα υπολογιστάς επορούν και ρυθμίζνε σηματοδώτας και αραπάδας, παίζνε μουσικήν και ταινίας. Άμαν το βασικόν η αρχήν επέμνεν άμον ντο έτον: ο υπολογιστής έςς κανόνας κι ατά λέγουν ατόν ντο να φτάει. Πολλά κανόνας εντάμαν λέγουμ'ατα αλγόριθμον.
Ο άθρωπος δουλεύ' τον υπολογιστήν και λέει ατόν να φτάει δουλείας, λχ να παίζ' ταινίας ή να πάει σην Βικιπαίδειαν. Άμαν ο υπολογιστής 'κ εγροικά νε ποντιακά, νε αγγλικά. Για τ'ατό ο χρήστες επρέπ' να καλατςεύ' τη γλώσσαν τ' υπολογιστή. Τη γλώσσαν τ' υπολογιστή λέγουν ατέν γλώσσαν προγραμματισμού. Οι προγραμματιστές εγροικούν τη γλώσσαν κι αέτς γράφνε προγράμματα ντο λέγνε τον υπολογιστήν ντο να φτάει. Επεκεί ο χρήστες χρησιμοποιεί τα προγράμματα κι αέτς πα, με τ' αείκα και τ' αείκα εφτάει τα δουλείας ατ'.
This article uses material from the Wikipedia Ποντιακά article Ηλεκτρονικόν υπολογιστής, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Το περιεχόμενο είναι διαθέσιμο υπό CC BY-SA 4.0 εκτός αν αναφέρεται διαφορετικά. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ποντιακά (DUHOCTRUNGQUOC.VN) is an independent company and has no affiliation with Wiki Foundation.