شربت گل
شربت گل اک افغان مہاجر خاتون سی۔ نیشنل جیوگرافک سوسائٹی دے فوٹوگرافر سٹیو میک کری نے اوہدی فوٹو بنائی جیہڑی جون 1985 دے نیشنل جیوگرافک میگزین دے مکھ صفحے اُتے لگی تے اوہنوں دنیا وچ شہرت ملی۔
شربت گل 1972 وچ افغانستان وچ جمی۔ اوہ اپنے والدین تے ہور رشتے داراں نال پاکستان آئی تے پشاور دے مہاجر کیمپ ناصر باغ وچ وسی۔ اوہدی والدہ اپینڈسائٹس دی وجہ توں انتقال کرگئی جد اوہ پاکستان منتقل ہوئی۔ اوہدا ویاہ رحمت گل نال ہویا تے اوہدیاں 3 دھیاں نیں۔ نیشنل جیوگرافک والیاں اوہنوں 2002 وچ لبھیا۔
35 سال تک پاکستان وچ رہن توں بعد، 2017ء وچ پاکستان دی عدالت نے اوہنوں جعلی شناختی دستاویزات رکھن دے جرم وچ واپس افغانستان بھیج دتا۔ 2021ء وچ افغانستان وچ طالبان دی واپسی نال اوہدی زندگی خطرے وچ پے گئی تے اوہنے نومبر 2021ء وچ اٹلی وچ سیاسی پناہ دی درخواست دتی تے اوتھے چلی گئی۔
This article uses material from the Wikipedia شاہ مکھی پنجابی (Shāhmukhī Pañjābī) article شربت گل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.